¹ Naye Yeso nachia erwanyi ne narula mukhekalu mani abeeka baye nibamwichakho nibamuekesia ebiumbakhe bie ikhekalu. ² Naye Yeso nababolera ari, khasi mulola ebiindu bino bioosi? Obwadieri mbaboolera mbwe, silichia okhulekhwa ano kata elikina lala khulindi, elirachia okhusukunwa asi.

³ Ne olwayali niyekhale khulugulu lwa Miseituni abeeka bamwichira mubwekisi, nibaboola bari ruboolere ebiindi bino bichia okhuba liina? Nisina esichiaoba esilolero siokhwicha khwao, nende esiobumalirikhi bwe sialo?

⁴ Naye Yeso nakalusia nababoolera ari, mwekenderesie mbwe omuundu yeesi arababacha. Okhuba abaangi bachia okhwicha muliira liange, ⁵ nimbaboola bari, esie nesie Kirisito: ne bachia okhubacha abaangi. ⁶ Nang'we muchia obulira akamayie nende echimbweeru echia mayie: lingeera mbwe mureecha mwakanakana: okhuba ebiindu bino bioosi kali mbwe biekholekhane, arali obumalirikhi busiiri. ⁷ Okhuba esialo sichia okhwekalukhania khu sialo siasie, nabwo oburuki nibwekalukhana khuburuki buundi: nikhuchia okhubao injala, nende amalwaye, nende okhurengerekha khwe sialo, muchimbeka chikabukhane. ⁸ Kano koosi nikhwo okhuchaaka okhwobuchuuni.

⁹ Mani bachia okhubaberesania musandisibwe, nibabeera, muchia okhukiiywa nende ebialo bioosi khulwa eliira liange. ¹⁰ Ni bulano abaangi bachia osinyikha nibakhobana mulala khu uundi, muchia okhusiulana mulala khu uundi. ¹¹ Nabo abanabii bobubachia abaangi bachia okhubukha nibabacha abaangi. ¹² Ne khulwo khubeera okhumederakho obumaanu, obukheeri bwa baangi buchia okhunyira. ¹³ Arali ula ochia okhwesimirisia okhuula khubumalirikhi, omwene oyo achia owonibwa. ¹⁴ Ne ifanjili ino eyo bwami ichia oyalwa musialo siosi khulwo buloli khu bialo bioosi: ne bulano obumalirikhi buchia okhwicha.

¹⁵ Khulwesio nimuchia olola elisinyisio eliobusasikhi eliabolwa nende omunabii Danieli, yeme abuundu andakatifu"(yeesi osoma lekha ye amanyirisie), ¹⁶ manu lekha bala abali Ebuyaudi berukhire muchingulu: ¹⁷ Lekha ula oli khusirama esie inyuumba areekha asi okhubukula esiindu siosi okhurala munyuumba yaye. ¹⁸ Kata ula oli mundalo arafunya inyuma obukula chingubo chiaye. ¹⁹ Ne uuwi khubo abali chiinda nende abo abanunia muchinyaanga echio! ²⁰ Arali eng'we mulaame mbwe okhwirukha khweng'we khuraba muroocho kose inyaanga ya isabaato: ²¹ Okhuba khuchia okhuba nende obunyakhani bukhoongo, oburalikhoo okhurula okhuchaaka khwesialo okhuula ebikha bino, kata khasi buchia khubao khandi. ²² Ne kabeere mbwe enyaanga echio khasi chakhaduduyisibwa abulao omuundu yeesi owakhalokokhe: arali khulwa abalobole enyaanga echio chichia okhududuyisibwa.

²³ Bulano omuundu yeesi nachia obaboolera mbwe, lole Kirisito nguyu ano, kose alia: murasuubira ako dawe. ²⁴ Okhuba bachia obukha Kirisito bo bubacha, nende abanabii bo bubacha ne bachia okhwekesia abilolero bikhoongo nende akamangalimwa: mubuungi mbwe kata nikakhanyalikhane bachia obacha abalobole beene. ²⁵ Lingeere mbaboleere khalekhale. ²⁶ khulwasio nibachia obaboolera mbwe, lingeere, ali muluumira: murachiayo: lingeere ali mubisenge bio bwekisi: murasuubira ako dawe. ²⁷ okhuba ngolwa olumiesu lwichaanga okhurula ebukwe nilukhosia okhula muumbo: nilwo olwa okhwicha khwa omwana wo muundu khuchia okhuba. ²⁸ okhubeera wosi wosi owo mulambo kuli eyo niwo owe chingosia chiebushianga alala.

²⁹ Abwene ao lunyuma lwa manyakhano ke nyaanga echio eliuba lichia okhwirima ne omwosi sikuchia orusia obulafu bwako ne ching'ining'ini chichia okhukwa okhurula mwikulu ne obunyala bwe likulu buchia orengesibwa: ³⁰ Ne bulano esilorero esio Mwana wo muundu sichia obonekhana mwikulu: Ne bulano echimbia chiosi echia khusialo bachia okhulira, nibachia olola omwana wo muundu niyeecha mumaleesi ko mwikulu nende obunyala nende oluyaali lukhoongo. ³¹ Naye achia oruma abamalaika baye nende omulaango mukhoonge okwo luyoka, nabo bachia obuusia alala abalobole baye okhurula embeka chine echiemiyaka okhurula olwande lulala olwo mwikulu okhuula khu lundi.

³² Bulano mweeke olukaado lwo musaala kwo mokhuyu: Amasaga kakwo nikasiri madoro, nikarusia masaafu, mumanya mbwe esiminyu sili ambi: ³³ Eng'we mwesi murio, olwa eng'we muchia olola ebiindu bino bioosi, mumanye mbwe bili ambi, kata khumiliangiro. ³⁴ Obwadieri mbaboolera, olwibulo luno khasi luchia obwao, okhula ebiindu bino bioosi biulirire. ³⁵ Elikulu nende esialo bichia obwao, arali amakhuwa kange sikachia obwao.

³⁶ Arali akeyinyaanga eyo nende ebikha abulao omuundu yeesi omanyire kata abamalaika bo mwikulu, arali Baba wange yeng'ane. ³⁷ Arali nga chinyaanga chia Noa chiali, nilwo olwa kachia okhuba khwicha khwo Mwana womundu. ³⁸ Okhuba kori chinyaanga chiali amaachi nikasiechula balichaanga nibang'wa nibadekhia nende okhudekha okhuula inyaanga ila eya Noa yengira muliaro. ³⁹ Ne nibaramanya khaba okhuula olwa amaachi kechuula nikabarusiayo boosi nilwo olwakachia okhuba khandi khukwicha khwo mwana womuundu. ⁴⁰ Bulano babiri bakhabe mundalo: mulala yakhabukulibwe, naye ouundi yakhalekhwe. ⁴¹ Abakhasi babiri bakhabe nibasia khulukina, mulala yakhabukulwe naye ouundi yakhalekhwe. ⁴² Mube meeso khulwesio: okhuba eng'we simumanyire ebikha bio Omwami weng'we yecheremo. ⁴³ Arali mumanye kano, mbwe khane omusaacha mulayi oweinyuumba amanyire ebikha ebia omwiibi yecheramo, yekhabeere meeso naye siyakhakanyire inyuumba yaye okhufunakwa. ⁴⁴ khulwesio eng'we mwesi mwerekekhe: okhuba mubikha ebio ebia eng'we murapariramo Omwana wo muundu yeecha.

⁴⁵ Niwina bulano omukholi mwesikwa khandi omukesi, owa omwami waye yakhola omwemereri weinyuumba yaye, okhubaberesia ebiakhulia mubikha? ⁴⁶ Noweikhabi omukholi oyo owa omwami waye niyeecha achia omunyoola nakholaanga ario. ⁴⁷ Obwadieri mbaboolera mbwe achia omukhola omwemeresi we biindu biaye bioosi. ⁴⁸ Arali nikaba mbwe omukholi mumaanu oyo achia oboola mumwoyo kwaye mbwe, omwami wange achelewe okhwicha khwaye: ⁴⁹ Mani achaake okhukhuya abakholi basie, nende okhulia nende okhung'wa nende abameesi: ⁵⁰ Omwami wo mukholi oyo achia okhwicha munyanga yayakhabe naramulindiliraanga, nende mubikha ebia yakhabe naramanyire. ⁵¹ Naye achia omuremamo akari bitundu bibiri, namukabira omukabo kwaye alala nende abekaadi ne ebweneyo khuchia okhuba okhulira nende okhusia ameno.