1
Inatxi wyra rexihure. Txu sohojiu Egito Iòlò rarasiriyre laniaiiiy Nilo bero ijàtiki rỹimyhỹmy.
2
Isitere ribile bero ribi ròhònyre debò inatxi sõemy broreni hãwyy ruxera idedimy, kiata bero weijàtimy asimy riroxirenyre.
3
Kia ityhylemy bero ribi ròhònyrenyre ijõ debò inatxi sõeniy broreni hãwyy ibina ideõdeõmy, kia ròirenyre, komy broreni hãwyy ròhònyrenyre tyyreny-ò, bero weijàtiki.
4
Kia broreni hãwyy ibinabina ideõdeõ rirỹsỹrenyre broreni hãwyy ruxera idedimy ratximyhỹreny. Kia Iòlò rexixare.
5
Kiata ixybyle rarasinyre, kia ijõmy rarasinyre. Ibedeu tahe tii dehò inatxi sõemy niaixõmoni lòmy robire, kia ròhònymy iò sohoji ribile; kia heka awirenyre, kia sõemy iratyreny.
6
Irahudita ròhònyrenyre debò inatxi sõemy maixõmoni lòy imoemoe rubumy, isõisõmy, kia yhy tòtee bederahyludu tuu risỹnyre,
7
kia tii boho tahe maixõnioni lòy wi tỹxi rirỹsỹrenyre. IòIò rexixare: kia sohoji rarasinyremy.
8
Rudiu tii sóeniy rõhõtiyremy ratximyhỹ, iurenana tahe ibutumy rarariòwyre urerarudu mahãdu-ò, kia ibutumy Egitoki bedeery mahãdu rỹimyhỹrenyre-ò. Iòlò tarasimy relyyre, kiata bedeery mahãdurenyõ ibedeeryreny ihoõre riòbitinykemy.
9
Taita bedeò-di aõmysỹdỹỹdu wedu rarybere Iòlò-ò: —Ka tahe rehemynyra iximy ararybekremy,-òbitimy aõkõ rewinyremy.
10
Txu sohojiu kai wamy tadònyte, kia paõ-di aõmysỹdỹỹ wedu wana, kia brejumy arirònyrenykremy tiwawahinytenyte, sodadu wedu hetoki.
11
Ruu-diarỹ boho rarasinyrenyre, kia warasireny aõmy iwitxirawitxiramy rarybere.
12
Kuaki brejunaki hebreu weryrybò wa wanareny ratximyhỹ, kia heka sodadu wedu deòdumy raremyhỹ wahe. Kia relyyrenyre kaa weryrybo-ò warasirenymy, kia tii riòbitinyre aõmybo rarasinyrenyre.
13
Kia ibutumy-òbitimy ròhònyre, kia tuu timybo tii rarybere mynamy.-diarỹ waaõmysỹdỹỹna-ò nadoosede, kia paõ-di aõmysỹdỹỹdu wedu rabytòtaare.
14
Taita Iòlò rarariòwyre Jyje kanakremy, kia wytyhylemy ròirenyre brejuna ribi ritarenykremy. Tii tasuurisi risyre, tatyy riwiurònyre, kiata IòIò-ò rexideòsinyre.
15
Taita Iòlò rarybere: —Diarỹ rarasinyre, kia inyõ riòbitinyõhyyre. Raholare, kai abedeery ijõdiremy rasi teòbitinymyhỹtemy.
16
—Kia waribi aõkõ rỹimyhỹre. —rirawyònyre Jyje. —Kia Deuxu heka adee anarawyònykre awimy adee Iòlò.
17
Tai Iòlò rarybere: —Rarasinyre Nilo bero weijàtiki lamamy raimyhỹ.
18
Isitere ribile bero ribi ròhònyrenyre debò inatxi sõemy broreni hãwyy ruxera ideidemy, kia bero weijàtiki asimy riroximyhỹreny.
19
Irahudita bero ribi ròhònyrenyre ijõ debò inatxi sõemy broreni hãwyy, kia tahe ibinarenyre ideõdeõmy. Kia ibutumy wabededỹỹnanaki tiu-diarỹ Egitoki tuu rabiõre broreni hãwyymy ibinamy iweserenymy.
20
Kia broreni hãwyy binabina ideõdeõ rirỹsỹrenyre broreni hãwyy ruxera demdenihikỹ,
21
kia tahe timy arieryke aõkõre, kia heka ibinahyylemy ratxirenyre komy tureny rabirenyre wesele. Kiata rexixare.
22
Irahudita ijõmy rarasinyre.-diarỹ rabire debò inatxi sõemy maixõmoni lòmy awimy sõemy iratyxõmo, kia ilòy sohoji ribile ròhònymyhỹ.
23
Irahudita ròhònyrenyre debò inatxi sõemy maixõmoni imoemoe rubumy, kia isõisõmy, kia bederahy yhy tòtee risõre wesemy,
24
kia tii boho rirỹsỹrenyre debò inatxi sõemy maixõmoni tỹximy iratyxõmo awiawi.-diarỹ tuu reyyre urerarudu mahãdureny-ò, kiata ijõrenyõ ibedeeryreny ihoõre riòbitinyrenykemy.
25
Taita Jyje rarybere Iòlò-ò: —Inatxi tarasinyta heka ixiyrybutyhyle tarasinyta. Kia iribi Deuxu adee rarybereri tuu tii riwinykremy.
26
—Kia debò inatxi my broreni hãwyy sõe, kia heka debò inatxi wyra rare, kia debò inatxi my maixõmoni lòy wiwi kia heka debò inatxi wyrale rare. Kia inatxi tarasinyta heka wiwesewesele rỹirenyre.
27
Kia debò inatxi sóe broreni hãwyy deõdeõ binabiana, kia bero ribi ròhònyrenyre, kia iruxera sỹtybymy, kia tule debò inatxi sõe my maixõmoni lòy moemoe rubu, kia bederahy yhy tòtee risõre, kia heka debò inatxi wyramy rỹsỹna rasiranykre.
28
Kia inatyhymy timybo-diarỹ rarybere: Deuxu adee riteòsinyre, kia tii tuu riwinykremy.
29
Kia debò inatxi wyramy bede rỹsỹna-di ibutumy Egito bede kì rỹikre.
30
Irahudita debò inatxi wyramy rama reakre.
31
Kia ramasa inihikỹmy reakre, kia inyõ itxi tõhõti reaõhyykre rỹsỹnadi sõemy Egito ki rỹire txi.
32
Kia ixityre tarasinyte heka Deuxu riywinyre tuu riwinykremy, kiata wytyhylemy riwinykre.
33
Kia Jyje tarybe ritõranyre: —Kiaremyta, awimy kai Iòlò, bitakre hãbuõ ibedeeryhykỹõ, kiata bisỹnykre hãwãhãkỹ-di raaõmysỹdỹỹnykremy.
34
IòIò, kia hãbu mahãdu bitalekre, kia ibutumy hãwã hãwãmy reareakremy, alòbrònaraty ibutumy iweeremy ributunykremy, kia debò inatxi wyramy tuu awimy rỹirenykre.
35
Kia wyra wihikỹ bedeu, kia tamy bede rehemynyreri, kaa hãbu mahãdu ributunykre ibutumy maixõmoni ratysõmy, aõhe aõkõ tiwesebo, kiata rỹsỹ-di ijohona hetoki rirarenyrenykre hãwãki, kia ibutumy kai biywiywinykre.
36
Kawesemy tahe rỹsỹna ibutumy rawahiwahikre, kia hãwãhãkỹ idi riroxirenykremy, kia debò inatxi wyramy ramasa-di egito ki bede rỹikreu. Kawesemy tahe iny mahãdureny ramasamy rururenyõkre.