¹ W' akime mu bwato, wasoka, weya kurwabho. ² Munjo ntambi, bhamurishie mwea Okata nt' wenkinde mor' ekingi, Yesu warekiya wasung' erisimira rabho w' er' erukata: Sumyang' emutima, umasasirwa ebhibhi byabhe.

³ Mu' njo ntambi, bhingi mumbi bhandiki bheshisha mo mitima yabo: Ingu mwea wahasa. ⁴ Yesu wasibha emyanikiri yabho webha: bhushwa nki mwanikira bhinwa bhyema mo mitima y'inu? ⁵ Kini ngi chasuma, n'eriyebha: Simana enda. ⁶ Eina musibhanga mbw' emwana w' emwea uri na bhuritohe mo chuo isasir' e bhibhi. w' er' erukata: Simana kukum' entangy' abhe enda ko kwinu. ⁷ Wasimana n' ienda ko kwae. ⁸ Eina, e nteko bharekiya bhamusunga, bhasubhaha, bhatata Ôngo ing' wakunink' ebhea ingo maa.

⁹ Yesu warekiya wetange mor' itukae mpo, wasunga mwea wabhikirwa mbu Matayo nt'warika mo numba y' ehoro, wamw' ere: Nimise. Wasimana, wamwemisa. ¹⁰ Warekiya warika mw' isond' ira bhiyo, wasunga 'mbi ebhakongori bh' ehoro, hima nambi bhea bhebhibhi, bharika hima na Yesu n'esantumwa sae.

¹¹ Efarisayo bharekiya bhasunga mbo, bhashisha esantumwa sae: Bhushwa nki Nyerekuritu warire hima n' ebhakongori bhehoro n' ebhabi?

¹² Eina, warekiya worukira, webha: E nti mukoni nt' waraa mu mushake eina ibho. ¹³ Mwendi kihana bhushw' ekinwa nchi: nihunange nsasi eina nt' uhembo. Bhushwa nti nareya kabhikira bhis' ereira, eina n'e bh' ebhibhi.

¹⁴ Esantumwa sa Yohana seya kuri Yesu n' iyebha: bhate n' ebhafarisayo turonjanga e mahemo erifund' ira ngendo ningi; eina esantumwa sabhe bhataronjanga mahemo efund' ira bhiyo?

¹⁵ Yesu w'erebho: ebhabhikirwa bhatakochi ironja mahemo efund' ira bhiyo kuti bhakiri hima n' emuheruki. Eina kusiya matu e muherucha watunjiwayo kuri bho, na mungo matu bhaseronjayo mahemo efund' ira bhiyo.

¹⁶ Hasira mweya wamuriya kebhe cha ngombe nchasha habhasirwa nanji ya kare, bhushwa ekebhe kishasha nti chabhenga inji ya kare n'ibheraa rarenga. ¹⁷ N'ebhea bhatakoch' iria mau mashasha kumunda na kisha cha kare, nti chabhenguka, n'emau nty' aritabha n' ebhisha nti bhyarimina; eina bhariyanga e mau mashasha mu bhisha bhishasha, n'ebhisha n' emau nti bhyarangana.

¹⁸ Warekiya weya wahita hamakako nae w' ebha: mwisy' ani wamakwa mo kashangi kameta iya katerek' emine habhasirwa nae warame. ¹⁹ Yesu wasimana wemisanya nae hima n'esantumwa sae. ²⁰ Nasunga momina wabhesanga nt' utukange nchama miaka ekumi na ibhi, w' eya kuruma nae watinge mo mutimba w' engombe yae;

²¹ Bhushwa wabesanga nti w' ebhange mo mutima wae mbu namakocha eturana mo ngombe yae nt' inserama.

²² Yesu w' ikebera, webha mor' emusunga Esumye. Mwisy' ani, eresimira rabhe ramakuramya. N'ango momina warama mo ntambhi iya.

²³ Yesu warekia weya mo numba y' emukwakare, wasunga ebhasihi bh' etukumbwa, n' enkumanano nti bharubhiyange, ²⁴ W' erebho: mw' eiri, bhushwa ekikumi nti chakwa, eina kirere. Bhamusea. ²⁵ Enteko y' arekia yamatuka, wakime, watinge e kikumi mo mwine, n' ekikumi chasimana. ²⁶ E mwasi wansansabhana mo bhutak' ebhuti.

²⁷ Warekiya utukange nko, yesu wabungurwa bhihumihumi bhibhi nti bhikuange: tukwiri bhonso ongo musike wa Daudi! ²⁸ Warekiya w' eya mo munumba, e bhihumihumi bhamwire, na Yesu w'erebho: musimira mbu namukoch'ikia nchi? Eira e nyerekuritu, ng' wamusako bho.

²⁹ Waturanabho momeso, webha: ribhese kuri bhanu, iyemisanya n' eresimira rinu. ³⁰ N'emeso abho obhoka. Yesu wahemabho nguru mwirange, anga mwea wasibha. ³¹ Eina bharekia bhatuka, bhansans' enkuru yae mo chuo ekuti.

³² Abhesanga bw' endange bho, bharisha kuri yesu mwea uri n'eshumbu karumbu. ³³ E mushumbhu warekia wamahensiwa e karumbu k'ebha. E nkumanano yashishara, bhebha; kitangasungwanga kiri mbu mo Israeri.

³⁴ Eina ebhafarisayo bhebha: kuri emubhake w'ebhashumbu mng' uhensange mo ebhashumbu.

³⁵ Yesu wabhesanga w' etange mosa mbungu siti na mo tunsari, nt' uhanage mo marango nt' uturang' emwasi wakonda w' ebhubhake, na nt' uramyang' emakoni ati na bhurema bhuti. ³⁶ Warekiya wasung' enkumanano, watingirwa na bhonso bhushwa bhabhesanga nti bhamaruha bhuri mburi sisira murangi. ³⁷ Washish' ebhemisa bhae: e mbuto nkiri, eina kuri bhakori bhakeke. ³⁸ Muheme e mukakare w' embuto warebheke bhakori mosambuto.