¹ Kia rama inihikỹiny reamy raremyhỹ Kanaã ki. ² xKia Jaò sỹmahãdu, kia iriòre boho sỹmahãdu rirỹsỹrenyreu, kia Egito ribi-diwydenyde, Ijaò rarybere tariòre boho-ò: —Bòòsebenyke Egito-ò; kia ixyby urihimyòmy rỹsỹna riòre inydeereny biõbranybenykre. ³ Ka Juda ta tõhõti reare: —Kua hãbu itỹnymy ririre, kia waseriòre waherenymy raõkreki, tii wadeereny rỹsỹna-di rohonyõkre. ⁴ Txibo kai biwahinykreki tii rakremy, kia-diarỹ boho aròirenykre rỹsỹna õbradỹỹmy adee. ⁵ Txibo kai biwahinyõkreki, aròirenyõkre. Kua hãbu rarybere myỹ: —Diarỹ adeereny rỹsỹna-di arohonykre, txibo kai boho aseriòre tỹmyra bididydenykre xiery. ⁶ Ijaò rarybere: —Aõherekibo kai boho watyre aõbinahỹkỹ teatytenyteri? Aõher€kibo tarybetenyta hãbu-ò kia aseriòrerenyõ ijõdiremy? ⁷ Tii boho rirawyònyrenyre: —Kua hãbu heka sõemy riwatỹỹraxinyrenyre, kia wasỹrenymy tule. Tii rỹỹraxire: Bureny aõbo irulemy ratximyhỹre? Kai boho aõbo ixyby aseriòrereny aõbo ijõdire?-diarỹ boho heka rerawyònyrenyre itỹỹraxidỹỹna. Kia timy tuu rahõtinyrenyõre, kia tii, waseriòre aridyrenykremy? ⁸ Tai Juda rarybere tyby-ò: —Biwahinyke weryrybò-diarỹ idi warukikremy.-diarỹ boho wijityhyle aròirenykre, kia wesemy tahe tiu inyõ irubuõna:-diarỹ boho, kai tule, kia wariòre boho xõmo tule. ⁹ -diarỹ idi warukimy arakre Benjami-di txibo-diarỹ adidyõkre wana, kia kai aõwaxina-òraruna watyre bilidikre. Kia-òrarunamy ararekre akoki, kia ikiemy wabededỹỹnana uhe wana, ¹⁰ Kia araroorehenyõrenyra wana, kia adòòsedenyderi ini inatximy ixyby. ¹¹ Taita tyby rarybere: —Kia iwitxiramy ijõ timy ihoõre, myỹ biwinybenykre: Sau-ò aõnaõna bihynybenykre tamy biwahinybenykremy kua hãhu dee. Kia su ribi aõnaõna wiwihikỹ ròhònymyhỹre biwybenyke: deròna buteõ, bidi buteõ, kia matyni buteõ, Kia aõhe wana urile rexibònyrenyre. ¹² Kia biwybenylekre nieru ixyby iratyremy, kiemy dori kai boho ixybyle biwahinybenykre nieru ki san ijòki tekoatenyte. Kia awhe wana irile rexibònyrenyre. ¹³ Bididyke aseriòrereny, kia wylemy bòike ixyby kua hãbu wana witxi bekoabenykremy. ¹⁴ Kia Deuxu Ibutumy Tanidehehekỹ-di riwinykre, kia tii adireny rexiwobrunykremy, kia riwahinykre aseriòreõ, Benjarmim wana ydòòsedenykremy waheto-ò. Kia waki, txibo wariòre boho riõrenykreki, aõbo tahe-diarỹ ariwinykre? ¹⁵ Kawesemyta Ijaò riòre boho aõnaõna riwahinyrenykremy rimyrenyre, kia nieru ixyby riwyrenyre, kia Egito-ò roirenyre, Benjami ridyrenyre. Kia ritehemynyrenyreu, kia ròirenyre Jyje dee rybemy. ¹⁶ Kia Jyje robireu Benjami my iki boho wana ratxirenyrerimy, kia rarybere taheto-di aõmysỹdỹỹdu à: —Bidybenyke kaa hãbu boho waheto-ò. Kia iròduõ birubunykre, kia ibutumy biywiywinykre, kia dori tii boho wa wana wiji ratxutyebyrenyrenykre, txutyeu. ¹⁷ Kia iheto-di aõmysỹdỹỹdu tuu riwinyre irybe mynamy, kia ridyrenyre Jyje seriòre boho Jyje heto-ò, ¹⁸ Kia tamy ritehemymyrenyreu, tii boho ruberurenyre, kia widee wideereny raryberenyre: —Iny boho ka-ò ridyrenyreri nieru-òraruki, kia juhuu sau ijò ki ixyby riòdònyre hewa. Kia inatyhymy tii boho iny rirubunyrenykre, kia iny ribireny iny jumentoreny-di rahãỹnanyrenykre, kia iny boho riteranyrenykre iòwyõ my rakaõmysỹdỹỹnyrenykremy. ¹⁹ Kawesemyta heto ijò-ò ritehemynyrenyreu, raryberenyre, iheto-di aõmysỹdỹỹdu-ò: ²⁰ —Txiokre ini, Inynyrỹ! Ka-ò nadòidenyde tiubo rỹsỹna ariõbranyrenykremy. ²¹ Kiaremyta, rumy retehemynyrenyre tamy arõrõrenykre bede-ò, kia reraynyrenyre rỹsỹna sau ijò reraynyrenyreki, iny sohoji sohoji tanieru ki rahãre aõ rasiranymy aõkõ. Kia ixybyle nieru rewyrenyreri. ²² Kia ixyby nieru rewyrenylerenyreri, kia rỹsỹna ariõbranyrenykremy.-diarỹ boho reeryrenyõre mobo nieru sauro-ò rihynyremy. ²³ Tai aõmysỹdỹỹdu rirawyònyre: —Kia awimy ywimy atxibenyke, uritre breburenyõmy. Kia aDeuxureny, bu Deuxu aõhe wana nieru sauro-ò ritidire adeereny, kia dori-diarỹ remyre nieru teòwynytenyte. Rỹsỹna-di aõmysỹdỹỹdu-didyde Simeaõ, kia tai ratximyhỹreny-ò. ²⁴ Irahudita ridyrenyre hetowo-ò, kia tamyreny bee riwahinyre tawareny idi rihòrenykremy, kia riwahinyrelere jumentos aõ rirỹsỹkremy. ²⁵ Kia iseriòrereny riywiywinyrenyre aõnaõna riwahinyrenykremy Jyje-ò, kia tii txutyemy kanakreu, kia dori rieryrenyre tai ratxutyebyrenyrenykremy. ²⁶ Kia Jyje taheto-ò rehemynyreu, kia tii boho riwahinyrenyre aõnaõna-diwydenyde, kia ikoki tatiòhumy reserenyre, kia taòsỹny su-ò ritidirenyre. ²⁷ Jyje rỹỹraxire timybo ratximyhỹrenymy, irahudita rarybere: —Kia timybo bureny ratximyhỹre, kua matuari tuu wadee tarybetenyte? Tii aõbo irulemy ihỹre? ²⁸ Tii rirawyònyrenyre: —Adeòdu tỹkỹkõ, wahareny, irulemy ihỹre, kia awilemy ihỹre. ²⁹ Jyje retehere rexiòesemy, kia robireu Benjami my, tyby ribi iseriòre, ise ribi iseriòre, kia rarybere: —Kaa aõbo aseriòrereny weryrybò tỹmyra rare, tuu wadee tarybetenyte? Kia Deuxu tarybewihikỹ tamy riwahinykre, wariòre! ³⁰ Kia robire taseriòre my, Jyje sõemy bede-di rõhõtinyre, kia hihikỹle idi raworawore. Taíta taherinawo-ò rare, tai rahinyre. ³¹ Kia taumy, taòsỹny rihòmy ròhònyre. Kia rarybere: rieryreu —Arỹsỹnareny bihynybenyke. ³² Kia Jyje-ò rỹsỹna riderenyre mesa tyre-ò, kia iseriòre boho-ò tahe iwitxira mesa-ò riderenyre. Kia ihãremy ijõdire mesa egípcios mahãdureny kuaki rỹimyhỹreny-ò, kia heka deuse tyhydỹỹna-òraruki tuu rỹimyhỹreny, kia heka wilaureny ratòemyhỹrenyre Israelitas boho wana butumy riroxirenykelau. ³³ Iseriòre boho roruurenyre takomy Jyje dee. Tii boho irỹsỹnareny rihynyre-òbitimy iwyrareny-di, kia adela ribi riòrarunyre, kia uladu rokoòhòkỹle riònananyre. Kia kamy robirenyreu, tii boho reheterenyre widee wideereny, sõemy bede riòtiinyrenyre. ³⁴ Kia rihynyrenyre rỹsỹ Jyje-ò rihynyre wesele Benjami-ò rihynyrenyre, iruyremy ixihetyre rỹsỹna ijõ mahãdureny ribi. Kia tii boho riõmyhỹreny Jyje wana ihyyta rabedesarenyre.