¹ Mubikha ebio abeeka nibeecha khu Yeso, nibabola bari, "Niwina omukhoongo mubwami bwomikulu?"

² Ne Yeso nalaanga omwana omudidi khuye, namwikhasia akari wabwe, ³ ne naboola, "Mbabolera obwadieri mbwe, nimurakalukhana, mwaba nga abaana badidi, simuchia okhwingira mubwami bwomwikulu. ⁴ Khulwesio ulia yeesi ochia okhweduduyia omwene kori omwana mudidi, oyo niye omukhoongo mubwami bwomwikulu. ⁵ Ne yeesi ochia okhwingisia mulala khubaana badidi kori uno muliira liange anyingisia esie.

⁶ Arali ulia ochia okhola mulala khubadidi bano abasubira mwesie, okhwonona biakhabere ebilayi khuye mbwe elikina liakhaboyerwe mukosi mwaye, mani yebisibwe mulusiba lwe inyaanja. ⁷ " Uuwi khusialo okhubeera ebisikirasio; okhuba ebisikirasio bikhoyera okhwicha; arali uuwi khumuundu oyo owebisikirasio bichirakho. ⁸ "Khulwesio omukhono kwao kose okhukulu khwao nibikhukhola okhukhola echimbi, bikhengeyo mani obisukune bikhurulekho; nebilayi khwewe okhwingira mubulamu noli omulema mukhalake, okhira obe nende amakhono kabiri kose amakulu kabiri nofubwa mumuliro okuralibwayo. ⁹ Ne imoni yao niikeera okhole imbi irusieyo yikhurulekho, nebilayi khuwewe okhwingira mubulamu nende imoni ndala, okhukhira obe nende chimoni chibiri nosukunwa mumuliro okuralibwayo.

¹⁰ Mwekenderesie mbwe muralekeresiakho kata mulala khubadidi bano okhuba mubolera mbwe, mwikulu abamalaika babwe bamenya nibalingeera obweni bwa baba wange oli mwikulu. ¹¹ Okhuba Omwana womuundu yecha okhuwonia silia esiali siakora. ¹² Mupaara murie eng'we? omuundu naba nende amakoondi imia, nelala likora, khasi alekha amakoondi amakhumi tisa nende tisa, nachia mulugulu mani akonye liria elikorere elala? ¹³ Ne olwaba nalinyolere, mbabolera obwadieri mbwe asangalira lukali elikoondi elio, okhira kalia amakhumi tisa nende tisa akarakorere. ¹⁴ Kata kario sinokhwenya khwa seng'we oli mwikulu, mbwe mulala khubadidi bano akore.

¹⁵ Khumedakho nikaba mbwe omusiani weng'we akhwononera, chia omubolere amabi kaye akari weng'we nali yengane; nikaba mbwe akhubulira omunyoolere omusiani wengwe. ¹⁶ Ne narakhubulira bukula mulala kose abandi babiri abakhukhira mbwe mumunwa kwa abaloli babiri kose badaru buli elikhuwa linyoole okhumanyikhana. ¹⁷ Ne nibili mbwe achia okhaya okhubabulira, bolera elikanisa; arali nakhaya okhubulira elikanisa; lekha abe khweng'we kori orasubira kose omunasialo. ¹⁸ Mbabolera obwadieri mbwe, siosi esiamuchia okhuboya khusialo sichia okhuobywa kata mwikulu; ne siosi esiamuchia obolola musialo sichia okhubololwa mwikulu. ¹⁹ Khandi mbabolera mbwe, babiri khwengwe nibachia ofukirisania khusialo okhulondana nende esiindu siosi esiabachia okhusaba, bachia okhukholerwa nende baba wange oli mwikulu. ²⁰ Okhuba owa babiri kose badaru bakhung'ana alala muliira liange, abwene ao ndi akari wabwe.

²¹ Mani Petero namwichira naboola ari, Omwami, omusiani wefwe akhoyere okhukholera amabi amakhabi kanga nimulekheraanga? okhuula amakhabi saba?"

²² Yeso namumbolera ari, sikhubolera mbwe, okhuula amakhabi saba, arali okhuula amakhabi makhumi saba mara saba. ²³ Khulwesio obwami bwo mwikulu bufwananisibwa nende omuruki undi owabukula obubali obwa abakholi baye. ²⁴ Ne olwabachaaka okhubala, mulala yarerwa khuniye, owali nende elikobi liaye elia echitalaanta echilifu ekhumi. ²⁵ Arali okhubeera siyali nanyalirwa okhuruunga, omwami waye yalagira mbwe akusibwe, nende omukhasi waye, nende abaana baye nende bioosi ebiayali nabio, mani elikobi liruungwe. ²⁶ Khulwesio omukholi nakwa asi, namwinamira naboola ari, Omwami ndesimirisirie njia okhuruunga bioosi. ²⁷ Mani Omwami womukholi oyo nadiirwa nende esisa, namulekhuula, namulekhera elikobi. ²⁸ Arali omukholi mwene oyo yarula erwanyi, nanyoola omulala khu bakholi basie, owali nende elikobi liaye, echidinari emia ndala: namudiira mamiro naboola ari, nduung'e biria ebiawandeyola.

²⁹ Ne omukholi wasie namukwa mumakulu, namusaba naboola ari, ndesimirisirie njia okhuruunga bioosi. ³⁰ Naye siyafukirira; arali yachia namusukuna mumboyero okhuula olwa yaruunga elikobi. ³¹ Kario olwa bakholi basie balola esiali nisiekholekhe belalikhira lukali nibeecha nibabolera Omwami wabwe koosi akekholekha.

³² Mani Omwami waye, namalire okhumulaanga, yamubolera ari, ewe omukholi mumaanu ndakhulekhera elikobi lilia lioosi, okhubeera ewe wandekweeda. ³³ Ewe wesi siwakhamulolerekho esisa omukholi wasio, ngolwa siesi ndakhulolera esisa?' ³⁴ Ne omwami waye naluluma, namuberesania abakhaniakhani okhuula olwa yakharuunge bioosi ebiayali nabanjwa. ³⁵ Kario nilwo olwa achia okhola Sefwe oli mwikulu, khweng'we, nikaba mbwe okhurula mumioyo kieng'we simulekhera buli mulala omusiani wabwe ebionono biaye.