¹ Kiro kera rwanko, kongo n'ongo utu kerirwingiro. ² Bhushwa ukererwayo erwa keranenga ôngo, n'e nengo yerekange ôngo ngi yaninkwa yo tu ôngo. ³ Bhushwa nki ongo sungange e kani kari kumunda ne riso ra munakinu, ang'isunga e kisu kirikire kumunda ne rabhe. ⁴ Bhuni ngi bhwamushisha ôngo munakinu 'mbu mukutu e kisu mo riso rae n'ongo kwengi keto mu rabhe. ⁵ Mukorotima, kuto kasa eketo kiri muriso rabhe ntu sibh'ikitoke e kisu kiri muriso ra munakinu.

⁶ Kiro muninka bikai byakonda e sambhibhi, na ntu turekeri bhikai byabhe bhyashuururwa munkanti ne sampunu samwendá kanyenshaa bhyo, nibhunduka n' ienda kabhushiriya.

⁷ Muheme na muninkwa, musonde na mushee, mukongote na bhaa bhurindure. ⁸ Bhushwa kinsi'ngu wakonga ntwanínkwa, ne wasonda ntwashee, n'irindure kinsingu ukongotange.

⁹ Inye mu bhanu wamuninka musiky'ae ikoi u mukongange e kambhosa? ¹⁰ Wakonge kikwa, waninkwe nsoka? ¹¹ Kubha bhasua bhuri bhanu, bhanu musi inínkana bhikai bhyakonda mubhana bhinu, nambo nge bhusekiayo Tita witu wa mumbingu watuninka bhikai bhyakonda mumbi bhamufange.

¹² Kinsi nchi chashima ebhea bhabhukieri na bhanu mukieri cho bho, bhushes nge rwanko ngi ne bhatahwa.

¹³ Kime murubhi rukeke, bhushwa e rubhi rukiri, erwaariha ngi nse yeri rimina na bhingi bhamakime muro. ¹⁴ Ina e rubi rukeke nge nse y'ekaramo, na bhakeke ngi bhasungayoro.

¹⁵ Mukohyanga ne bhatahwa bh'e manko. bhiya kuri bhanu nti bhambara ohu rwa kibhoro ekubhutara ina kumunda nabho nti ngoi ya mubhusara. ¹⁶ Musibhayo mu mikorere, bhakaongi n'isonya e bhyuma bhye misabhibhu munkati emenke. ¹⁷ Kinsi muti wakonda, kilutanga bhyuma bhyakonda, ne miti yema ibhutangaho bhyuma byema. ¹⁸ Muti wakonda uta mubhuta bhyuma bhyema na mutí wema ubhute bhyuma bhyakonda. ¹⁹ Kinsi muti enti wabhuta bhyuma byakonda, ukerwe ni rekerwa mu kasha. ²⁰ Musibhabho mu bhyuma bhyabho.

²¹ Nti kinsi 'ngu umbikirange ng'usekímeyo mo bhubhake bhwa mumbingu ina ngu wakiya e r'isasa ra tita mo mbingu. ²² Mumbingu murotu ndo bhaanshishayo: Mukota, Mukota, mbe nti twahurukwanga mo rina rabhe? mbe nti twahensanga e bhifasi murira rabhe? Na nti twakianga bhishisharo murina rabhe? ²³ Nampo Yesu washishayo bho angi'ibhisabho e mwasi; nti nabhusibhanga, mutuke kubhusondori nani, bhanu bhakori bha bhubhi.

²⁴ Nge chasingwa, mwea uti uti werukira e bhinwa bhwebhang'ani n'iemisabhyo usebhesayo mweya wakohya, e wimba e numba yae habhasiro erukanga. ²⁵ E mbura yake, emibhimbi yeya, e riyuhu riya, na kwesunda mu numba: nti yendukanga, bhushwa yabhesange nt'imbwa hambasiro n'e rukanga. ²⁶ Ina uti uti werukira ebinwa bhyebhange ani n'utangemisa bhyo, wasusayo na kiashaasha ewimbanga enumba yae habhasirwa n'emisie. ²⁷ Embura yake, e mibhimbi yeya, eriyuhu riya resunda mu numba; yenduka, ni shambukara eruti.

²⁸ Yesu murikind'ebhinwa bhyae, ekikembe chekira mu mwenjo wae. ²⁹ Bhushwá wabhesanga ntu hanange bhuri uri na bhukakare, ina nti bhuri ebhandiki.