¹ Fa gny fanjakan'ny lanitsy la manahaky gny tompon-tany zay nandeha mbo maraindray be hagnaraky mpiasa ho gnan'ny tanim-boalobony. ² Lafa baka nifagnaraky tamin'ireo mpiasa ie fa ho denaria raiky isan'andro gny karaman-drozy, la nalefany tagny amin'ny tanim-boalobony rozy. ³ Niboaky ndraiky ie tamin'ny fotoa fahatelo voho nahajery mpiasa hafa nijorojoro tao an-tsena. ⁴ Hoy ie tamin-drozy hoe: nareo koa, mandehana agny amin'ny tanim-boaloboky, voho zay an-keviny marina la hameako gnanareo. ka nandeha niasa rozy. ⁵ Mbo niboaky ndraiky ie teo ho eo amin'ny fotoa faha eny voho koa tamin'ny ora fahasivy, voho nanao manahaky gnan'io avao koa. ⁶ Tamin'ny fotoa faha folo raikamby la niboaky ndraiky koa ie boho nahita mpiasa hafa nijoro. Hoy ie tamin-drozy hoe: “nagnino nareo ro mijoro eto mandritsa gny tontolo andro?

⁷ Hoy rozy taminy hoe: “Tsy misy olo magnakarama rahay.” Hoy ie tamin-drozy hoe: “Mandehana agny amin'ny tanim-boaloboky koa nareo.”

⁸ Lafa avy gny hariva, la niresaky tamin'ny mpitandrin-draharaha gny tompon'ilay tanim-boaloboky hoe: “Kahio reo mpiasa voho aloavo gny karaman-drozy, manomboky bakagny amin'ny magnagny amin'ny voalohany.” ⁹ Lafa avy reo mpiasa zay nala tamin'ny fotoa faha foloraikamby, la nahazo denaria raiky kirakiraiky iaby rozy. ¹⁰ Lafa avy reo mpiasa voalohany, la nihevitsy fa hahazo mandilatsy gnan-drozy, kanefa rozy avao koa la nahazo denaria raiky kirakiraiky iaby. ¹¹ Lafa nahazo gny karamany rozy, la nitaray momba gny tompon-tany rozy.

¹² Hoy rozy hoe: “Reo mpiasa farany reo la niasa adin'iriky avao, nefa nampitovizinao taminay rozy, rahay zay nisaka gny vesatsy gny tontolo andro voho niharitsy hain'andro.”

¹³ Fa namaly gmy tompon-tany ka niresaky tamin'ny raiky tamin-drozy hoe: “Ry namako, tsy manao zay tsy mety aminao aho. tsy denaria raiky va ro nifagnarahanao tamiko? ¹⁴ Rambeso zay gnanao voho zory gny lalanao. Zaho la nifily gny hagnome ho gnan'ireo mpiasa nikarama farany manahaky gnanao avao koa.

¹⁵ Tsy manan-jo hanao araky zay tiako amin'izay gnahy va aho? Sa mialona va nareo fotony malala-tagna aho? ¹⁶ Ka gny farany la ho voalohany, voho gny voalohany ho farany.”

^17-18 Laha hiainga ho agny Jerosalema Jesosy, la nangalaky reo folo roamby teo agnilany Ie, voho tegny an-dala Ie niresaky tamin-drozy hoe: “Ingo, hiakatsy ho agny Jerosalema tsika, voho gny Anak'olo la hatolotsy eo amin'ny lohan'ny mpisoro voho reo mpanora-dalagna. Rozy la hagnameloky Gnazy ho faty ¹⁹ voho hanolotsy Gnazy amin'ireo Jentilisa mba hiheheza, ho vangoa, voho hagnombo Gnazy amin'ny hazofijalia. Fa amin'ny andro fahatelo la hatsanga ndraiky Ie.”

²⁰ bakeo gny renin'ireo anaky lahin'i Zebedio namonjy gnan'i Jesosy niaraky tamin'ireo anaky lahiny. Niankohoky tagnatrehany teo ie voho nangataky taha Bakaminy. ²¹ Hoy Jesosy taminy hoe: “Ino ro irinao?” Hoy gnataony hoe: “Mandidia mba hipetrahan'ireto anaky lahiko roe reto, gny raiky eo an-tagnanao ankavana voho gny raiky eo an-tagnanao ankavia, ao amin'ny fanjakanao.”

²² Fa Jesosy namaly voho niresaky hoe: “Tsy hainareo gny raha angatahinareo. Afaky gny hino gny kapoaky zay hinomiko va nareo?' Namaly rozy hoe: “Afaky rahay.”

²³ Hoy Ie tamin-drozy hoe: “Hino gny kapoaky tokoa nareo. Fa gny hipetraky eo an-tagnako ankavanako voho ankaviako la tsy anjarako ro magnome, fa gnan'ireo zay fa nomanin'ny Raiko.”

²⁴ Lafa nahare gnan'io reo mpianatsy folo lahy hafa, la neloky mare tamin'ireo mpirahalahy roe. ²⁵ fa jesosy nikaiky gnan-drozy handeha aminy eo voho niresaky hoe: “Hainareo fa reo mpanapak'ireo Jentilisa la hangeja gnan-drozy, voho reo johary manan-danjan-drozy lla hampianatsy gny fahefany eo amin-drozy. ²⁶ Fa tsy tokony hanahaky gnan'io gny aminareo. Mifanohitsy amin'io, na ia ia magniry gny ho lasa bevata aminareo la tsy maintsy ho mpanomponareo, ²⁷ voho na ia ia magniry gny ho voalohany eo aminareo la tsy maintsy ho mpanomponareo, ²⁸ manahaky gny anak'olo tsy avy ho tompoa, fa hanompo, voho hagnome gnainy mba ho vilim-pagnavota ho gnan'ny maro.”

²⁹ Laha niboaky bakagny Jeriko rozy, la vahoaky maro ro nagnaraky Gnazy, ³⁰ Nisy johary jiky roe nipetraky teo amoron-dala. Lafa nahare fa nandalo Jesosy, la nikoraky mareo rozy Hoe: “Tompo, anak'i davida, mamindra fo aminay.” ³¹ Nasiaky gnan-drozy gny vahoaky, niresaky gnan-drozy mba hangina, kanefa vao maiky rozy nikaikaiky mare hoe: “Tompo, anak'i Davida, mamindra fo aminay.”

³² Bakeo Jesosy nijano voho nikaiky gnan-drozy sady niresaky hoe: “Ino ro irinareo hataoko aminareo?” ³³ Hoy rozy taminy hoe: “Tompo, mba hahiratsy gny masonay” ³⁴ Bakeo Jesosy, nangoraky, ka nikitiky gny mason-drozy. Avy tonga de nahajery rozy voho nagnaraky Gnazy.