Ulyango 17
1
Ensiku sita pamandei ou Yesu abhejile peka nou Petro, nou Yakobo, nou Yohana ouholo wakwe, na abhejile hadi pamwanya yeigamba itali abhene.
2
Ageuzizwe hwitagaliala lyabho. Iliso lakwe lyan'gaa nashi isanya, na meenda gakwe galouleishe gagang'aa nashi oumwanga.
3
Enya, pala bhalouleishe ou Musa nou Eliya bhayanga naawo.
4
Ou Petro ahabhoula na hubhouzye ou Yesu, “Gousi, shinza atei abhe eipa. Nkashe ouzilihanyonywa, eimbazenje eipa amasebhele gatatu lyeka lyaho, lyeka lya Musa, na lyeka Eliya.”
5
Nayangaga, enya ibheingou izelu lyabhabheiha einzunda, na enya, yafumile eisauti afume humabhengo, eiyanga, “Ouyo mwanawane ouganwe weiganwa naawo. Mwounvwi oumwene.”
6
Abhaazyi nabhounvwa eigo, bhagwiye kupama na hogope hani.
7
Nantele ou Yesu aheinza na nabhaguse na yanje, “bhoushi wala muganje ahogope.”
8
Bhape bhahinuye amaso gabho humwanya ila sagabhalolile oumuntu ila ou Yesu mwenei.
9
Nabhahihaga mwigamba, ou Yesu abhalajizya, ayanga, “Musahashele abhouzye oumuntu eiga gounti paka oumwana wa Adamu naizyouha afume hwilongo.”
10
Abhaazyi bhakwe bhahabhouzya, bhahaga, “Yenu asimbi bhayanga aje ou Eliya ayihweinza nansouti?
11
Ou Yesu abhahoula naje, “Ou Eliya ayihwenza lyoli na wezye amambo gonti.
12
Lelo ei eimbabhouzya amwe, ou Eliya ayeinzeile tayali lelo sagabhameinye. Badala yakwe, bhabhoumbeiye amambo gabhahwanza abhene. Eisho shasheisho oumwana wa Adamu shanzayeimbwe munyobhe zyabho”
13
Eipo abhaazyi bhahamanya aje ayanga einongwa zya Yohana oumwozi.
14
Nabhafiha peimpoga ya bhantu, oumunt oumo abhaliye, ahafugamila hwitagalila lyakwe, na hubhouzye,
15
“Gousi, ukhowoshelwe oumwana wanei, huje alineimpoungo yagwe nayeimbe hani. Haminji agwela mumwoto awe mumeinzei.
16
Naletile hwabhaazyi bhaho, lelo sagabhapounizye.
17
Ou Yesu ahaga, “Amwe mweimpapo mwaseimuli noulweteiho na shashinanjishe, naikhala peka namwei paaka ndii? Naijimba namwe hadi ndii? Leti eipa hulinei.”
18
Ou Yesu akhalipiye, na eimpepo yafumile. Ou sahala aponwa afume eisala yayeila.
19
Eipo abhaazyi bhamwenzeiye ou Yesu hunfiso na hubhouzye, “Yeenu atei tapoutilwe ahumwefwe?”
20
Ou Yesu abhabhouzya, “Amwee oulweteiho o lweinyu doudo. Lyoli eimbabhouzya, nkashe munzabhe nuolweiteiho oudoudo nashi eimbeyuu yiharadali mubhawezye alibhouzye igamba eli, saama afume eipa, oubhale hula, lyape libhasame na sagubhabhe na hantu nahamo hamugapootwa naho.
21
22
Ou Yesu nahali hu Galilaya na bhaazyi bhakwe abhabhoula, “Oumwana wa Adamu abhabheihwe munyobhe zya bhantu.
23
Na bhanzahugoje, ni siku lya tatu ayizyoha.” Abhaazyi bhazugumiye hani.
24
Bhape nabhafiha hu Kapernaumu, abhantu bhabhabhounganya eisonga yeinusu shekeli bhabhalila ou Petro na yanje, “Aje oumanyizi wenyu wape asomba eisonga ya munyumba eimufinjile eiya Ngouloubhei?”
25
Ayanga, “Ee” Ila u Petro lwayinjila mukasi yinyumba, u Yesu ayanga nu Petro kwanza na yanje, “Usebhelelanshi Simoni? Amwene bhense, bhaposhela ikodi au uwushuru afume whananu? Whabhala bhahubhatabhala afume wha bhajenu?
26
Nou Petro nayangaga, “Afume hwalougou.” Ou Yesu ahabhula, eisho bhabhasajiye abhakhaya bhabho asombe eisonga.
27
Lelo tisahasheele abhavisye abhantu eibha bhabhasounvwa eisonga bhabhomba eimbibhi, bhala, outeje oulwonzo munsoumbi. Nwigula ilomu lyakwe, oubhayaje oumwo. Ou yeje na oubhapele asounvwa eisonga hunongwa yanei nawe.