¹ Bakeo nisy Fariseo voho mpanora-dalagna sasatsasany bakagny Jerosalema namonjy gnan'i Jesosy. Hoy rozy hoe: ² “Nagnino reo mpianatsinao ro mandika gny fomban-drazan'ireo zoky olo? Fa tsy manasa gny tagnany rozy mialohan'ny hihinany.”

³ Namaly Ie sady nivola tamin-drozy hoe: “Ka nagnino ary nareo ro mandika gny lalan-Dranagnahary nohon'ny fomban-drazanareo? ⁴ Fa Ndranagnahary nivola hoe: 'Hajao gny babanao voho gny reninao', sady ze mivola raty gny babany na gny reniny, la ho maty vatany.'

⁵ Fa nareo mivola hoe: 'Na ia na ia magnambara amin'ny babany na reniny hoe: “Na ino na ino fanampia ze azonareo baka agnamiko la fanomeza ho gnan-Dranagnahary henanio,”' ⁶ iza olo izay la tsy mila manaja gny babany. Amin'izay fomba izay la nofoagnanareo gny safan-Dranagnahary nohon'ny tombontsoan'ireo fomban-drazanareo. ⁷ Ry mpihatsaravelatsihy! To gny faminanian'Isaia mikasiky gnanareo laha nivola ie hoe: ⁸ 'Toy vahoaky toy la manaja gnahy amin'ny sognin-drozy, fa gny fon-drozy la lavitsy gnahy. ⁹ Tsy misy dikany gny fandrengea gnahy, fotony rozy mampianatsy gny lilin'olombelo manahaky gny fampianaran-drozy.”'

¹⁰ Bakeo nikaiky gny vahoaky ho eo Agnaminy Ie sady nivola tamin-drozy hoe: “Minjanjigna ka mahazoa- ¹¹ Tsy gny militsy ao ambavan'ny olo ro mandoto gny olo. Fa koa, ze aloaky gny tsihoviny, ro mandoto gny olo.”

¹² Bakeo namonjy reo mpianatsy sady nivola tamin'i Jesosy hoe: “Moa va hainao fa meloky reo Fariseo nohon'ny nahaja izay safa izay?” ¹³ Jesosy namaly ka nivola hoe: “Reo raha matiry ze tsy namboleny gny Babako agny an-dagnitsy la ho rava iaby. ¹⁴ Engao rozy ho eo, rozy la mpitariky jiky. Laha misy olo jiky raiky mitariky jiky raiky hafa, la samby hivari an-kady rozy roe.”

¹⁵ Petera namaly ka nivola tagnamin'i Jesosy hoe: “Hazavao agnaminay ze fagnohara izay.”

¹⁶ Hoy Jesosy hoe: Tsy manam-pahalala avao koa va nareo?” ¹⁷ Tsy jerinao va fa ze militsy amin'ny tsihovy la makao an-kibo sady bakeo la haboaky agny amin'ny fiboaha? ¹⁸ Fa reo raha zay aboakiny gny tsihovy la avy amin'ny fo. Reo raha reo ro mandoto gny olo raiky. ¹⁹ Fa vy amin'ny fo ro iboahan'ny sain-draty, gny vono olo, gny fijanganjanga, gny fangalara valin'olo, gny halatsy, gny fijoroa vavolombelo tsy to, voho gny fivolagnan-draty. ²⁰ Reo raha reo ro mandoto gny olo raiky. Fa gny mihina amin'ny tagna tsy misasa la tsy mandoto gny olo raiky.”

²¹ Bakeo Jesosy niala teo ka nimpoly tagny amin'ny faritanin'i Tyro voho Sidona. ²² Ingo, nisy ampela Kananita raiky baka amin'izay faritsy izay. Nikaiky mare ie sady nivola hoe: “Mamindra fo agnamiko, ry Tompo, anak'i Davida o! Gny anako ampela la ampijalin'ny demonia mare.”

²³ Fa Jesosy tsy namaly safa gnazy. Namonjy reo mpianany ka niangavy Taminy, nanao hoe: “Roaho ie, fa mitabataba mare amintsika.”

²⁴ Fa Jesosy namaly sady nivola hoe: “Tsy nirahy ho gnan'ia na ia Zaho afa-tsy ho gnan'ny aondry tsobo ao amin'ny avorohotan'Israely.”

²⁵ Fa avy nangataky voho niankohoky teo agnatrehany ie, nanao hoe: “Tompo, vonjeo aho.”

²⁶ Namaly Ie ka nanao hoe: “Tsy rariny laha ala gny mofon'aja ka atoraky ho gnan'ny amboa.”

²⁷ Fa hoy ie hoe: “Eka, Tompo, fa na la gny amboa aza mba mihina zay sombintsombiny latsaky baka amin'ny latabatsy gny tompony.”

²⁸ La namaly Jesosy sady nivola hoe: “Ravehivahy, bevata gny finoanao; ho tanteraky agnaminao anie izay araky izay irinao.” La sitra gny anany ampela tamin; izay ora izay.

²⁹ Niala teo Jesosy ka nagnegny agnilan'ny ranomasin'ny Galilia. Bakeo la niakatsy tegny an-tendrombohitsy raiky Ie ka nipetraky teo. ³⁰ Vahoaky maro ro namonjy Gnazy. Nandesin-drozy niaraky tamin-drozy gny mandringa, gny jiky, gny moa, gny kilemaina, voho marary maro hafa koa. Napetrakin-drozy teo an-tombon'i Jesosy reo; ka la nisitragniny. ³¹ Ka la treriky gny vahoaky laha nahajery reo moa mivola, gny kilemaina sitrana, gny malemy afaky mandeha, voho gny jiky mahajery. Nankalaza gny Ndranagnaharin'Israely rozy.

³² Nikaiky reo mpianany mba hamony Gnazy Jesosy sady nivola hoe: “Malahelo reo vahoaky Aho, fotony fa telo andro sahady rozy ro nnipetraky niaraky tagnamiko nefa tsy manan-ko hany. Tsy te handefa gnan-drozy tsy mihina Aho, fa manjary ho tsipiky egny an-dala egny.”

³³ Hoy reo mpianantsy Tagnaminy hoe: “Aia ro hahitanay mofo sahaza voho ampy reo vahoaky maro be reo atoy agn'efitsy?” ³⁴ Hoy Jesosy tagnamin-drozy hoe: “Mofo firy ro agny aminareo?” Sady hoy rozy hoe: “Fito, voho fia maliniky tsy ampy.”

³⁵ Bakeo Jesosy nandidy gny vahoaky mba hipetraky amin'ny tany. ³⁶ Nandramby gny mofo fito mbamin'ny fia Ie, sady lafa nisaotsy, la namaky gny mofo ka nanolotsy reo ho gnan'ireo mpianatsy nagnome ho gnan'ireo vahoaky. ³⁷ Nihina ka afa-po gny vahoaky iaby. Bakeo rozy namory sobiky fito feno sombintsombiny ze tsy lany. ³⁸ Reo ze nihina la efatsy arivo johary, tsy ao agnatiny gny aja amin'ampela.

³⁹ Bakeo Jesosy nampoly gny vahoaky ka niondra an-tsambokely sady la nagnagny amin'ny faritr'i Magadana.