¹ Okhuba obwami bwomwikulu buli nga omuundu omwenengo, owarula ichuli mumabwibwi okhwandiika abakholi mundalo yaye yemisabibu. ² Ne olwayali nafukirisanie nende abakholi, khunyaanga idinari, yabaruma mundalo yaye yemisabibu. ³ Mani narula khusaa yakhadaru, ne nalola abandi nibemere nibarakhola siosi. ⁴ Ne nababoolera ari, eng'ewe mwesi muchie mundalo yemisabibu, ne ndababeresia esimukhoyera. Nibabwao nibachia. ⁵ Khandi narula khusaa yakhasasaba nende eya tisa, ne nakhola ario. ⁶ Khandi khusaa yekhumi nende ndala yarula, nachia nanyoola abandi nibemere, nibarakhola esiindu ne nababooolera ari, khulwasina eng'we mwemere ano nimurakhola siosi inyaanga yoosi?

⁷ " Nabo nibamubolera bari, okhuba abulao omuundu orwandikire. Naye nababolera ari, eng'we mwesi muchie mundalo yemisabibu, ne siosi esimukhoyera nisio esiamunanyoola.

⁸ Olwabiola ingoloobe omwami weindalo yemisabibu, nabolera omwemereri waye ari, laanga abakholi obaberesie omuruungo kwabwe, okhuchaaka khuwamalirikha okhula khu warangirira. ⁹ " Nw olwa beecha balia abali nibaandikirwe khusaa ya ekhumi nende ndala, banyoola buli muundu idinari. ¹⁰ Arali abamberi olwabeecha bapaara mbwe bananyolakho okhira ao, nabo boosi nibanyoola sa buli muundu idinari ndala. ¹¹ Ne olwa bamala onyoola, babuluulira omuundu mulayi omwenengo.

¹² Nibaboola bari, 'Abamalirikhi bano ne ewebakhola sa isa ndala, ne ewe abakhola sa okhwakana nafwe, abakingire omukuku nende obubafu bwinyaanga.'

¹³ Arali nakalusia mulala khunibo naboola ari, omwicha, sikhukholere elibi lioosi dawe; khasi khufukirisanie khu idinari ndala? ¹⁴ Bukula siria esiri esiao mani obweo. Ndaberesania omumalirikhi uno okhwakana as ninawe

¹⁵ Sinelilako esie okhola esianyenya nende ebiange mwene? Oli nende ikhiinda khubeera esie ndi mulayi? ¹⁶ Kario omalirikha yakhabe oweimberi, ne oweimberi yakhamalirikhe." okhuba abangi balangwa, arali badiidi balobolwa.

¹⁷ Ne Yeso nachia Yerusalemu nabukula abeeka ekhumi na babiri, indulo weingira, nababoolera ari, ¹⁸ " Lingeera khuchia Yersalemu, ne omwana womuundu achia okhukhobwa khubakhongo babakhukhani nende abandiiki, ne bachia omukhalakira okhufwa. ¹⁹ Khandi bachia omura mumakhono kabanasialo khumubayirakho nibamukhuya, nende okhumubaamba. Ne inyaanga yokhudaru achia olamukha khandi."

²⁰ Mani namwichira ng'ina wa abaana ba Sebedayo nende abasiani baye, nibamwinamira, nibamusaba esiindu nabulebe. ²¹ Yeso naye namureeba ari nisina esiawenya? Naye namubolera ari, "Fukirira mbwe abasiani bange babiri bano bekhale mulala khumukhono kwao musaacha ne oundi omukhono kwao omukhasi mubwami bwao."

²² Arali Yeso nakalusia naboola ari, "Okororwe esioli okhusaba. Munyala eng'we okhung'wera esikoombe esianjia okhung'wa?" nende okhubatisibwa obubatisibwi obwa njia okhubatisibwa nabwo? nibamukalusia bari "khunyala".

²³ Naye nababolera ari, nobwadieri muchia okhungwa khusikoombe siange nende obubatisibwi obwndabatisibwa nabwo; arali okhwikhala khumokhono kwange musaacha, kata omukhasi sinesie oberesania arali bichia oberesanibwa khwabo abakheerwa nende baba wange.

²⁴ Ne olwa balia ekhumi babulira ako, badiirwa nende elirima khulwa abasiani babiri abo. ²⁵ Arali Yeso nabalaanga owayali, naboola ari, "Mumanyire mbwe oburuki obwa banasialo, babarukaanga nende amaani, ne khandi balia abali abakhoongo babaruka nende obunyala. ²⁶ Arali sikakhoyera okhuba kario khweng'we; arali oyo yeesi owenya okhuba omukhoongo mweng'we abe omurumwa weng'we, ²⁷ Ne ulia yeesi owenya okhuba omuruki mweng'we, abe omukholi weng'we, ²⁸ Kata kori Omwana womuundu yeecha okhurarumikhirwa, arali okhurumikha, nende okhuberesania obulamu bwaye bube omuruungo khulwa abangi.

²⁹ Ne olwabali nibarula Yeriko omukaanda mukhoongo kwamuloonda. ³⁰ Ne lingeera abaandu babiri abaoofu nibekhale khundulo khweingira, olwa babulira mbwe Yeso abira ao bayula, nibaboola bari, "Rubeere esisa, Omwami, ewe Omwana wa Daudi. ³¹ Nakwo omukaanda nikubalabira, nikubabolera mbwe babulere; arali bayula lukali, nibaboola bari, "Rubeere esisa Omwami, ewe Omwana wa Daudi"

³² Naye Yeso niyema tiiri nabalaanga, nabareeba ari, "Ni sina esiamwenya mbakholere? ³³ Nibamubolera bari "Omwami mbwe emoni chiefwe chinyale khulola." ³⁴ Yeso nabalolera esisa nadiira khu chimoni chiabwe; ne abwene ao echimoni chiabwe nichinyoola okhulola nibamuloonda.