¹ Wabhikira santumwa sae ikumi na bhabhi, na waninkabho bhunkangwe wirikita ebhifasi, iramya emakoni ati ne matetera. ² Impo emina esantumwa ikumi na sibhi nge ano: Emusondori Simoni wabhikirwa Petero, na Andereya musikyabho; Yakobo musike wa Sebedayo na Yohana musiky'abho; ³ Firipo na Baritoromayo, Tomaso na Matayo mukongori wehoro; Yakobo musike wa Arufayo, na Tadeo: ⁴ Simoni mukanana na Yuda Isikariyote ing'wasibhuranga Yesu.

⁵ Imbi ikumi na bhabhi Yesu washishabho mbu bhendi, warikiya wamakindi ninkabho emyomba webha: angi mweta mu'nsenji nti yabhukomenwa, angi kime mo bhungu rutiruti rwa bha Samaria. ⁶ Ina rakomanwa mwendi mu samburi samarimina mo numba ya Isiraeri. ⁷ Mumenda, mutureo, mwebhe; e bhubhake wa mu mbingu iyo bhuri kwihi. ⁸ Muramye bhakoni, mufure bhafu, mushuurure e bhabhembi, murikite ebhifasi; murininkwa bhusa na bhanu muninkane bhusa. ⁹ Kiro muntinge noro, ne sampai, ne bhehe, munku: ¹⁰ Angi riya kimbesa mo ruendo, na nchangi sibhi, na bhinantiro, na nkoma; bhushwe e mukori we murimo wakomenwa e ruhembo rwae. ¹¹ Ne sambungu siti siti sakime mubanu, musondekanye inye munkati nabho ngwa komenwa; himpo rika kukwae irinda erituka. ¹² N'entambi yakime bhanu mu numba mukeyane. ¹³ Ne numba ya mabinduke mubhukomenwa ebhuhoro winu bhubhesi mo: ina kuti nti yarengekana ebhuhoro bwinu bhubhukuruki. ¹⁴ Nangi utiuti twabhukoke bhanu na kuti ntworukira ne bhinwa bhinu, entambi yerienda rinu, morituka mo numba njo na munkati ne rubhungundo, mutitu e mukungu we bhisando bhinu. ¹⁵ Iira niwirengi, erotu rw'erubhansa, e chuo cha ku Sodoma ne cha ku Gomora bhasanguhirwayo e rubhansa irenga erubhungu' ndo.

¹⁶ Mukai nawire mbu mwendi bhuri mburi munkati ne tushongera; mubhesi na wenge bhuri nsoka, bhuri tumpite. ¹⁷ Murike na wenge mo bhinwa bhye bheya; bhushwa bhabhuriyayo mu mansa, bhase bhuhumbayo tushushu mu marameso abho. ¹⁸ Bha bhuriyayo bhushwa nani, habhusondori nambi ebhasima ne bhabhake bha mukino chuo, bhushwa ne kariho, kuribho nambi enti bhasimira. ¹⁹ Ina entambi bhenda ninu, angi nubha twebha bhuni ekiseba bhanu muningwa cho entambi iyaiya. ²⁰ Bhushwe nti bhanu museebha ina e mutima waso ng'useebha kuri bhanu. ²¹ Bhanakima bhasibhuranayo moroku, natita n'emwana wae; ne bhana bhasibhurayo bhishe bhabho moroku. ²² Namusungwayo bhubhi ne bheya bhati bhushwa ne rina rani, iina ingo wabhindukeyo na muongerero irinda iya mungendero washukarayo. ²³ Entambi bhabhunubhyayo munkati nobhungu, mubheki murumpe obhungu; bhushwa n'ibwerengi mo r'eira bhanu, mutukochi ikinda itimba esambungu saba Israeri kuti e mwana we mwea neki ntwakuruka.

²⁴ Entumwa nti mukwakare nt'warenga nyerekurwabho, ne mufuku nt'warenga nyerekurwabo. ²⁵ Rarengekana entumwa ibhunduke bhuri muhani wae, ne ntumwa bhuri nyerekurwabho. kuti bharibhikira min'er'ichumbu mbu ngi Beriseburi, ngendo singa bhasebhikira yo bh'er'inchumbi rae.

²⁶ Angi musubhaha bho bhushwa kiti nchi chasebhumburwa na nchi chabhiswa chasheiwayo. ²⁷ Ekiti kiwirengyani mo mwirimya mwebhecho mochaka, nambi bhyorukiranga banu mo mate mwebhebhyo mu murenge mukiri. ²⁸ Angi musubhaha imbi ebhayange emubi, ina bhatakochi ishura e mutima: subhaha ingwamukochi ishura e mutima n'emubhi ienda ekwerunga. ²⁹ Uchuyi, mironge ibhi mu rumia sibhi? ina kitamukochi ikire kwansi kuti ntisasa ra tita winu. ³⁰ Naha ebhuteo bhwe mintwe inu ebhuti bhwanswa. ³¹ Impo musubhaha, bhushwa bhanu murenga mironge mingi. ³² Ngyasingwa uti ingwamakindi simira munkati n'ebheya, nani na musimira hamakako na tita ingu'ri mumbingu. ³³ Ina ingu wanitunayo munkati ne bheya, nani namutuni ha makako na tita ingo' uri mumbingu.

³⁴ Angi mwanikira mbu namarisha bhuhoro kuno mu chuo, nti nareya karisha ntanya, ina mukushu. ³⁵ Bhushwa namiya karishantanya munkati e mwana nishe, ne kikumi na nina wae, munkati emwasana ninabhe. ³⁶ E mwea wabhindukeyo na bharenda ntimbi bha mo numba yae. ³⁷ Uti'ungu washima ishe na nina irenga ani usira bhukomenwa kuri ani, nangu washima emoshukira wae nekikume chae inirenga, nt'wanikomenwa. ³⁸ Ingu utamukochi iriya er'iyango rae ni nimisa ntwankomenwa. ³⁹ Ingu wasunge karama keribhindukeho raee ntwariminyako; nangu wariminyayo ekaramo kae bhushwa nani wasungayoko.

⁴⁰ Ingu wabhukoke bhanu wanikoke ani, nangu wanikoke, wakoke ingu webhanga mbunie. ⁴¹ Ingu wangirira mutahwa bhushwa mutahwa waninkwayo uhembo rwe bhutahwa nangu wangirirange weriira bhushwa riira waninkwayo uhembo rweriira. ⁴² Nangu waninkanayo usara ruma rwahorerwa mubhakeke bhani bhatariminyi eruhembo rwae.