¹ Ne olunyuma lwa ako, olwa yali namalire okhubalagira abeka baye ekhumi nende babiri yarulao nachia okhwekesia nende okhuyaala mumadookho kabwe.

² Bulano olwa Yokhana yali nabuliire mumboyero emirimo kia, Kirisito yaruma babiri khubeka baye, ³ namureba ari,"ewe newe oyo okhoyere okhwicha kose khulindirire oundi?"

⁴ Yeso nakalusia nababolera ari, muchie mwekesie Yokhana ebiindu biria ebiamubulira nende okhulola. ⁵ Aboofu balola, nende abalema bakenda, abakere balabisibwa, nende abadiimbe babulira, abafu babusibwa, ne abamanani banyola oyalirwa ifanjili. ⁶ Ne noweikhabi ulia arasinyisibwa nange.

⁷ Nolwa bali nibabwao, Yeso yachaaka oboolera omukanda olondana nende Yokhana, "mwachia erwanyi musichiimi okhulola sina, elikada liyuyisibwa nende omuyaka? ⁸ Nikarari kario nisina esiamwacha erwanyi okhulola? omuundu owefwalire engubo endorondoro? lola abo abefwaala engubo endorondoro bali munyumba chiabaruki. ⁹ Ne mwachia erwanyi okhulola sina? omunabii? kario mbaboolera mbwe, khandi okhira omunabii. ¹⁰ Okhuba uno niye owa kaandikwa olondana naye mbwe, lola nduma omurumwa wange imberi wao ochia okhurekekha ingira yao imberi wao.

¹¹ Obwadieri mbaboolera, akari wa abo abebulwa nende abakhasi asiri okhubao omukhongo kori Yokhana mubatisia. Oburamanyirisia mbwe ulia omalirikha muburuki bwomwikulu nomukhongo omukhira. ¹² Ne okhurula munyanga chia Yokhana mubatisia okhula leero oburuki bwomwikulu bunyolekhana khumaani, nabamaani babunyoola khumaani. ¹³ Okhuba abanabii boosi nende amalako barusia obunabii okhuula khu Yokhana; ¹⁴ Ne nibiri mbwe ofukirisania nende kano, uno ni Eliya owakhoyera okhwicha. ¹⁵ Oyo oli nende amarwi kabulira, lekha abulire.

¹⁶ Arali fwananisia olwibulo luno nende sina? luli nga abaana bekhaale khusiiro ne balanga abasiabwe. ¹⁷ Nibaboola bari, khwabakhubira olwika ne khasi mwakhina, ¹⁸ Okhuba Yokhana yeecha naralia kata okhug'wa, nibaboola, mbwe ali nende sikhieno. ¹⁹ Omwana womuundu yeecha nalia khandi nang'wa, ni baboola mbwe lingera omuundu wokulira, khandi omumesi, omwicha wa banasialo nende abonooni arali obukesi bulirira khubaana baye.

²⁰ Manu nachaaka okhwalabira amadookho ako omwa emirimo kiaye emikhongo kiekholekha, okhubeera khasibekanira. ²¹ Wuuwi khwewe, Korosini, wuuwi ewe Betisaida! okhuba biba mbwe emirimo mikhongo ekiekholekha mwewe, kiekholekha Tiro nende Sidoni, bakhekaniire khale muno muchingubo echia amangunia nende likokhe. ²² Arali mbaboolera mbwe, kaliba maangu khu Tiro nende Sidoni inyanga ya obukhalaki obakhirakho eng'we. ²³ Nawe ewe Kaperenaumu, owakingulwa okhuula mwikulu, ochia okhukalusibwa asi, emagombe; okhuba akamakana, kekholekha mwewe, kekholeekhe mu Sodoma, yakhabere iriwo okhuula inyanga ino. ²⁴ Arali mbaboolera mbwe, kachooba mangu khu sialo sia Sodoma inyanga yobukhalaki okhukhirakho ewe.

²⁵ Ebikha ebio Yeso yakalusia naboola, khwebasia Baaba Omwami welikulu nende sialo okhubera ewe wakisa ebiindu bino khubakesi nende abasomi nobafunulira abaana abadiidi. ²⁶ Kata kario Baaba: khulwesio biabonekhana ebilayi mumoni chiao.

²⁷ Ebiindu bioosi ndaberesebwa nende Baaba; ne abulao omuundu omanyire omwana arali samwana; kata omuundu omanyire samwana omalao omwana nende ulia owa omwana achia omufunulira. ²⁸ Mwiiche mwesi eng'we abanyakhana nende okhusidoyerwa emikuku, nasie ndababeresie esiulukho. ²⁹ Mwefwale ejooki liange nimweka khwesie okhuba esie ndi omwedemberefu, khandi omweocherefu mumwoyo, ni muchia okhunyola esiuulukho mumwoyo kieng'we. ³⁰ Okhuba elijooki liange nelilayi nomukuku kwange nomwangu.