¹ Ituka ikinda e sabhato, murangaranga, utu rwa roso rwe kasembe, Maria Magidalena nompe Maria b'enda kakae e kwesinda. ² Bhasunga, nti kwa kweta karingiri kakiri, bhushwa Maraika uma we mwami wahitanga ko kwiyo, wiya kabunduranya e rikoi, na wasaa kumunda. ³ E bhususe bwae nti bhuri bhuri kimpenya, ne ngombe yae yasana bhuri mahungu. ⁴ E bharangi bhakake na koha nibha bhuri bhakwi.

⁵ Ina e Maraika w'ire e bhomina: bhanu, kiro musubhaha, bhushwa nosi mbu bhanu musondange yesu ewakuiririsiwanga. ⁶ Nturi hano, wamafuka, bhuri e bwebhangae, mwiye mukai e hakumukindishanga bho.

⁷ Na mwendi kature e bhomisa bhae mbwa mafuka munkati ne bhakwi, na mukai, wabhusondore ku Gariraya, nanko ngi kusemusungire bhanu nampo, namabw'ire.

⁸ Bhetunda kore ne risinda, na koha na ngoa sikiri na bhabhucha ikanyaha ienda kature e mwasi kuri e santumwa sae. ⁹ Nikae, Yesu wasaire bho, webha: nabhukea: bhasheere muritinge e bhisando byae, na bhehicha mumakako ae. ¹⁰ Yesu were bho; kiro musubhaha: mwendi kere bhasike bhitu mbu bhendi ku Gariraya, nanko ngi kusensungire bho.

¹¹ E ntambi yabhesanga bho mu munse, bhabhume bhima mumbo e bharangi bhakime mo murungu, na bhature e bhashe bhakungu bhakakare e mwasi we bhiti e bya kusairenga bho. ¹² Bhano ikindi'kwerikira e mwasi, bhatumana hima ne bhashe bhakungu nimina kinwa, bhaninka e basura kikanda cha behe bingi. ¹³ Bhire bho: mwebanga mbu e santumwa sae bhakwiyanga mo mutu nimushuma nabhate nti twametinge toro. ¹⁴ Ne mukakare wamerikira, bhate tusi e bhusemwere bhate, na twaabhoshukaya mo r'ubhansa rwa muninkwange bhanu. ¹⁵ E bhashirikani bhatinge e bhehe, na bhomisa e myomba yakwerirwanga bho. E bhurunga bwa nsansabhana e kuti kuri e bhayahudi iya na runotu.

¹⁶ E santumwa sae ikumi n'uma b'enda ku Gariraya, mo ntata njo e ya shishiwanga bho na Yesu. ¹⁷ Bharekiya bhamusunga bhehicha mu makako ae. ina bhima bhabhesa na koha. ¹⁸ Yesu warekiya wamiya kwihi nabho webha bhuno; e bhuhime bhuti bwe kwiyo ne kwansi namaninkwa bho. ¹⁹ Mwendi mu byuo e bhiti mubundure esanganda bhabhunduki bhafuku bhani, na murubhike bho murina ra Tita, re mwana na re Mutima mushasha. ²⁰ Na muhane bho iyemisa e bhiti bya bwerenga ani, na ngi bhumbo: niri ninu e matu ati iya na mungendero ya hende e chuo.