¹ Yesu war'ikia wamahita mo r'ou, kikembe kikiri cha bhea cha mwemisa. ² Mubhembi uma washere kubhusondori nae n'emwire: e Mukota, mor'isasa rabhe niramye.

³ Yesu wamurereka e mwine, Wamutinge mo, w'ebha: kuruma na'mpo e bhubhembi bhwae bhwarama. ⁴ Nampo Yesu wa mwere: bhebhera kiro shisha mwea, ina enda kishea kuri e bhakungu, na shea e kibhimbi chahemanga Musa, kôngo chabhesa kariho.

⁵ Yesu warekia wakime ku Kapernaumu, mukákare uma wa mushirikani, ⁶ Wamuhema ni ebha: mukota, e mufuku wani wekinde ekunumba, wasamba rumbonsa na wanubha nguru.

⁷ Yesu wamwire; nenda ni muramye.

⁸ Emukakare we bhashirikani wasubya: mukota, nti nakomenwa, mbu ukimi mu numba yani, ina ebha ho kinwa kima, ne mufuku wani warama. ⁹ Bhushwa, n'ani nasimanire, niri na bhashirikani e bhasimanire ani, namashisha uma: enda! na ntwenda; umpe: iya! na ntwiya; ne mufuku wani. kiyanchi! na ntwa kiacho.

¹⁰ Ikind' imwerukira, Yesu washamikwa, na were e bhabhesenga bhamwemisange: ni bhushishange mu reira, akiro ku Isiraeri nti na kushee mwea uri ni simira rikiri bhuringu. ¹¹ Na nibhushishange bhingi bhasetukayo ku bhusondori na kuruma, na bhaserireyo na Aburahamu, Isake na Yakobo mubhutanda bhuma mo bhubhake bwa mu mbingu. ¹² Ina e bhana bh'e bhubhake bhasetawayo habhutara mumwerima, e hasebhesayo kiro n'ishiisha e meno. ¹³ Nampo w'ire e mukakare w'e bhashirikani: enda, bhibhesi kuri ongo bhuri erisimira rabhe. na muntambi njo e mufuku warama.

¹⁴ Yesu wenda tu mo numba ya Petero, wasunga inabhe ntwekinde na nturi na kabhurura. ¹⁵ Wamutinge mo mine ne kabhurura kakuka, nampo wasimana, ni mukore.

¹⁶ Mo ntambi ya mwiyoro, bharishie Yesu kibherebhere cha bhea bharisere bhifasi. mukinwa chae wahensa ebhifasi, na waramya ebhati emakoni abho. ¹⁷ Kongo bya bhererera na Isaya e mutahwa: waria e bhubhi bwitu, n'iria emakoni itu.

¹⁸ Yesu wasunga kikembe kikiri kumushi nae, waninkana momba wienda mumpe mwiri. ¹⁹ Mwandiki uma wemitiro washere, n'emwire: e muhani. nsekwemisa ekuti kwendi ongo.

²⁰ Yesu wa musubhie: emiterere iri ne nsumba sabho, ne mironge ya mumwaanya iri na bhirumba bhyabho; ina emwana we mwea usira mpiahaseriae 'muntwe.

²¹ N'umpe, mu santumwa sae, wamwere: mukota, nininke ntambi nendi kasa kataa Tita.

²² Ina Yesu wa musubhiye: nimise, na sia e bhakwire bhatae esantundwe sabho.

²³ Wataya mokitange, ne santumwa sae samwemisa. ²⁴ Iyuhu rikiri rasaa mo nyansa na nturere, ne kitange nti cha makindi bhumbiwa na mubhimbi mukiri wa mecha. ²⁵ Esantumwa sashere kuri we, bhamusimo, na bhebha: Mukota, toshukae twakwa.

²⁶ Washishabho; bhanu muri na koha kanki, bhanu bhansimiro nkeke? nampo wasimana, wakeme e reyuhu ne nyansa ne bhiti bhya bhobhera.

²⁷ E bhea bhati bhashishara: bhebha, inye mweangu e werukirwange ne riyuhu ne nyansa?

²⁸ Entambi bhiya mukimpe kirindo, mu chuo che Bhagerase, bhifasi bhibhi, bhya saa ekumasinda, bhiya kubhusondori nae. byabhesenga nti bhyasua nguru nti hatangeta kiro mwea. ²⁹ Nasunga, byabhucha kw'irake: twakwirenki bhaate nabhe, musike wa Ôngo? ukwiya hano itunubya bhusondori bw'esantambi? ³⁰ Kore nabho nti kuri kikembe kikiri cha mpunu nti sirisange.

³¹ E bhifasi bhyahema Yesu, bhyebha: ebhwatuhensa ongo, tureki tukimi mo kikembe ch'etuhuwa.

³² Werebho: mwendi! bhyatuka, byenda mo kikembe chesa mpunu. na mukai, ekikembe kiti ch'esampunu chahite munyansa, satiya. ³³ Ne bhabhesanga bharishangeto bhabheka, bhenda mu robhungo rukiri ni tura emwasi e wameta ne wameta kuri ebhabhesenga bhari n'ebhifasi. ³⁴ Nampo e rubhungu rukiri ruti bhenda kemisa Yesu, na mori musunga, bhamuhema watuke mo bhutaka bhwabho.