¹ Irahudi Jyje riwahinyre tahetoki aõmysỹdỹỹdu-ò myỹ tarybe:—Bitỹinyke rỹsỹnadi sau kia hãbu mahãdureny-diwydenyde, kia timybo idi retyyrenykremy, kia bilidikre sau ijò-ò nieru iny sohoji sohoji sauro-ò. ² Kia iseriòrereny tỹmyra sau ijò-ò tahe wabede-ò rỹsỹhỹkỹ bilidikre, kia nieru wana butumy kia tii riòwynyre rỹsỹna-di. Kia ihetoki aõmysỹdỹỹdu ibutumy riwinyre tuu Jyje rarybere mynamy. ³ Kia rudityhyu Jyje seriòre boho ròhònyrenyre ròirenykremy, tajumentoreny wana. ⁴ Kia tii boho hãwã hãwã ribi ròhònyrenyreu, kia irehemy aõkõ, Jyje rarybere taaõmysỹdỹỹdu-ò: —Make wylemy kua hãbu mahãdu heworenymy, kia tamyreny behemynykreu, myỹ marybekre: Aõherekibo kai boho aõnawiwi teòwynytenyte aõnabinabina-di? ⁵ Aõherekibo wadinodu bede-ò rỹsỹhỹkỹ tewòtenyta? Tii heka riuhemyhỹre idi riõkremy bemy, kia idi aõ-ò raurerarukremy. Kai boho heka rubudỹỹ my tekoatenyta. ⁶ Kia iheto-di aõmysỹdỹỹdu tamyreny rehemyreu, kia rarybere tuu Jyje tamy rarybere mynamy, ⁷ tii boho rirawyònyrenyre: —Aõherekibo kai kawesemy mabedeery tarybeteri?-diarỹ boho heka waryyreny ihoõre kia wesena ariwinyrenykemy! ⁸ -diarỹ boho ixybyle nadiwydenyde Kanaã hãwãhãkỹ ribi nieru txi rekoarenyre sau ijò ki,-diarỹ boho sohoji sohoji. Taita aõherekibo tahe adinodu manarỹsỹ, ada mana rỹsỹ-òtaòta ariwasinyrenyke? ⁹ Txibo kai bede-ò txi beakreki inyõki, tii rurukre, kia-diarỹ boho tahe adeòdurenymy aroirekre. ¹⁰ Jyje aõmysỹdỹỹdu rarybere: —Awimy akireny rahãra, kia mobo bedeò-di ratxikrele wadeòdumykre; kia ijõ mahãdureny tahe aõwaxina ròirenykre. ¹¹ Taita tii boho wylemy rỹsỹna sau su-ò riderenyre, kia iny sohoji sohoji tarỹsỹna sau riraynyre. ¹² Jyje aõmysỹdỹỹdu sau sau my riere, kia adela sau ribi riòrarunyre, kia irooreny sauòhòkỹle; kia bedeò ki rahãre Benjami (Benjamim) rỹsỹna sau ijò ki. ¹³ Taita iseriòre boho tatyy ritxuatxuarenyre bederyry my, kia ixybyle taaõnareny Jumentos tyre ritidirenyre, kia cidade hãwã -ò ròòserenyre. ¹⁴ Kia juda kia iseriòre boho Jyje heto-ò ritehemynyrenyreu; kia tii taile ratximyhỹ. Tii boho tatiòhumy ikoki reserenyre, kia taòsỹnyreny su-ò ritidirenyre. ¹⁵ Tai Jyje rỹỹraxire: —Aõherekibo kai boho tuu wadee tewinytenyta? Kai boho aõbo teerytenyõte, kia hãbuõ wawesemy aõmy raurerarumyhỹremy? ¹⁶ Juda rirawyònyre: —Wanyrỹ, aõmybo tahe araryberenykre ada ararawyònyrenykre? Timybo tahe inatyhymy araryherenykre,-diarỹ boho bede reeryrenyõmy roirenyremy? Deuxu heka watxireny reare waòrarureny txi. Kaki watxirenyreri, kia-diarỹ boho ibutumy adeòdumy roire,-diarỹ boho heka kia wadireny bede-ò rewyrenyre roire. ¹⁷ Jyje rarybere: —Aõkõhyyre!-diarỹ tiu kawesena ariwinyõtyhy Kia mobo bedeò-di ratximyhỹrele, kia wadeòdumykre. Kia ijõ mahãdu aõwaxina ròòserenykre ywityhymy tyby heto-ò. Juda rexitònyre Benjami dee tòemy ¹⁸ Taita Juda rehemynyre Jyje tyy-ò, kia rarybere: —Wanyrỹ, txioini boholake adee-òbitityhymy ararybekremy. Uritre waki woxibruõmykre, kia dori kai Iòlò wesena tate. ¹⁹ —Wanarỹkai tỹỹraxite: Kai boho aãbo byreny ijõdire ada aseriòrerenyõ? ²⁰ -diarỹ boho kohe myỹ ararawyònyrenyre: Ijãdirenyre waha, kia ramatuarinyre, kia sohoji waseriòrereny tỹmyra, kia ruare waha ramatuarinyreu. Kia weryry yja seriòre rurure. Ka tahe wiji tii tadi riòre sohojityhy rare, kia irumy ihỹre, kia tyby sõemy tuu rerinanymyhỹre. ²¹ Tai kai wadeereny tarybete weryrybò yja adidydenykremy, kiemy dori tuu bobikremy tarybeteki, ²² -diarỹ boho ararawyònyre tyby tiu iwahidỹỹõna, kiata idiwahinyke, tyby rurukelemy. ²³ Ka kai tahe tarybete wadeereny, txibo tii kanaõkreki, kai awimy biwaijebenyõtyhy. ²⁴ —Kia heto-ò rehemynyrenyreu, kia ibutumy relyyrenyre waharenyko, kai tarybetemy. ²⁵ Irahudita tii-diwateònydenyde adòòsedenykremy ixyby rỹsỹna ariõbranyrenykremy. ²⁶ -diarỹ rerawyònyrenyre: —Aròirenyõkre; kia tiu kua hãbu awimy waitxeserenyõna, kia waseriòrereny tỹmyra waherenymy raõkreki.-diarỹ boho aròirenykre, kia waseriòrereny tỹmyra waherenymy rakexiery. ²⁷ Taita wahareny rarybere: Kai boho teerytenyte kia wahãwyy Rakeli wadee inatxi riwahinyre. ²⁸ Ijõrenyõ riwarimy ratximyhỹre;-diarỹ tiu tuu arobiõtyhy. Kia aõhe wana iròdu debure ritõdetõdonyre. ²⁹ Kia txibo kaa kai boho waribi bitabenykemyreri, kia aõbinahãkỹ rutỹỹtynykeki, kia kai boho birubunybenykre kaa matuari bederyryhyylemy. ^30-31 —Ka tahe wiji, Wanarỹtarybe ritõranyre Juda txibo-diarỹ aroosekreki waheto-ò weryry wana aõkõ, kia aõtama aõkõ waha rierykre, kia rurukre iutyhyle. Kia ibededỹỹnana heka weyrybò bededỹỹnana-di roimyhỹre, kia-diarỹ hoho tuu areserenykre, kia waòrarurenyki bederyrymy wahãreny rurukre, kia ramatuarinymy ratximyhỹre. ³² Kia ixyhy ijõdire:-diarỹ rarybetyhyre waha dee, kia weryrybò-di warukikremy.-diarỹ rarybere myỹ : Txibo-diarỹ adidyõkre wana weryrybò ixyby, kia waòraruki tuu rutỹỹnyra, kia akoki ararekre ibutumy wabededỹỹnana uhe wana. ³³ Iurenana wiji-diarỹ rexitòenyreri adee, kia kaki ararikremy eòdu wesemy irynana tybyki. Kia biwahinykre tii roosekremy taseriòre boho wana. ³⁴ Timybo tahe aroosekre heto-ò, kia weryrybò wahemy raõkreki?-diarỹ heka aõbinahãkỹmy arobiõkemyreri, waha tyre resekemy.