¹ Yesu wenderana n'eriebha nabho mu mishumo w'ebha. ² E bhuhime bwa mo mbingu bhususene na muhime uma wakierenga musikewe bhuheruki. ³ Washisha esentumwa se ibhikira e bhabhikirwanga mo bhuheruki, ina bhati. ⁴ Warebhekatu simpe ntumwa niebha: shisha'ebabhikirwa: sunga namakindi usha ebiyo. nkambu sani na impe mirire inji ya none byamakind'ihwa. Bhiye mo bhuheruki. ⁵ Ina ntibhiraire morebhikirwa ndo bhenda rabho ungu morishwa re nao mubhyae. ⁶ Na bhampe bhatinge e sentumwa ni nubyato n'ishurabho. ⁷ Emuhime wasubhuka, n'irebheka ebhikembe byae ishura'ebhayeri mbo n'ishika erobhungu rwabho. ⁸ Kuruma nampo w'ebha nesantumwa sae. twabhungure e bhuheruki ina e bhabhikirwayo nti bhasusa e bhuheruki. ⁹ Kai mwendi mo makako na mubhikire utingu washee bhanu. ¹⁰ E nsantumwanso senda mo myengere bhakunsakunsa e bhati mbi bhakumanwanga e bhabhi n'ebhongo n'enumba yarisa na bheni. ¹¹ E muhime wakime kakae e bhendendi bhari monkumanano wasunga mo mwey'u ma ntiwambara echangi y'ebhuheruki. ¹² Wamushisha: emirani, bhuni bwakukimeongo muno na nti umbara nchangi y'ebhuheruki? Ingo mwea ntwamusubhie. ¹³ Kuruma nampo emubhake washisha esantumwa, mumumine emindi n' emabhoko, mumutae mu mwerimya ekubhutara inko kwa rirewe n'eshiish'emeno. ¹⁴ Bhusha ebhabhikirwa bhingi ina imbi ebharondorwa bhakeke.

¹⁵ Kuruma nampo ebhafarisayo bharika hima mwisonda bhuni bhwekenyabho Yesu mobinwa bhyae. ¹⁶ Bharebheka esantumwa sabo hima n'ebhaherodi, bhamushisha: e Nyerekuritu, tusi ongo mwea we ira, n'ongo hanange ense ya Ongo mo reira, ntiwianyie mwea n'utusunganga ensusanya ye mwea. ¹⁷ Tweri, ebhwasunga ongo, emyomba yatwire ituwa emuturo kuri kaisari?

¹⁸ Yesu wasunga e bhukongobhanya bwabho wasubhiebho bhushwanki bhanu musondi inereka na mutima wabhukorotima? ¹⁹ Mushee e bhehe bhituengimobhanu e muturo bhamurishie kikoroto kima. ²⁰ Washishabho, yanye ensusanya n'emutiro ngu?

²¹ Bhamusubhie mbu ya Kaisari, Kuruma nampo werebho: muninke kaisari imbi bya mususa na ongo imbi byamususa. ²² Bhashishara na kw'eire.

²³ Erotu ruroruro, ebhasandukayo, imbi ebhebhange mbu kutabhesiyo efuka rambi bhakwire bheya kwihi na Yesu n'imushisha: ²⁴ Muhani, Musa warebha mbu kubha e mweya wakwa na ntiwasiya mwana, musike abho nt'wabhinga e mushumbakari nibhute e wakwire mwana. ²⁵ Munkati nitu kwabhesenga bhabhume bharinda ewaroso wabhinga, wakwa na nti neki wabhuta, wasiere moto e momina. ²⁶ Bwabhesa bhuma ne wemeta abhi, wemetashatu iya namo webharinda. ²⁷ Kuruma nebhati, e momina nae wakwa. ²⁸ Erotu rwerifuka, inye mumbi bharinda wabhesayo mine emomina bhushe bhati bharikanga nae.

²⁹ Yesu wasubhiebho: bhanu murikire mw'irengwarengwa bhusha nti muterera emitiro nti emaa aongo. ³⁰ Bhushe morefuka e bhabhume bhatatingi yo bhomina ne bhomina bhatatingiyo bhabhume, bhabhesayo bhuri ngashani sa Ongo mumbingu. ³¹ Bhushe nerifuka rambi e bhakwire, nti murisoma e byebhanga Ongo: ³² Ani Ongo wa Ibhurahamu, Ongo wa Isaka na Ongo wa Yakobho? Ongo nti webakwire ina we bhari ho.

³³ E kikembe nchi cherukiranga chashamikwa ne mahano a Yesu.

³⁴ E bhafarisayo imbi e bherukiranga mbu wamasubhie e bhasadukayo bhetumatuma. ³⁵ N'uma mubho muhani mukiri we myomba, wa shisha mwimuereka. ³⁶ Muhani, uni nge momba mukiri mo iti?

³⁷ Yesu wamusubie: shima tita Ongo wabhe mo mutima wabhe uti na mo mihaki yabhe iti. ³⁸ Ngi waroso na momba mukiri. ³⁹ Na sunga wemet'abhi, ingu wasusana nao: shima munakinu bhuri ongwesine. ⁴⁰ Mo myomba ibhi nji yatukana n'e myomba n'e bhatahwa.

⁴¹ E bhafarisayo bhwabhesanga bhuri bho hima Yesu washishabho: ⁴² W'ebha: muhaka bhuni na Kirisitu iwe musike wanye? bhamusubhie: wa Daudi.

⁴³ Na Yesu werebho: bhuni Daudi uri mo Mutima wamubhikira Mukota, mor' iebha we: ⁴⁴ Mukota war'ebha twabhe kuri Mukotani: rika mukwabhume kwani ntaronja e bharenda bh'abhe tunantiro ⁴⁵ Kubha himpo Daudi wamubhikira Mukota, bhuni bhuriwe musikewe? ⁴⁶ Kusira ngu wamusubhienga kinwa na itukire erotundo, kusirangu wamushishanga kinwa.