¹ Enign'andro tafara tatoy Jesosy la nangalaky gnan'i Petera, Jakoba, voho Jaona rahalahiny niaraky taminy, voho nanday gnan-drozy niakatsy gny tendrombohitsy abo tamin'ny vatan-drozy. ² Niova endriky teo agnatrehan-drozy Ie. Namiratsy manahaky gny masoandro gny tarehiny, voho reo fisikignanylasa namiratsy manahaky hazava. ³ Ingo, niseho tamin-drozy Mosesy voho Elia niresaky taminy. ⁴ Namaly Petera voho nanao tamin'i Jesosy hoe: “Tompo, soa amintsika gneto. Laha sitrako, la hanao fialofa telo ho gnantsika eto aho- raiky ho gnanao, raiky ho gnan'i Mosesy, voho raiky gnan'i Elia.”

⁵ Laha mboniresaky Ie, ingo, nisy hiboky mazava nagnaro gnan-drozy, voho ingo, nisy feo niboaky bakao amin'ny hiboky, nanao hoe: “Toy gny anako alalako, zay sitrako tokoa. janjigno Ie.” ⁶ Lafa ren'ireo mpianatsy io, la lavo rozy voho natahotsy mare.

⁷ Bakeo tamy Jesosy voho nikasiky gnan-drozy ka niresaky hoe: “Mitsangana voho ka matahotsy.” ⁸ Bakeo la nanenty agnabony rozy fa tsy nahita ndra ia ia afa-tsy Jesosy raiky avao.

⁹ Laha nilitsy gny tendrombohitsy rozy, la nandidy gnan-drozy Jesosy, nanao hoe: “Ka mitatitsy zao fahita zao na amin'ia ia mandra-pitsangan'ny Anak'olo amin'ny maty.”

¹⁰ Nagnontany Gnazy reo mpianany, nanao hoe: “Nagnino reo mpanora-dalagna ro milaza fa Elia la tsy maintsy ho avy aloha?”

¹¹ Jesosy namaly voho niresaky hoe: “Elia la ho avy tokoa voho hampimpoly amin'ny laoniny gny raha iaby. ¹² Nefa resahako aminareo, fa fa avy Elia, fa rozy tsy nahay gnazy. Mifanihitsy amin'io, nanao gny raha iaby zay tiany natao taminy rozy. Voho manahaky gnan'io koa, gny Anak'olo avao koa la hijaly eo an-tagnan-drozy. ¹³ Bakeo la azon'ireo mpianatsy fa niresaky tamin-drozy gny momba gnan'i Jaona mpanao Batisa Ie.

¹⁴ Lafa avy teo amin'ny vahoaky rozy, la misy johary raiky namojy Gnazy, nandohaliky tagnatrehany teo, voho niresaky hoe, ¹⁵ “Tompo, mana famindram-po amin'ny anaky lahiko, fa voan'ny androbe ie voho mijaly mare. Fa lavo matetiky agny agnaty bolo na rano ie. ¹⁶ Nanday gnazy teo amin'ireo mpianatrao aho, fa tsy afaky nagnasitsana gnazy rozy.”

¹⁷ Namaly Jesosy voho niresaky hoe: “Ry avorohota tsy mpino voho simba toetra, mandra-pahovia ro tokony hipetrahako miaraky aminao? Mandra-pahovia ro tsy maintsy izakakomiaraky aminareo? ¹⁸ Andeso amiko eto ie, ka niboaky taminy io, la sitrana tamin'io ora io gmy aja johary.

¹⁹ La namonjy gnan'i Jesosy mangingina reo mpianatsy voho nanao hoe: “Magnino ro tsy nahavita namoaky an'igny rahay?”

²⁰ Jesosy niresaky gnan-drozy hoe: “Noho gny finoa kelinareo. fa resahako marina aminareo, laha mana finoa ndra la kely manahaky gny voatsinampy aza nareo, la afaky miresaky amy toy tendrombohiitsy toy nareo hoe:' Mifindra baketo ho etia; la hifindra io voho tsy hisy na ino ino tsy ho hainareo atao. ²¹ Fa toy karaza demonia toy la tsy miboaky laha tsy miaraky amin'ny vavaky voho fifadian-kany.”

²² Laha mipetraky tagny Galilia rozy, la hoy Jesosy tamin'ireo mpianany hoe: “Gny Anak'olo la hatolotsy eo an-tagnan'ny olo, ²³ voho rozy hamono Gnazy, voho gny andro fahatelo la hatsanga Ie.” Lasa nalahelo tanteraky reo mpianatsy.

²⁴ Lafa avy tagny Kaperinaomy rozy, la nandeha teo amin'i Petera reo johary zay namory gny hetra atsasaky gny sekely voho niresaky hoe: “Tsy mandoa gny hetra antsasaky gny sekely va gny mpampianatsinareo?” ²⁵ Hoy ie hoe: “Eka.” Fa lafa nilitsy tao an-tragno Petera, la Jesosy aloha ro niresaky taminy ka nanao hoe: “Ino ro eritseritsao, ry Simona? Reo mpanjaka eto an-tany bakamin'ia ro andraisan-drozy hetra na hetran'olo? Bakamin'ireo vahoaky va sa bakamin'ireo vahiny?”

²⁶ Lafa niresaky Petera hoe: “Bakamin'ireo vahiny,” La hoy Jesosy taminy hoe: “La afaky amin'ny fandoava gnan'io reo vahoaky. ²⁷ Fa mba tsy hampanotantsika gny mpamory hetra, la mandehana agny amin'ny ranomasina, manipaza fitana ao, voho alao gny fia zay miakatsy voalohany. Lafa voasokatrao gny vavany, la hahita sekely iha. Alao io voho omeo reo mpamory hetra ho Gnahy voho ho gnanao.”