¹ Ebikha ebio Yeso nachia inyanga ya sabato mundalo ya mandimwa, ne abeka baye bali injala ni nibachaka okhufuna amadimwa madoro nibalia. ² Arali olwa Abafarisayo balola ako, nibamubolera bari, "lingera abeka bao bakhola akarakhoyera mu malako, okhola inyanga ya sabato."

³ Arali nababoolera ari, khasi mwasomakho aka Daudi yakhola olwayali injala alala nende abayali nabo? ⁴ Nga olwayengira munyumba ya Nasaye manu nalia emigaati ekiokhwekesia ekiali kirakhoyera khu ye okhulia kata balia abali naye arali abakukhani bong'ene. ⁵ Kata musiasomakho mumalako nga inyanga ya sabato abakukhani abali mukhekalu bonoonianga isabato, nibarabalirwa amabi dawe? ⁶ Arali mbaboolera mbwe abuundu ano aliwo mulala okhira ikhekalu. ⁷ Arali mumanyire esisina sielikhuwa lino, mbwe nyenya esisa okhira sisakhiro, simwakhabakhalakira esiina balia ababula esibi. ⁸ Okhuba omwana wo muundu niye omwami weisabato.

⁹ Ne olwayali narulire ao nachia musinagogi yabwe. ¹⁰ Ne lola yalimo omuundu owa omukhono mulema. Ne nibamureeba nibaboola, kalakirwa okhuwonia inyanga ya sabato? mbwe banyole okhumusitaaka.

¹¹ Naye nababoolera ari, ni muundu sina akari weng'we oli nende ekondi elala, nilikwa muliina inyanga ya sabato, khasi anyala okhwingiramo yalirusia erwanyi? ¹² Ne biaka birie omuundu okhira elikondi? kata kario nelilako okhukhola amalayi inyanga ya isabato." ¹³ Manu naboolera omuundu oyo mbwe kololosia omukhono kwao, nakukolola manu nikukalukha abwene nga okundi. ¹⁴ Manu Abafarisayo nibachia erwanyi, nibakhola omukhung'ano khulwaye ngabakhanyoola omusasia.

¹⁵ Arali olwa Yeso yamanya ako narula abweneao; ne emikanda mikhongo nikimulonda naye nabaonia boosi. ¹⁶ Ne nabakaania mbwe baramukhola yamanyikhana. ¹⁷ Mbwe kolerere akalomalomwa nende Isaiah omunabii naboola ari. ²² Manu nibamurera omulala owali nende esikhieno, omwofu khandi omusiru; mani namuwonia mani nanyala okhulomaloma nende okhulola. ²³ Omukanda khwosi kwauka, ni baboola, uno sinomwana wa Daudi?"

²⁴ Arali olwa Abafarisayo babulira ako, nibaboola bari, 'Omuyia uno sarusia sa ebikhieno arali khulwa Belizebuli omwami we bikhieno.

²⁵ Ne Yeso namanya amapaaro kabwe, nababoolera ari, buli oburuki obwakabukhana obwene khubwene bumalirikhiranga mubusasikhi, ne buli edookho kata inyumba eyakabukhana eyene khuyene siyakheema. ²⁶ Ne nibiri mbwe esikhieno sirusia esikhieno, siakabukhana esiene khusiene; oburuki bwasio buneema burie? ²⁷ Ne nibiri mbwe esie khulwa Belisebuli njirusia ebikhieno abaana beng'we barusia khumaani kawiina? khulwesio bachia okhuba abakhalaki beng'we. ²⁸ Ne nibiri mbwe khung'a ebikhieno khulwa Rokho wa Nasaye manu oburuki bwa Nasaye bwichire khweng'we.

²⁹ Kata kario omuundu yakhengira arie munyumba yomuundu wamaani, manu anyasie ebiindu biaye, nibirali mbwe arangirira yaboya omuundu wamaani naamala anyasia inyumba yaye.

³⁰ ulia orali nange nomusuku wange ne ulia orabuusia nange asalania.

³¹ Khulwesio mbaboolera mbwe engeri chioosi echia ebionoono nende amanyeko bichia olekherwa abaandu; arali elinyeko khu Rokho mutakatifu silichia olekherwa abaandu. ³² Ne Yesi olamaloma khumwana womuundu, achia olekherwa, arali yesi olomaloma khu rokho mutakatifu sachia olekherwa musialo muno kata musialo siicha.

³³ Khola omusaala kube omulayi; nebiamo biakwo binaba ebilayi, kose okhole omusaala okhuba omubi, nebiamo biakwo biosi binaba ebibi: okhubera omusaala kumanyikhana khulwebiamo biakwo. ³⁴ Olwibulo lwechinjukha, munyala murie, olwamuli abonooni, olomaloma ebiindu bilayi? okhuba okhurula mubungi obwa akari mumwoyo omunwa kulomalomanga. ³⁵ Omuundu omulayi okhurula mumbikhiro indayi eyo mumwoyo arusianga ebiindu bilayi; nomuundu omwonooni orula mumbiikhiro yobwonooni arusianga ebiindu biobwoni ³⁶ Arali mbaboolera mbwe, buli elikhuwa elirakhoya elia baandu bachia olomaloma bakhurusia obubali bwalio, inyanga yobukhalaki. ³⁷ Okhuba khumakhwa kao ochia obalirwa obulungikhi, ne khulwa amakhuwa kao ochia okhalakirwa.

³⁸ Abweneao balala khubandiiki nende Abafarisayo nibakalusia nibaboola bari, omwekesia khwenya esilorero okhurula khwewe.

³⁹ Arali nakalusia nababoolera ari, olwibulo lwonooni nende oluyeyi lukonyanga esilolero; nesibulao esilolero sialuchia oberesibwa, arali esilolero sia nabii Yona. ⁴⁰ Mbwe nga olwa Yona yali echinyanga chidaru nende biro bidaru munda mweing'eni; nilwo olwa omwana womuundu achia okhuba enyanga chidaru nende biro bidaru mumwoyo kwesialo. ⁴¹ Abaandu ba Ninawi bakhabuukhe khulwa obukhalaki alala nende olwibulo luno, ni balukhalakire esiina okhubera bekanira mukhuyaala khwa Yona, ne lola omukhongo okhira Yona aliano. ⁴² Omuruki mukhasi owemwalo achia obuukha mubukhalaki nende olwibulo luno ne achia okhulukhalakira esiina; okhuba yeecha okhurula mumbeka chiesialo siaale okhubulira obukesi bwa Sulemani; ne, lingera, omukhongo okhira Sulemani aliano.

⁴³ Irokho ibi niirula mumuundu ikendanga mumbeka chiesiumira okhunyoola okhubuluukha, ne niranyoola wosi. ⁴⁴ Manu imala iboole iri, njia okalukha munyumba yange yandarulamo, ne niikalukha inyoole niyakhakha manu yeyerwe, ikhwanisiibwe. ⁴⁵ Ibwao, niichia niibukula alala nayo echirokho chindi saba echiakoyana lukali oyikhira, nichingira mukari nichimenyamo: ne imbeera imalirikha yomuundu oyo ikoyana okhirakho eyamberi, kata kario nilwo olwakachia okhuba khulwibulo olukoyanu luno.

⁴⁶ Olwayali nasiri nalomaloma nende baandu, lola ng'ina nende abaana babwe beecha nibekoomba olomaloma naye. ⁴⁷ Manu mulala namuboolera ari, lola mama wao nende abaana beng'we bali rwanyi bekoomba olomaloma nawe.

⁴⁸ Arali nakalusia namuboolera oyo owamuboolera ari, mama wange niye wiina? nabaana befwe niwiina? ⁴⁹ Ne nakolola omukhono kwaye khubeka baye naboola ari, lola mama nende abaana befwe! ⁵⁰ Okhuba yeesi okhola elienya lia Baaba oli mwikulu oyo niye omusiani nende omukhana wefwe nende mama.