¹ Bhushwa e bhubhake bwa mu mbingu wasusanyiwa bhuri na mine numba, ingu wotukanga mukoma-koma mwisonda bhakori bha murimo mwishwa re misabhibhu. ² Wakia wamasimirana ne bhakori bhe murimo bhano, mwetua bho rumea ruma mor' otu, wire bho mbu bhendi mor' ishwa re misabhibhu. ³ Watukatu kwihi na ntambi ishatu wasunga bhima bhasira murimo bhamasimana mwisoko. ⁴ Washishabho na bhanu mw'endi mwishwa remisabhibhu nabhunikayo incho ch'er'eira. ⁵ Hiha bhenda, bhatuka kwihi mutambi mutubha na tambi mwenda mwikora bhumbobhumbo. ⁶ Kuruma, kwihi ntambi ikumi na nima watuka, wakumana bhima bharika, washishabho, bhushwa'nki murika hano emubhisi uti nangi kora kikai?

⁷ Bhamusako! Bhushwa tutangakoreshiwa na mweya. Na bhanu mwendi mor' ishwa r' emisabhibhu.

⁸ E ntambi y'e murisisi yaki ya marumira mine rishwa r'emisabhibhu, washisha e musimaniri: nibhikiri e bhakori nitue bho e bhehe mwitangira mungo wa hende ni yakiya yameya. ⁹ Imbo bheya bha montambi ikumi ne nima bhakiya bhamiya bhaninkwa kinsi uma kichere kima. ¹⁰ Hiha, imbo bharoso bhakiya bhamiya wamina erote, mbu akosa bhamuninkwange bhingi ina nabho bhaninkwa kichere kima kima. ¹¹ Bhakia bhamakindi ihembwa bhabhucha kwinyonsa kuri mine numba.

¹² Niyebha imbi e bhasindu bhakukora e murimo mu ntambi nima, na neki umatua bho bhabhesi bhuri bhate twakukora murimo wasuma munkati na bhiruhoruho bhingi.

¹³ Ina wasako uma mubho, webha, ntinakora bhubhi. twakusimirananga na mukichere kima, ¹⁴ Tinge incho chabhe wendi. nakushima ininka ingu wahende bhuri ongo.

¹⁵ Mbeni nahangirirwa ikora echashima ani mubhikai bhyani? E riso r'abhe rema bhushwa 'ni narengeka? ¹⁶ Bhubhobhubho e bhasindu bhatangirayo, ne bhasondori bhasindayo.

¹⁷ Wakiya wiya kwihi nitaya mwiyenda kuyerusaremu watinge ebharu-mbya bhae ikumi ne bhabhi washisha bo mo munse. ¹⁸ Mukai twataya mwiyenda kuyerusalamu na musike wa Ongo waasibhurwa mo mine y'ebhakwakare, n'ebhandiki. ¹⁹ Nambo bhaamuteresa mu mikwiri. Na bhasemuteresa mubhabhi, bhamunubhya, ni mukama, ni muhanika kwiyo ne riyanngo na mu r'otu, na mu r'otu rwa ashatu wafuka.

²⁰ Ngi hiha nina webhana ba Sebedayo wiya kwihi nae na nturi hima n'ebhana bhae wamutata ni muhema kikai kima chatuka kuriwe. ²¹ Wamushisha: oongo sonda nge nki? wasubhya kuto momba bhushwa e bhana bhani e bhabhi bharike mo bhubhake bhwabhe uma mo kwabhume ne umpe e kurembe.

²² Yesu wasubhya nti bhanu musi ekisondange bhanu mumukochiomo erusara indo rusomo ani? bhebha mbu bhamukocha.

²³ Nae wasakobho mu riira mukwomo e rosara rwani, ina mumbo e bharika mukwabhume ne kurembe ibha nti bhatukana nani chaninkwa yo mubhabhikirwa cho na Tita.

²⁴ Erimpe erikumi rakia ramarukira e kinwa cha bhasubhuke e misike ibhi. ²⁵ Yesu wabhikira bho niyebha: bhanu mwosi mbu e bhami bha mu chuo bhakwanyashanga bho e n'e bhakakare ikoresha bho. ²⁶ Bhubho ngi, bhurikire byo munkati ninu. Eina utiuti usondange ibhese mukwakare munkati ninu wabhesi mukori winu. ²⁷ Nangu wasonda ibhese wa roso munkati ninu wabhesi kahungu kinu. ²⁸ Ngibhubho, e mwana we mweya weya, nti mwikorerwa ina ikore ebeya, na kwesibura mw'ikurure bhingi.

²⁹ Bharekiya bhatuka ku Yeriko bheya bhingi bh'emisa Yesu. ³⁰ Bhasunga bhihumihumi bhibhi bhyarika kumushi ense, bhyarindire mbu Yesu wetange, na nti bhakuange e Yesu tukwiri bhonso mwami musike wa Daudi. ³¹ Ina e kikembe che bhea nti kihangire ngi bho kiro bhebha bhabhebhere nabho bhakuwa tu nguru, tu kwiri bhonso, mwami musike wa Daudi.

³² Yesu wasimana, wabhikirabho, webha bhanu musondange ni bhukori nki? ³³ Bhamushisha: mwami, emeso itu obhorwe. ³⁴ Yesu watingirwa na bhonso, wecha emine mumeso, na hiha bhakae n'imwemisa.