¹ E santambi sa rekiya sabhinduke se mukomakoma e bhakakara bhati bha bhashe bhakungu bhe rirameso ra Ongo, ne bhakungu bhe bhea bhenda nama bhushwa na Yesu bhamuye; ² Bhamumina, bhenda nae kwa Pirato ehmukakare wa 'mbo bhutaka,

³ Himpo Yuda ingo ewa musibhuranga warekia wamasunga bhamamukere e rubansa wiya wakuruchii e bhakakare bhe bhashe bhakungu bhe rirameso ne bhakungu bhe bheya, e byunda makumya shati bye mpai.

⁴ Webha; namabhisha murisibhura nchama isira bhubhi, ina ibho bhebha, kino kinkiku ribhate? ibya bya kukae ong' wesine. ⁵ Wataa ebyunda bye sampai murirameso, watuka nienda kishura.

⁶ Bhashe bhakungu bhe rirameso, bhasombo e byunda makumyashatu bye sampai, bhebha ntirarengeka iriya e byunda bye sampai munku yembiko, bhushwa mpai sa nchama. ⁷ Bhakiya bhamakindi imusibhura bhenda nama bhachura ishamba kuri mutunganyanyii ribhinduki ndikaro yitaa e bhetani, ⁸ Bhushwa nacha erishwa rabhikirwa ishwa ra nchama iya na runotu.

⁹ Hiha bya bhererera e byatirwanga na Eremiya e mutahwa, bhatinge e byunda bye sampai makumi ashatu nge bhusi wango e wakurondorwa, ingo e wakurondorwa mu bhana bha Bhaisraeri. ¹⁰ Bhariya byo mu rishwa remutunganyanyi imbu wa kianga nyerekuritu wanire.

¹¹ Himpo Yesu wabhinduke ha makako ne mukiri Pirato emukiri wa mushisha bhuno: ongo nge mubhake we bhayuda? Yesu wa musubhiye ongo ngi weba.

¹² Ina utasubyi kitikiti munkati ne sa mpambire se bha shebhakungu, bherirameso ne bhakungu bharikiya bhamamuria mumutanda utasubyi kinwa.

¹³ Impo Pirato wa mwire: nturukira bhinwa bhinga imbi byebhangebho hambasiro nabhe? ¹⁴ Na Yesu utamusubhii kiro na musubyo munkati ne bhiti, e mukakare Pirato wishishara nguru.

¹⁵ Mu kinsi nkumanano munkati notu rukiri e mukakare abhesenga urikire na momba w'iyobhora mumbi ebaminwa uma ingu wa risiwa ne kikembe. ¹⁶ Habhinduke nti hari wakererwa ubhansa usibirwe rina raye Bharabha.

¹⁷ Munkati ne kikembe Pirato washishabho bhanu musonda naboranye, Baraba, kuti Yesu ingu ubhikirwange mbu Kirisitu? ¹⁸ Bhushwa wasibha nti bha kusibhura Yesu mu nama.

¹⁹ Na bharikiya bharikire mu mutanda mukari wamwire: angi kora kiti kuri e mweya ngu bhushwa wi ira; bhushwa runotu na manubha ringi musansori bhushwa nae.

²⁰ Himbo e bhakakare bhebha she bhakungu ne bhakungu bhariya mihaki yema mu kikembe y'erireke Baraba na Yesu wakwe. ²¹ Emukakare Pirato werebho: inye mu bhabhi eusondange bhanu woborwe; ebhati bhasubya: Baraba.

²² Pirato werebho na kiya bhuni na Yesu, ingu ubhirwange Kirisitu? e bhati bhasubya wakwe. ²³ Pirato w'ebha: bhubhinki wakorae? e bhati bhebha nguru: iweho wakwe!

²⁴ Pirato wa sunga nti kusira kimpekiti cha mukorae ina bhushwa ne bhurunga we kikembe warenga watinge e mecha washuwa emine hamakako ne kikembe kiti webha; ani nti nasunga kiti chabhubhi hambasiro ne mweya ngu ibya byabhukae.

²⁵ Ne kikembe kiti chasubya: enchama yae ikubhuki hambasiro n'itu n'e bhana bhitu! ²⁶ Himbo Pirato wareke Baraba na kuruma bha muhumba yesu bhamusibhura na muminubho

²⁷ E bhashirikani ba Pirato bhenda na Yesu mundikaro nji ye minubho na kwabhinduke na kikembe kikiri cha bhashirikani. ²⁸ Bhamukungura e myambaro yae bha mwambicha myambaro ya nchama. ²⁹ Bhatunganya nsaka ya menke, ni mwambichayo mumuntwe wae ni muninke ruseke mo mombo w'ae we kwabhume, naha bhakome emaru e kubhusondori nae, bhamukiyamo uchechu, ni ebha: kokwe mubhake we bhayuda! ³⁰ Himpo bhamuture nte, bhatinge ne ruseke ni mukasoro hambasiro ne muntwe. ³¹ Bhakiya bamakindi e mukiya mw'eruchechu bhamukungura enchangi inji ye ngora bhamwambicha tu esa nchangi sae bhenda na kubha ne kamunubya.

³² Na murienda rabho bhakumanana na wabhume wakukurene, e rina rae Simoni bhamuminga-minga wa rie musarabha wa Yesu. ³³ Na bharekiya bhiya impo habhikirwange Golgota nsusanya ya ntata y'emuntwe, ³⁴ Bhamuninka bhi omo byaange na warekiya mbwa sone mubyo wa tina eriomo. ³⁵ Na bharikiya bhamakind' emuya, bha bhanya emyambaro yae mw' ikasure to nsimbi; ³⁶ Bharika ni muranga hiha, ³⁷ Murishea echakusingwa bha muya bhatira mitiro bhariyayo hambasiro emuntwe: uno ngi Yesu, mubhake w'e bhaYuda. ³⁸ Hima nae bhaya bhampe bhabhi, bhebhi uma mu mombo we kwabhume na umpe mu mombo we kurembe. ³⁹ Imbi ebetange bamukamba ntibatenjange ne mintwe wasunga muro! ⁴⁰ Niebha ongo shamburange erirameso ni imbaro mu matu ashatu eo itunje ongo wisine! kuti ongo ngi musike wa Ongo sika mor'iyango.

⁴¹ E bhakakare bh'e bhashebhakungu mor'uchechu hima n'ebhandiki n'ebhakungu bhebha: ⁴² Wakuramyanga bhampe; utakochi kwiramya wisine iwe mubhake wabha Isiraeri; wasike mor'iyango na twaamusimira. ⁴³ Wasimira Ongo wamukutu himpo kuti umusondange, bhushwa webhanga, ani mwana wa Ongo. ⁴⁴ Ebhanyaki ebhakwanga hima naye nabho bhamu kambaa hotu bhubhobhubho.

⁴⁵ Ituka saa mutubha irind'iya saa mwenda kwabinduke mwirimya mu chuo kiti. ⁴⁶ Na mu s'entambi mwenda Yesu wirake mu murenge mukiri: Ongo wani, Ongo wani bhushwa nki ubhinduke korenani! ⁴⁷ Bhima mumbi abhesenga bhorukira hiha, bharukira, mbwebhange: ubhikirange Eria. ⁴⁸ Na hiha uma mubho wakanya ha watinge ekisasari watira cho mu nsungu nimuninka cho mu ruseke wamuninkacho muriomo.

⁴⁹ Ne bhampe nabho bhebha: mureki, tukai bw'eya Eria kamusake. ⁵⁰ Yesu warakatu murenge mukiri na'mpo wakera e mutima. ⁵¹ Eo musunge, e nchangi ye kisusu cherirameso ya bhereka bhebhe bhibhi itukire ekumbasiro iya n'e kwansi, e chuo chatenga esankanga sabhereka; ⁵² Na mibhi mingi y'ebakomenwa imbi abhesenga bha makindi ikwa bhafuka. ⁵³ Bhasaa mu masinda mor'efuka ra Yesu, bhakime mu rubhungu rwe bhakomenwa, bhabhinduke nti kikembe kikiri cha bheya.

⁵⁴ E murangi, nambi abhesenga bharikire hima ne muriranga Yesu, bhasunga ekaringiri ke chuo nambi abhesenga byamishea bhasubhaha nguru ni ebha iira e wabhume 'ngu atuka ho mwana wa Ongo.

⁵⁵ Habhesenga hari bhomina bhingi, bhabhesenga bhakairire kore, abhesenga bhamutindikiange itukire ku Gariraya muri mukore. ⁵⁶ Munkati nabho habhesenga harikire Maria Magdarena, na Maria nina wa Yakobo na wa Yosefu, na nina wa musike wa Sebedayo.

⁵⁷ Erorisisi rwiya, kwiya wabhume mutumba waku Arimatayo wabhikirwa Yosefu, wa bhesenga hotu ntumwa ya Yesu. ⁵⁸ Wenda kuri Pirato wakonga e mubhi wa yesu, na Pirato wa mwire mbu bhamuninkeo. ⁵⁹ Yosefu wenda ne mubhi wae, wa mina o mu nchangi yasana. ⁶⁰ Waria e mubhi kumunda n'eSinda rishasha abhesenga ra timwa m'okanga. Himpo wa bhunduranya ikoi rikiri muribumbe e risinda, na wenda. ⁶¹ Maria Magdalena na umpe Maria abesenga bhariho, na nti bharika kwihi ne risinda.

⁶² Mukakoma ngirabhesenga erotu kuruma ne ritunganyanya ebhakakare bhe bhashe bhakungu ne bhafarisayo, bhatumana kwa Pirato, ⁶³ Bhebha; nyere kurwitu, twamanikira emweangu webhanga ematu abhesenga akiri weho kuruma na matu ashatu nafukayo. ⁶⁴ Ebha kinwa erisinda rirangwe irinda iya mumatu ashatu, bhushwa e santumwa sae siteingi ni shuma e mubhi ni ebha mu hbheya: wakufuka mo bhakwi nanchi cha kuruma chamushea tu bhubhi irenga eribhere.

⁶⁵ Pirato wasubhiyebho: bhanu muri na bharangi mwendi, harangwe imbo warukiranga bhanu. ⁶⁶ Bhenda, ni ranga erisinda bhariyaho bharangi kuruma ne ririya kiteerere mu rikoi.