¹ Mwirange kiro mukia e r'eira rinu mo makako e bheya kongo musungwa nabo muro, bhushe nti mutusheiyo ohembo kuri iso winu ing'uri mo mbingu. ² Umabhese ntukuronja e rohembo, kiro kaso mo kahunda bhusondori nabhe, bhukianga ebheya bhekakorotima mo marameso na mo myengere kongo bhatahwa n'ebheya. nabhwire cho mo reira, ibo bhasheengi e rohembo rwabho. ³ Ina entambi ironjange ôngo e rohembo, ekubhoko kwabhe kwekurembe, kiro kwasibha ebikiange ekubhoko kwabe kwe kwabhume. ⁴ Kongo e r'ohembo rwabhe rukiarwe munama; na iso wabhe, ingu sungange munama wakukasane.

⁵ Amabhse bhanu muhemange, angi mubhesa bhuri bhakorotima imbi bhashima erihema na bhasimana mo marameso nakumushi n'e myengere bhushwe bhasungwe ne bheya. nibhwerengi mureira, ibho bhamashee erohembo rwabho. ⁶ Ina kubha oongo hemange, kime e kumunda n'erichumbi rabhe, rindik'e rubhi na hema iso wabhe. Ungu e bhiri mo bwe bhuari bwe nama, na iso wabhe ungu susanyange e bhirimo bhuari we nama waakukoreyo bho. ⁷ Mo rihema, kiro mwebha bhinwa bhya bhusabhusa bhuri nti e bhasimira, imbi bhahakange mbu bherukirwa bhushe nebhinwa bhingi. ⁸ Kiro mususana nabho; bhusha iso winu usi inki charaa mo bhanu, bhusondori mutungamuhema. ⁹ Mukai bhuni bwenda bhuhemange bhanu: Tita witu ing'uri mo mbingu! erina rabhe rishuururwe; ¹⁴ Kubha musasir'e bhea ebhubhi bwabho, iso winu wamo mbingu, wase bhusasira nae; ¹⁵ Ina kubha nti musasir'ebheya e bhubhi bhwabho iso winu watabhusasiriyo e bhubhi bhwinu.

¹⁶ Kubha bhanu muronjange mahemo eretine bhiyo, kiro mushea mbaso ya bhonso, bhuri bhakorotima, ngi bhaminange mbaso mwishea ebhea mbu bhari mu mahemo etin'ebhiyo. nibwirengi moreira ibho bhasheengi e r'ohembo rwabho. ¹⁷ Ina mo ntambi ongo 'ri mu mahemo etina e bhiyo, etire rungo mo muntwe na eshúe embaso yabe. ¹⁸ Kongo mutushei ebhea mbu ongo'ri mu mahemo etina ebhiyo. Ina kuri iso wabhe nguri mo bhuari bhwe nama, na iso wabhe, ngusungange mu nama, wakukoreyo byo.

¹⁹ Kiro mwetume etutiri turi n'inu mo chuo, inku erunsenge ne bhakenge bhyabhisha, nanku ebhibhi bhasheshere n'ishuma; ²⁰ Ina kutamwiya erunsenge nebhakenge nanku ebhibhi bhatamusheshere n'ishuma. ²¹ Bhushwa impi hari ekatiri kabhe ngi habhehesayo e mutima wabhe.

²² Eriso nge kasuku ke mubhi, kubha eriso rabhe rakoma, emubhi wabhe uti wabhesa mo chaka; ²³ Ina kubha eriso rabhe nti rakoma, emubhi wabhe uti wabhesa mumwerimya kuti echaka kiri kuri ôngo mwerimya meta anga yabhese mikiri emyerimya njo.

²⁴ Kusira ngu wamukore bhakakare bhabhi bhushwa, ari wabhaa uma n'ishima umpe ari w'emisanya na uma n'inena eumpe, mutumukochi ikore Ôngo n'emushumbu.

²⁵ Chasingwa nabhwire; kiro mweshisha bhushe n'e bhuingo bwinu mu'nchi chaarisa bhanu n'emibhi y'inu mukwambaranki, ebhuingo nti bhwarenga ebhiyo, ne mubhi ntiwarénga emyambaro? ²⁶ Sunga emironge y'echanya: itangeba n'ikao, itangeka kunsakunsa kikai mo bhirumba na iso winu we mumbingu urishangeyo. bhanu nti murengayo nguru? ²⁷ Inye mubhanu momushiki wae, wamwitereka mochunda che bhuingo bwae?

²⁸ Na bushanki banu mukwe mushiki bhushe emyambaro mutingi mwesunga esantondo s'emashwa; ebhwoshukange to: sitangakora nikwekiere myambaro; ²⁹ Ina nabhwere mbu Soromono, muritatwa rae riti ntiwambharichiwanga bhuri rima mu'to. ³⁰ Amabhese Ôngo wambicha mbu ebhisu bya momashwa, imbi bhiriho runotu na mukoma bhyatawa momutura, utabhwambichi irenga bhanu mbi bhea bheri simira rikeke? ³¹ Kiro mubhesa na mushiki, na kiro mwebha; inki charisa bhate? inki chomo bhate? inki chambara bhate? ³² Bhusha e bhikai bhiti mbi ngi bhasondekanyanga bhyo. Iso winu wa mo mbingu usi mbu muraa mubhyo. ³³ Musondekanye raroso ebhubhake n'ereira ra Ôngo n'e bhikai bhiti 'mbi mukuongererwa bhyo habhasirwa. ³⁴ Angi mubhesa na mushiki mo bhya mukoma bhushe mukoma muse kwisondekanyie mwesine. kinsi otu ruri na munubho wae.