¹ E bhubhake bwa mo mbingu bhusesusanyiwayo na bhikumi ikumi imbi bhatingenga e matara abho abho mwienda kakoke moky'abho. ² Bhasanu mubho abhesenga bhirunge na bhasanu bhabhesenga bhenge. ³ E bhirunge muritinge rabho ebyaka bhyabho abhesanga nti bharisa pitoro hima nabho. ⁴ Ina ebhenge bharinga bhabhika pitoro mo machupa na mo matara abho. ⁵ Imbu bhwasianga moke abho ebhati ba hunira nienda tora.

⁶ Bwakiya munkati ne bhutu, bhakua mukai mokewitu wiya twendi kamukoke. ⁷ Himpo e bhikumi bhiti bhyasumuka n'etunganyanya ebyaka byabho.

⁸ E bhirunge bhashisha e bhenge: mutusaki na mopitoro inu bhushwa e byaka bhitu bhirimange. ⁹ E bhenge bhasubhie; anga, kutashekani eitu ninu mwendi tete kuri mbi bhachuyanga na mwechuri. ¹⁰ Entambi yenda bho kachura, moke abho wiya. imbi bhabhesanga bhameya bhakime na moky'abho monumba ye 'bhuheruki nerubhi rwarindikwa.

¹¹ Kuruma nakashangi, e bhimpe bhikumi bhiya n'ieba: Mukota turunduri. ¹² Ina wasubhie: nibhwirengi mureira nti ni bhusi.

¹³ Mukohyanga bhusha nti bhanu musi erotu n'esantambi.

¹⁴ Bhyabhesayo tu bhuri a bhume uma wendanga uendo, wabhikira e sentumwa se ni ninkabho bhikai byae, ¹⁵ Waninka waroso bhyunda bhisano bhya bhehe, bhibhi eumpe na kima mo wemet'ashatu, mu kinsi mwea itukana ne kara kae na wenda rae. ¹⁶ Kuruma nampo, ewaninkwang'ebyunda bhisanu weire kechanyabyo na washee bhimpe bhisanu bhya habhasirwa. ¹⁷ Bhubhobhubho kuringu waninkwanga e bhyunda bhibhi washee mubhyo bhimpe bhibhi. ¹⁸ E waninkwang'ekima wenda katime cho n'ibhisi e bhehe bhya Nyerekurwabho.

¹⁹ Kuruma na matu mingi, Nyerekurwabho e sentumwa wakuruka wakierebho mwanso w'ebhehe bhyae. ²⁰ Ewaninkwanga e bhyunda bhisanu bye bhehe weya warisha bhimpe bhyunda bhisanu bhya taranta na w'ebha: E Mukota umpanga bhyunda bhisanu bhya taranta; sunga narishee mubhyo bhimpe bhisanu.

²¹ Nyerekurwabho wa mushisha: rahunda ongo ntumwa yahunda na weira ukubhesa n'eira mu bhikai bhikeke na kuninka bhingi; kime mo sangoa sa Nyerekurinu.

²² Ewaninkwanga e taranta sibhi, weya nae, webha: e Mukota, unininkanga taranta sibhi, sunga narinonka muto simpe sibhi.

²³ E mubhake wamushisha: rahunda ongo ntumwa ya hunda na weira ukubhesa n'eira mubhikai bhikeke, na kuninkayo bhingi, kime mo sangoa sa Nyerekurinu.

²⁴ Ingu waninkwang'e taranta nima, weya na webha: e Mukota, nasibhanga mbu ongo mweya wasuma nguru ingu kaurenga mpi etihakwekewe n'itumya entibhyakusansa we. ²⁵ Nasubhaha na nendayo kabhisa e bhehe bhyabhe kumunda neroto, sunga, tinge e bhikai bhyabhe.

²⁶ Nyerekurwabho wamusubhie: ntumwa yasua na wamicho, usibhanga mbu nikaurenga mpi e nti hakwekang' ani n'ikunsakunsa himpi nti hakusansabhanye ani. ²⁷ Umuriang' e bhehe byani ekubhanki na mor'ikuruka ra'ni namutingengi e bhehe bhyani na mwengerero. ²⁸ Mumunyake etaranta na muninkeyo ng'uri ne taranta e kumi. ²⁹ Bhusha bhaninkayo ing'ukwengi na wabhesayo mu muanoano, ina ingu'eusira, bhanyakayo nachi ekikwengiwe. ³⁰ N'entumwa nji y'ebhusabhusa, mumutae mo mwerimya we kubhutara, inku ekwashee we kiro na ishiisha emeno.

³¹ Emwan' emweya wakiayo mo bwime ne sangashani bhati warikayo mukitumbi chae. ³² Ebyuo bhiti byabhesayo hima mo makako ae w'asianyayo bhimbi mu bhampe bhuri musumba usianyange mburi ne sampene. ³³ Na waariayo esamburi mo kwabhume kwae n'e sampene mo kurembe kwae.

³⁴ Nampo e mubhake webhayo kurimbi bhabhesayo mo kwabhume kwae: mwiye bhanu mbi mukasanirwanga na Tita: mukimi mo bhubhake bwatunganyiirwanga bhanu itukire echuo charonjiwa. ³⁵ Bhushe nabhesanga na rwaka mumbese bhiyo, nabhesanga na mbusha munomosha bhiomo, nabhesayo mwendendi munikoke. ³⁶ Nabhesanga munkaanga munambicha, nasambanga muntangura, naminwa wiya kansunga, na minwayo na wiyayo kanikae.

³⁷ Ebhari moreira bhamusubieyo: e Mukota kinikiranga ngi twakusunganga ongo 'ri na rwaka na twakuninka biyo ari ibhesa na mbusha na twakuninka mecha? ³⁸ kini kiranga twakusunganga ongo mwendendi na twakukoke, ao ubhesanga munkanga na twakwambicha? ³⁹ Kini kiranga twakusunganga mukoni ari mo ngori na twenda kakutangura?

⁴⁰ N'e mubhake w'asubhieyo bho: nibwerengi mureira; muntambi itiiti nji yakierenga bhanu uma mumbi bhakekebhakeke mu bhatobhani, ntikuri ani ngi kwakierenga bhanu byo.

⁴¹ Wasenderanayo niebha nambi bhabhesayo mokurembe kwae, mwikoke nani bhanu mbi muherawa; mwendi mokasha ke matuati ne matuati katunganyiwanga bhushe na mushumbu na bhushe ne sentumwase. ⁴² Bhushe nabhesanga na rwaka muti na e nininka bhiyo nabhesa na mbusha na nti munomosha. ⁴³ Nabhesenga mwendendi na nti munikoke, nabhesanga munkanga na nti munambicha, nabhesa mukoni n'ienda mu ngori na nti mweya kantangura.

⁴⁴ Bhasesubyayo nabho: mukota, kini kiranga twa kusunganga ongo 'rina na rwaka ari ne mbusha ari mwendendi ari munkanga ari mukoni ari mo ngori nti twakutangura?

⁴⁵ Na wasubhieyo bho: nibhushishange moreira, ntambi iti iti nji ntyakorenga bhanu byo kuri uma mo bhakeke-bhakeke bhani, nty' ani ngi ntwakorenga bhanu byo.

⁴⁶ Na mbi bhasendayo muminubo ye matuati ne matuati, ina bheriira mosangoa s'ematu ati n'ematu ati.