¹ E ntambi Yesu warekiya wakindanganya e mishambaro yae, watuka ku Galilaya wenda ku Yudea, mu mwiri wa muri Yorodani. ² Kikanga kikiri cha mwemisa, himpo nt'uramyange e bhakoni.

³ E bhafarisayo bhiya kuriwe, bhamwire, mwimusona mbe nti eira rakochekana mu mwea ihensa mukari mu kinsi kinwa?

⁴ Yesu wasubhya: ntimusibhirira mbwe Ongo wabhumbanga e wabhume ne mumina, mu raroso. ⁵ Na webha: ngyasesingwa e wabhume wasiayo ishe na nina mwitingane na mukari, ne bhabhi nti bhabhese mubhi uma. ⁶ Na bhumbo nti ti bhabhi tu, ina nti ngie mubhi uma hasira mwea wamusianyisha ebhyakumanya Ongo.

⁷ Bhamwire, bhushwa nki Musa wakutira mitiro yisiana?

⁸ Yesu wasubhya: bhushwe n'erisuma r'emitima inu ngi chasingwa Musa wabhwire mbu musiane n'ebhomina bhinu; Ina mu rusondori asenga ntibhiri mbo. ⁹ Ina niwirengi, mbwe ewasiana na mukari kuti nti wakushambara na umpe wabhume, na wamabhinga umpe mumina, naye nti musingirani.

¹⁰ E bhemisa bhae bhamwire: kuti ngibhuribyo bhumbo mu wabhume na mukari nti eribhinga risira mufa.

¹¹ Yesu wasubhya: nti e bhati ngi bhorukirange e kinwa kino ina mu bhimbo e bhaninkwa cho na Ongo. ¹² Bhushwa hari mbo bhatarukiranga etuka bhabhutwa na bhanina. ne wamorukira e kinwa nchi warukire cho.

¹³ Nampo bhamurishie e bhana bhakeke-bhakeke, mwitereka bho mine, mwiheme bho, ina e bhamisa bhahangire bho. ¹⁴ Na Yesu webha: mureki e bhana bhakeke, kiro muhangirebo mwiya kuri ani, bhushwa e bhubhake wa mumbingu bhwasusanyiwa nabho. ¹⁵ Watereka bho emine, wenda.

¹⁶ Mwea uma wiya kwihi naye wire Yesu, e muhani nikore kini chakonda kongo nashee karamo ke matuati?

¹⁷ Yesu wamusubhiye: bhushanki ongo mbikirange mbu nakonda? uma ho ngi wakonda. Ina umashima e karamo ke matuati usubhahanga e myomba ya Ongo.

¹⁸ Yesu wasubhya kiro shura, kiro shambara na mumina ari wabhume wabhene, angi shuma, kiro eba manko. ¹⁹ Tunda iso na nsoko shima munakinu bhuri bhweshima oongo wesine.

²⁰ E musike wamushisha: e bhinwa bhiti mbi namakorabhyo, narukirwa tu kini.

²¹ Yesu wamushisha: kuti oongo sondange e karamo enda kachuya e bhikai by'abhe, ubhanyie bhyo e bhasene; Hiha nti umabhikisha e kwiyo, Naha iya unimise. ²² Kuruma er'iyorukira e bhinwa mbi e musike wenda na bhanso, bhushwa nt'uri na bhehe bhingi.

²³ Yesu were e bhemisa bhae: nibhwirengi mu reira rasesuma mo mutumba ikime mu bhubhake wa mumbingu. ²⁴ Nibhwirengi tu ratamba mu mpunda ikime mu kiribhu ch'e nandi morikiya mutumba wakime mu bhubhake bwa mo mbingu.

²⁵ E bhemisa bhorukira e bhinwa mbyo, bhashishana, bhebha: mbwinye ngwamoshukara?

²⁶ Yesu wakobha, washishabho: mo bhea kicha kitomukochiwa, ina kuri Ongo chamukocheka.

²⁷ Petero were Yesu, sunga, tweya bhate bhati mwikwemisa bhuni ngi wabherobhusebhesayo kuri bhate?

²⁸ Yesu wasubhie bho: niwirengi mu reira kuti e mwana we mwea, mor' ishamucha kinsi kikai warika mu kitumbi che bhubhake, na bhanu mbi munemisa, murikayo hotu mu bhitumbi ikumi na bhibhi bhye wami, na mukerayo esamansa se nganda ikumi na sibhi sa bha Isiraeri. ²⁹ Na kinsi mwea eusesiayo, mo rira r'ani, bhasike bhabho, bhisi bhabho, ishe na nina ari mukari, n'e bhana bhae, na kokwabho ne numba yae, bhaninkwayo e karamo ke matu ati ne matuati.

³⁰ Bhingi mo bharoso bhasindayo, na bhingi mo bhasindu bhabheseyo bharoso.