¹ Avy reo Fariseo voho Sadoseo sady nitsapa Gnazy ka nangataky Gnazy mba hampiseho gnan-drozy famantara bakagny an-dagnitsy.

² Fa Ie namaly sady nivola gnan-drozy hoe: “Lafa hariva, la hoy nareo hoe: 'Ho soa gny andro, fa mena gny lagnitsy.' ³ Lafa maraindray, la hoy nareo hoe: 'Ho raty gny andro, fa mena voho magniboky gny lagnitsy.' Hainareo gny mamantatsy gny endriky gny lagnitsy, fa nareo tsy afaky mandika reo famantara gny fotoa. ⁴ Gny avorohota raty voho mpijanganjanga la mila famantara, fa tsy hisy famantara homea gnazy ankoatsy gny famantaran'i Jona.” Bakeo Jesosy nienga gnan-drozy ka roso.

⁵ Lafa avy tegny ampita reo mpianatsy, la halignon-drozy gny nanday mofo. ⁶ Hoy Jesosy t6amin-drozy hoe: “Miambena sady mitandrema amin'ny masirasiran'ireo Fariseo voho Sadoseo.”

⁷ Nialy hevitsy reo mpianatsy ka nivola hoe: “Noho tsika tsy nanday mofo zay.”

⁸ Jesosy nahay zay ka nivola hoe: “Nareo ry kely finoa, nagnino nareo ro mialy hevitsy agnaminareo ka mivola fa nohon'ny tsy nanandesanareo mofo izay? ^9-10 Mbo tsy hainareo na tiaronareo va gny mofo dimy ho gnan'ny dimy arivo, sady sobiky fito ho gnan'ireo efatr'arivo, voho reo mofo fito ho gnan'ireo efatr'arivo, voho sobiky firy ro nalanareo? ¹¹ Nagnino ro tsy ahazoanareo fa tsy mikasikin'ny mofo ro nambarako gnanareo? Miambena sady mitandrema amin'ny masirasiran'ireo Fariseo voho Sadoseo.” ¹² Bakeo azon-drozy fa tsy hitandry amin'ny masirasiran'ny mofo ro nivolagniny gnan-drozy, fa hitandry gny amin'ny fampianaran'ireo Fariseo voho Sadoseo.

¹³ Sady lafa avy tagny amin'ny faritsy agnilan'ny Kaisaria-filipo Jesosy, la nagnontany reo mpianany Ie, manao hoe: “Ataon'ny olo ho ia moa gny Anak'olo?”

¹⁴ Hoy rozy hoe: “Gny sasany mivola fa Jaona mpanao Batisa; gny sasany, Elia; sady reo hafa, Jeremia, na raiky amin'ireo mpaminany.”

¹⁵ Hoy Ie tamin-drozy hoe: “Fa nareo koa manao Gnahy ho ia?”

¹⁶ Namaly, Simona Petera nanao hoe: “Iha ro Kristy, Anakin-Dranagnahary velo.”

¹⁷ Namaly Jesosy ka nanao tagnaminy hoe: “Sambatsy iha, ry Simona Bar-jona, fa tsy gny nofo voho lio ro naneho izay tagnaminao, fa gny Babako zay agny an-dagnitsy. ¹⁸ Ambarako agnaminao avao koa fa iha ro Petera, sady agnany toy vatolampy toy ro hagnorenako gny fiangonako. Gny vavahadin'ny fasana la tsy haharesy izay. ¹⁹ Homeko gnanareo gny fanalahilin'ny fanjakan'ny lagnitsy. Na ino na ino fehezinao eto agnabon'ny tany la ho fehezy agny an-dagnitsy, sady na ino na ino vahanao etoy an-tany la ho vaha agny an-dagnitsy.” ²⁰ Bakeo Jesosy nandidy reo mpianatsy fa rozy la tsy tokony hivola na amin'ia na amin'ia fa Ie ro Kristy.

²¹ Tamin'izay fotoa izay Jesosy nanomboky nivola reo mpianany fa tsy ho agny Jerosalema Ie, hizaka fijalea maro eo an-tagnan'ny loholona voho gny lohan'ny mpisoro sady reo mpanora-dalagna, ho vonoe, voho hatsanga ndraiky amin'ny andro fahatelo. ²² Bakeo Petere nangalaky Gnazy ka nivola mare Gnazy, manao hoe: “Ho lavitsy gnanao anie izay, ry Tompo; tsy hitranga agnaminao mihintsy anie izay.”

²³ Fa Jesosy nitoliky ka nivola tamin'i Petera hoe: “Miala agny amonto, ry Satana! Iha la fanafitohigna ho Gnahy, noho iha tsy miraharaha reo rahan-Dranagnahary, fa reo rahan'olo.”

²⁴ Bakeo Jesosy nivola tamin'ireo mpianany hoe: “Laha misy te-hagnaraky Gnahy, la tsy maintsy manda gny vatany ie, handay gny hazofijaleany, voho magnaraky Gnahy. ²⁵ Fa na ia na ia te-hamonjy gny ainy la hahatsobo gnazy, sady na ia na ia ro hahatsobo gny ainy nohon'ny agnamiko, la hahazo izay. ²⁶ Fa ino moa ro soa ho azon'ny olo laha mahazo zao tontolo zao nefa tsobo gny ainy? Ino ro omen'ny olo ho takalon'ny ainy? ²⁷ Fa gny Anak'olo la ho avy amin'ny voninahiny gny Babany miaraky amin'ireo anjeliny. Bakeo Ie hamaly soa gny olo tsirairay araky zay vitany. ²⁸ Ambarako marina agnaminareo, fa misy sasany aminareo zay mijiro eto ro tsy hitsapa gny fahafatesa mandrapahitan-drozy gny Anak'olo avy amin'ny fanjakany.”