¹ Amafalisayo na Masadukayo bhamweinzeiye na hujeele ou Yesu abhalanje eishimanyizyo yeifuma amwanya.

² Lelo ou Yesu abhabhoula waga “Nkayabha lyabheela muyanga aje eindabhei hwaisha shinza, peipo amwanya huzelu. ³ Nei shampwi muyanga huje, sanyounou eimvula eibhatoonye, peipo humwanya hwiru na amabheingou gagubishe eimwanya yonti, mumenye aloole eimbonesyo zya humwanya, lelo sagamuwezya alole eimbonesyo zyesaala. ⁴ Eimpampo eimbibhi nanteele bheegu, shihwanza eimbonesyo, lelo neimo eimbonesyo yoyonti shashaipewa, ila eila ya Yona. Nantele ou Yesu abhaleshile nasogole na bhale ouhwo.

⁵ Abhaazyi bheinza ouwupande wabheilei, leloila bhaheiweilwe ahweje amakati. ⁶ Ou Yesu abhabhoula ahaga “mubhanje maso na ahwidime nou soufu Wamafarisayo na Masadukayo.”

⁷ Abhaazyi bhaala bhahanda ajehane bheene na yanje. “Lelo saga tahejile amakati.”

⁸ Ou Yesu agameinye gounti eigo na abhabhoula, “Amwe mwelweteiho oudoodo, yenu museibheile nayangane mubheene huje sagamwejile amakati? ⁹ Weilei museile azyaganye awe ahwizushe gala amakati gasanu hwabhantu eilufu zisanu neivikapu vileinga vyamwabhoungeinye? ¹⁰ Awe amakati saba hubhantu eilufu ziine neivikapu vileinga mwabhoungeinye? ¹¹ Shiliweilei sagamuzyaganya huje seiganayanganga namwe aje amakati? Muhidime na mubhemaso nou soufu Weimafarisayo na Masadukayo.” ¹² Nantele bhamanya aje sagayanga pamwanya yasheibhe na makati gagali nou soufu ila ashebhe amamanyizyo gei Mafarisayo na Masadukayo.

¹³ Ou Yesu nawafiha hwiboma eilyei kalisaliiya yei Filipi, abhabhoula abhaazyi bhakwe, waga, “Abhantu bhayiga oumwana wa muntu you nanu?”

¹⁴ Bhayanga, “bhamo bhayanga aje you Yohana Oumwozi; bhamo, you Eliya; na bhamo, you Yeremia, awe oumo wabhakuwe.

¹⁵ Abhabhouzya, amwe muyiga anei nei nanu?

¹⁶ Ou Simoni nou Petro bhabhoula, “Awe wei Klisiti ou mwana wa Ngouloubhei wali mwoomi.”

¹⁷ Ou Yesu ahabhoula na hubhouzye, “Ousayiiwe awe, Simoni Bar Yona, huje eidanda nei nyama sagavyakwinkuliwe eili, ila Ou Daada wanei wali humwanya. ¹⁸ Nanei nteele eihubhoula aje awe wou Petro, na pamwanya pi lyalawe eipa naizenga ibhaanza lyane na amalyango gahwilongo sagagayeimena. ¹⁹ Nayihupela awe einyigulilo zyei oumweinei wahumwanya. Hahonti hawayipiinya pansi shayibha shipinyilwe humwanya, na shoshonti shawayihwiguula pansii shayibha shuyihwiguliwa humwanya.” ²⁰ Nantele ou Yesu abhabhouzya abhaazyi bhasahabhouzye oumuntu wowonti aje oumwene you Klisiti.

²¹ Afume eipo ou Yesu ahandile abhabhouzye abhaazyi huje ahwanziwa abhale hu Yerusalemu, ayeImbe hunongwa einyinji hunyobhe zya gousi na agousi bhibhanza na siimbi, agouje na zyounshe eisiku lya tatu. ²² Nantele ou Petro amwega ou Yesu pasheinjei, nahuloganyanye, ayanje, “einongwa einei eibhe hutali nawe, ougousi, eili lisahashele ahumwaje awe.

²³ Lelo ou Yesu ahagaluha na hubhouzye ou Petro ahaga, “Wee seetano, epa hwitagalila lyane! Awe ounzijila abhombe eimbombo zya Ngouloubhei, ila ousebha zyaga zya Ngouloubhei, lyoli ouseibha zyabhantu.”

²⁴ Nantele ou Yesu abhabhouzya abhaazyi bhakwe, “Nkashe oumuntu wowonti nkahwanza andondozye anei, saga ahwanziwa huje ahwisagaje youyo, ayeje ikhobhehanyo lyakwe, na andondozye. ²⁵ Huje wawhwanza ahwifyoule ouwoumi wake ayiwutezya, na wawonti waitezya ouwoumi wakwe hunongwa zyanei ayiwaga ouwoumi wakwe. ²⁶ Eishi! Oumuntu anzahaje hantunshi, nkashile wayaga einsi yonti lelo atezya ouwoumi wakwe? Eishi! Hantu weilei agafumya oumuntu akalane nou woumi wakwe? ²⁷ Ou mwana wa Adamu ayihwenza nou utuntumu wa Daada na antumi bhakwe. Wape ayisoomba wowonti aleingane nei mbombo zyakwe. ²⁸ Lyoli eimbabhozya bhamobhamo bhaheimeileiye eipa sagabhayileinga aafwe hadi lwabhayihulola oumwana wa Adamu nayihwenza huwumweinei wakwe.