5
KHUTBAH YESUS DE BOKET Ucapon Berkat

1 Tekalo ngoleh urang lobot iye, Yesus noek kepucuk boket, Ngan setelah Nye duduk, murid-murid-Nye njongok ngan- Nye. 2 Ngan Enye membuka mulut-Nye ngan mengajar mike, ujo-Nye,

3 Deberkatilah urang nyo meskin delom roh sebab enye nyo mempunyai Kerajaon Serga.
4 Deberkatilah enye nyo berdukocito sebab enye akan de hibur.
5 Deberkatilah urang nyo lembut hatinye sebab enye nak mewarisi behumi.
6 Deberkatilah enye nyo lapor ngan nyo haus akan kebonoron sebab enye nak de konyongko.
7 Deberkatilah enye nyo debelaskasihan sebab enye nak memperuleh belos kasihan.
8 Deberkatilah enye nyo berseh de delom hati sebab enye akan mengoleh Allah.
9 Deberkatilah enye nyo membewo damai sebab enye akan de sobut anak-anak Allah.
10 Deberkatilah enye nyo de aniayo demi kebonoran sebab enye nyo memiliki Kerajaon Serga.

11 “Deberkatilah kowe munye urang mehimakme ngan meaniayame, ngan mengehatoko segelo macam pembuion jahat terhadopme dengan petenah ulenyo Ake. 12 Bersukacita ngan begembiralah sebab godong upahme de serga ulehnyo upaiyelah enye menganiayo para nabi sebolum kowe.
(Gerom Ngan Tarang Denia)

13 “Kowe adolah gerom denia, cuma munye gerom iye menjedi hambor, dengan ape nye nak de masenko? Enye hopi beguna samo sekali seloin untuk de campok ngan de tijak-tijak oleh mendesio. 14 Kowe adolah tarang denia. Kota nyo tepotek de pucuk boket hopi depot de kerawoko. 15 urang-urang jugo hopi marokkoh lampu ngan memotekkonye de bewo gantang, meloinkoh de pucuk kaki lampu, ngan enye menarangi segelonyo ado de delom rumah. 16 Biarlah tarang me jugo becahayo dengan caro samo enggak konyo enye depot mengoleh perbuaton-perbuatonme nyo beik ngan memuliako Bepakme nyo de serga.”
(Penggonopan hukum Torat ngan kitab para Nabi)

17 “Jengon bepeker bahwa Ake njongok untuk meniadoko hukum torat atau kitab para nabi. Ake njongok bukon untuk meniadokonye melainko untuk menggenapinye. 18 Ake mengehatokonye nyo sebonornyo ngan kowe, sampoi langet ngan behumi berlalu, hopi ado satu iota atau satu coreton pun nyo akan sayau deri Hukum Torat sampoi segelonyo degenapi. 19 Ulenyo iye, siape nyo meniadoko salah sikok deri perentah-perentah tepaleng kecik nie ngan mengajor urang loin untuk melakuko hal nyo samo, enye nak desebot nyo terkecik delom Kerajaon Serga. Cuma, siapo nyo melakuko perentah-perentah iye ngan mengajorkonye nak desebut godong delom Kerajaon Serga. 20 Sabab, ake mengehatoko dengan kowe bahwa kebonoronme hopi lobih beik deri pado kebonoron ahli -ahli Torat ngan urang-urang Farisi, kowe samo sekali hopi nak masuk kedelom Kerajaon Serga.
(Mengenai Urang nyo Marah ulenyo Dolornye)

21 “Kowelah mendongar nyo de kehatoko dengan nenek puyang kite, “jengan membunoh,” ngan siape nyo membunoh pantas de bewo ke pengadelon. 22 cuma munye, Ake mengehatoko dengan kowe bahwa siapepun nyo marah dengan dulurnye pantas berado delom hukuman, ngan siapepun nyo bekehato ngan dulurnye, “Kowe tolol,” pantas berado de hadopon Mahkamah Agamo, ngan siapepun nyo bekehato, “Kowe bodoh,” pantas berado delom neroko api. 23 Ulenyo iye, munye kowe mempersembahko persembahonme de pucuk altar, ngan de sano kowe teringot bahwa dulurme mempunyoi sesuatu terhadop me, 24 tinggalkolah persembahonme iye de depan altar ngan pegilah untuk terlobih dulu de damaiko dengan dulurme, setelah iye kembalilah ngan persembahkolah persembahonme. 25 Secepat mungkin, bedamailah dengan urang nyo menuduhme selagi kowe delom pejelonon bersamo enye enggak konyo jengon penuduhme iye menyerahko kowe kepodo hakim, ngan hakim iye menyerahko kowe kepodo pegawainye, ngan kowe de jeblosko ke delom penjara. 26 Ake ngehatoko nyo sebonornye ngan kowe, kowe hopi akan pernah keluor jak sane sampoi kowe sodah membayar sen nyo teaher.
(Urang nyo Berzinah)

27 “Kowe soda mendongor bahwa de kehatoko, jengon berzinah,” 28 Cuma sebeleknye, Ake mengehotoko ngan kowe bahwa setiap urang nyo nenontong seurang betina ngan nyeyiutkonye, enye sodah berzinah dengan betina iye de delom hatinye. 29 Munye mato kanonme membuatme bedoso, cukeklah matome iye ngan campoklah. Sabab, lobih beik kowe kesayauan saloh sikok anggota badanme deri pado segelo badanme de campok ke delom narako. 30 Ngan, munye tangon kanonme membuatme bedoso, totoklah ngan campoklah tangonme iye ulehnyo lobih beik kowe kesayauan saloh satu anggota badan me deri pado seluruh badon me decampok ke delom narako.
(Aturon Tentang Perceraion)

31 Sodah dekahotoko: Siapenyo menceraiko istrinye harus membori surat cerai kepado istrinyo iye. 32 Cuma sebeleknye, Ake mengehatoko ngan kowe bahwa siapenyo menceraiko istrinye, kecuali karna zinah, iye membuat istrinye berzinah. Ngan, siapo nyo kawin dengan betina nyo lah de ceraiko iye, enye jugo berzina.
(Mengenai Sesumpahon)

33 Sekali lagi, kowe lah mendongor nyo de kehatoko dengan nenek puyang kite, “jengon besumpah pelesu, cuma ponohilah sumpahmu iye dehadopon Tuhan.” 34 Cuma, Ake bekahoto ngan kowe: jengon sekali-kali kowe besumpah, beik demi serga ulenyo serga adolah takhta Allah,

35 Ataupun demi behumi ulenyo behumi adolah tumpuan kaki-Nye, ataupun demi Yerusalem ulenyo iye adolah kota Sang Rajo Godong.

36 Jengon jugo kowe besumpah demi kepalome ulenyo kowe hopi depot membuat sehelai rambutpun, puteh atau hitom. 37 Namun, hendaklah pembuikonme, ao munye ao, hopi munye hopi, ulenyo selobihnyo deri iye berasal deri si jahat.
(Mengenai Pembaloson)

38 “Kowe lah mendongor ape nyo lah dekahotoko, “Mato gintai mato ngan gigi gintai gigi.” 39 Cuma, ake ngehatoko ngan kowe jengon melawonnyo jahat, meloinko siape nyo menamporme de nempat pipi kanon, surungkolah ngan enye pipime nyo loin jugo. 40 Ngan, munye urang nak nuntutme ngan nak ngambik bejume borikolah jugo jubahme ngan enye. 41 Ngan, siape nyo memaksome bejelon 1 mil, bejelonlah ngan enye sejouh 2 mil. 42 Borilah ngan urang nyo memintak ngan kowe ngan jengon menulak urang nyo amat meminjam derime.
(Kasehilah Musuhme)

43 “Kowe la ndongor nyo defirmanko, Kasehilah sesamome, ngan Bencilah musuhme. 44 Cuma, Ake bekehato ngan kowe, kasehilah musuh-musuhme ngan bedoalah bagi urang-urang nyo menganiaya kowe, 45 dengan memunyelah kowe depot menjedi anak-anak Bepakme nyo de serga ulenyo Enye menerbitko matoari-Nye bagi nyo jahat ngan nyo beik, ngan menurunko hujan bagi nyo bonor ngan nyo hopi bonor. 46 Sabab, munye kowe anyo mengasehi urang-urang nyo mengasehime, upah ape nyo kou depotko? Bukonkah pengumpul pajak jugo melakuko hal nyo samo? 47 Ngan, munye kowe membori salam anyo ngan dulur-dulurme, ape lobihnye perbuatonme? Bukonkah urang-urang nyo hopi mengenal Allah jugo berbuat upa iye? 48 Ulenyo iye, kowe harus menjedi sampurno, upa Bepakme nyo de surgo adolah sampurno.”