37
Jyje Kia Taseriòre Boho Wana
1
Ijaò Kanaã suki rahãwanymy raremyhỹ, tai tyby rahãwanymy raremyhỹki,
2
—Ka heka Ijaò riòre boho ijyy rare. Kia Jyje 17 wyra bedeu, budoeni-di cabra-di taruki raremyhỹ taseriòre boho wana ibutumy, kia Bila riòre boho, Zilpa riòre boho, ka boho heka tyby wedenareny rare. Kia Jyje relyymyhỹre tyby ko aõnaõna-òbitimy aõbo iseriòre boho riwinymyhỹrenyremy.
3
Ijaò heka ramatuarinyreu Jyje uladumy reare, iurenana heka tii tuu rerinanytyhymyhỹre tariòrereny ribi. Ijaò yhy itxena derarehehekỹ relekremy rarybere Jyje yhy itxenamy.
4
Kia iseriòre boho tyby-di retehemyhỹrenyre Jyje my rerinanytyhymyhỹremy iribireny, iurenana heka tuu radònymyhỹrenyre, kia rybesaõsaõmy tamy rarybemyhỹrenyre.
5
Kia Jyje rarasinyre, kia taseriòre boho ko relyyrenyre. Kia taiki tahe tii boho tuu radònytyhyrenyre,
6
kiemy dori tii myỹ rarybere: Boholabenyke,-diarỹ warasimy akoreny arelyykre.
7
Rarasinyre, iny boho bederoki ratximyhỹrenymy maixõmoni iny boho ritaamy ratximyhỹrenymy. Kia isitere ribile wamaixõmoni rebutunymy retaare lamamy rỹire, kia amaixõmonireny butuna tetaatenyte iweruramy rexiyrawonyrenyre, wamaixõmoni retaarekoki rỹirenyre.
8
Taita iseriòre boho raryberenyre: —Kia aõbo walòlòrenymy aõbo bunykre, kai aõbo hiwawedunyrenykre? Kia ixyby tuu radònytyhyrenyre irasi-òraruki, kia tii tarasimy relyyinyhỹki.
9
Irahudi Jyje ixybyle rarasinyre, kia tarasimy taseriòre boho ko relyylere. Tii myỹ rarybere: —Diarỹ iwitxiraniy rarasinyre. Kia tahe txuu, ahãdu, kia 11 my tainasõe riwayrawonyrenyre.
10
Kia Jyje tarasimy relyyreu tyby ko, taseriòre boho ko kia tyby tamy rarybere: —Kia aõmybo rarybereri kai tarasinyteri? Kia aõbo adi aseriòre boho aõbo, kia-diarỹ boho aõbo watiòhumy aõbo areserenykre akoki?
11
Kia Jyje seriòre boho tamy rexiwobinanymyhỹrenyre, ka tyby tahe rõhõtinyre irasi-di.
Jyje-di ròhònyrenyre kia Egito-ò ridyrenyre
12
Tiu txuu Jyje seriòre boho tyby budoeni, cabras ridyrenyre, kia Siquém tyy ki asi rỹimyhỹre bede-ò.
13
Taita Ijaò rarybere Jyje-ò: —Manake.-diarỹ arateònykre Siquém-ò, tai aseriòre boho budoeni-di, cabra-di tarukimy ratxirenyreriki. —Diarỹ rexihumy rare arakremy —rirawyònyre Jyje.
14
Ijaò rarybere: —Make, kia betehekre txibo aseriòre boho, iròdu iròdu-di awilemy aõbo ratxirenyreri, kiata wadee ijyy-di manakre. Taita Hebrom vale ribi Ijaò tariòre Jyje riteònyre Siquém-ò, kia tii rare. Kia tamy rehemynyreu,
15
—tii bedero-di rariamy rare. Tai hãbuõ tuu robire, kia ritỹỹraxinyre: —Aõbo kai teijeteri?
16
—Diarỹ waseriòre boho reijereri. rirawyònyre Jyje. Tii boho kia bedeõkile ratxirenyreri. Kai aõbo teeryõte tiobo ròirenyramy?
17
Hãbu rirawyònyre: —Tii boho ka ribi ròirenyra.-diarỹ raholare tii boho raryberenyreu Dotã-ò roikremy.
18
—Tii boho Jyje my robirenyre irehe ribi, kia rehemynykre kotyre, kia bede widee riywinyrenyre rirubunyrenykremy.
19
—Tii boho raryberenyre: —Kua rareri rasiduhukỹ!
20
—Bydòike, wiji rikirubunyrenykre. Irahudita irubu-di rykehurenykre be hãluu rubu txi, kia rykaryberenykre iròdu debureõ riròramy. Kawesemy tahe idi ryketeherenykre, aõbo irasiki ròhònykremy.
21
Kia Ruben tuu roholareu, kia taseriòre boho ribi rihedỹỹnykremy, kia rarybere: —Aõkõre iny boho rikirubunyrenyõkre.
22
—Ihãlubu rikitxiwirenyõkre. Kai boho aõwaxina kaa behãhiu txi idi behubenykre, ka bederahyki, kia uritreta iwotõmodỹỹrenyõmykre. Ruben kawesemy rarybere kiemy dori taseriòre rihedỹỹnykremy bede riywinyre, kia tyby-ò riòesedỹỹnykremy.
23
—Kia Jyje rehemynyreu, tai iseriòre boho ratxirenyTeri-ò, kia tii boho iyhy itxena derarehehekỹ iribi risiherenyre, kia idi rexityymymy ratximyhỹ wahe.
24
—Irahudita rimymy idi rehurenyre, behãluu irubumy aõhomy aõkõ roimyhỹtxi.
25
—Kia roruurenyre byremy. Isiteri ribile Carav ana Ismaelita mahãdumy robirenyre, reamy rỹimyhỹrenymy, kia Gileade ribi ròirenyrerimy, kia Egito-òròirenyremy. Kia icameloreny deròna-di sõemy-diwydenyde.
26
—Tai Judá rarybere taseriòre boho-ò: —Aõbo rikitarenykre txibo iny seriòrereny rikirubunyrenykreki?
27
Rikirubunyrenyõkre, urile idi kaa Ismaelitas mahãdureny-ò idi rykohonyrenykre. Kiemy dori tii iny seriòrereny rare, iny hãlubureny. Kia iseriòre boho tai awimy rahãrenyre.
28
—Kia midianitas ijohodu mahãdurenyõ kua-di ròirenyre, kia Jyje seriòre boho behãluu ribi ritarenyre, kiata idi Ismaelitas mahãdureny-ò rohonyrenyre, aõmamy 30-my prata womati nieru. Kia Ismaelita mahãdu Jyje ridyrenyre Egito-ò.
29
Kia Ruben behãluu-ò roosereu, kia Jyje my robiõre behãluuki, kia tatyy ritxuatxuare bederyrymy.
30
—Tii roosere tai iseriòre boho ratximyhỹrenyki, kia rarybere: —Weryrybò kuaki aõho aõkõ rare! Ka tahe wiji aõbo tahe-diarỹ ariwinykre?
31
Taita iseriòre boho budoeni riòreõ rirubunyrenyre, kia ihãlubu-di Jyje yhy itxena derarehehekỹ risòrisònyrenyre.
32
—Irahudita riwyrenyre Jyje yhy itxena derehehekỹ tyby-ò, kia raryberenyre: —Katxile rekoarenyre. Ka aõbo ariòre yhy itxena derahehekỹ aoko aobo rare?
33
Ijaò rieryre, kia rarybere: —Kohe, kaa wariòre yhy itxena derarehehekỹ rare! inatyhylemy iròdu debureõ riyreyrenymy rirore.
34
Taita bederyrymy Ijaò tatyy ritxuatxuare, kia tyysi yxeyxehekỹ-di rexityynyre. Kia tiwese bedemy irehemy (luto)-di raremyhỹ tariòre-òraruki.
35
—Kia ibutumy iriòre boho hãbu, iriòre boho hãwyy idi risỹnyrenyre rinohõti tybònyrenykemy, kia tii tahe nohõti tybòderalemy reamyhỹre, kia rarybere:-diarỹ (luto)-di ararekre wariòre-òraruki. kia iki wana witxi areakre rubu bederenyki. Kia (luto)-di raremyhỹ tariòre Jyje-òraruki.
36
Kia iwana wana, midianitas mahãdu Jyje-di rohonyrenyre Potifar dee, Iòlò deòdureny-ò.