36

1 Kaa heka Esau riòreriòre bohoreny rare, kia Edom iniõle rare. 2 —Esau inatxi hãwyy wana hãwyymy roire, Kanaã hãwãhãkỹ bedeki, kia heka Ada, Elom riòre, heteu wana, kia Oolibana, Ana riòre, Zibeaõ riòreriòre heka rare, hev eu wana. 3 —Esau, Basemate wana rexilidilere, Ismael riòre, Nebaiote seriòre wahe. 4 —Ada heka Elifaz se rare, kia Basemate tahe Reuel se rare, 5 —Kia Oolibama tahe Jéus, JaIã, Corá sereny rare. Ka boho heka Esau riòre roire, kia ruarenyre tii Kanaã suki rahãwanymy raremyhỹu. 6 Ihudita Esau rare iwitxira bede-ò tahãwyy boho wana, tariòre boho wana ibutumy, kia tahetorenyki rỹimyhỹrenyre ibutumy, kawesemy taseriòre Ijaò ribi rexihitxinyre. Esau ixihemy ibutumy tabudoeni, tacabras, kia ibutumy tabroreni, kia ibutumy taaõnaõna Kanaã hãwãhãkỹki ixidee rimyre ridyrenyre. 7 —Esau kua ribi ròhònyre kiemy dori suu tii, Ijaò wana tai rahãwanymy roiremyhỹ, kia iyjatyhyre iny inatxi dee; tii boho dori sõemy ibrorenireny ijõdirenyre, iurenana heka ibutumy ratxirenyke aõkõre. 8 —Kiaremy, Esau rare Edom hãwãlò bede-ò. 9 Kia Esau riòreriòrereny rỹire, Edomitas hỹỹna mahãdureny, kia Edom hãwãlò bedeki rahãwanyrenyre, kia Seir inilere. 10-13 —Ada, Esau hãwyy, rariòrenyre: Temã, Omar, Zefo, Gaetã kia Quenaz. Kia tawedena Timna wana, Elifaz rariòrenyre Amaleque inire. Basemate, Esau hãwyy witxira, kia iriòrereny ijödire Reuel inire; kia Reuel, inaubiòwamy uladu tybymy runyre: Naate, Zera, Sama kia Miza. 14 Esau ihãwyy iwitxira ijõdire, Oolibama inire, kia Ana riòre, Zibeaõ riòreriòre. Kia iriòrereny moma roire Jeús, Jalã kia Corá. 15 Kaa Esau riòreriòrereny rare. Kia Elifaz heka Esau riòre adela rare, kia iriòreriòrereny roire: Temãs, Omar, Zefo, Quenaz, 16 —Corá, Gaetã kia Amaleque. Ka boho heka Ada, Esau hãwyy riòreriòrereny rare. 17 Kia Reuel keka riòrarunyre iny iny mahãdu: Naate, Zera, Sama kia Miza. Ka boho heka Baseinate riòriòrereny rare, Esau hãwyyõ. 18 Esau taháwyy witxira wana Oolibama inire, Ana riòre, kia iriòreriòrereny boho: Jeús, Jalã kia Corá. 19 —Kia heka ibutumy Esau riòreriòrereny roire, kia ibutumy tii boho Seir, horeu riòrereny roire.

Seir Riòreriòrereny
20-21 Kia komy iny mahãdu rahãwanyrenyre Edom suki, kia boho heka Lotã, Sobal, Zibaõ, Aná,-disom, Eser kia-disã riòreriòrereny roire, kia ibutumy tii boho Seir, horeu riòrereny roire. 22 Lotã heka Hori, Homã boho ijoireny tyby rare. Lotã iseriòre hãwyy ijõdire Timna inire. 23 Sobal heka Alv ã, Manaate, Ebal, Sefô kia Onã, hỹỹna mahãdureny tybyreny rare. 24 Zibeaõ, inatximy uladu tybymy runyre: Aías kia Ana. Ka heka Aná betòtee ijaranatxi reare bederahyki, kia tyby jumentos-di tarukimy ratximyhỹu. 25-26 —Aná heka-disom tyby rare, kia Hendã, Esbã, Itrã kia Querã ijoireny tyby roire. Aná, Oolibana hãwyy tybymy rtnylere. 27 Eser, Bilã, Zeav a kia Acã ijoireny tybymy runyre. 28 -disã, Uz kia Arã ijoireny tybymy runyre. 29-30 Ka boho heka horeus riòreriòrereny roire Edom suludureny: Lotã, Sobal, Zibeaõ, Aná,-disom, Eser kia-disã.
Edom Iòlò Mahãdureny
31-39 Kia Iòlò imahãdu ridinodunyrenyre Edom su, kia wihewo wihewolemy. kia Israel ilòlòõmy raremyhỹ bedeu:
Belá, Beoro (Beor) riòre,-dinaba hãwã ludu.
Jobabe, Zera riòre, Bosra ludu.
Husã, Temã bede ludu.
Hadade, Bedade riòre, Avite hãwã ludu. Tii rihure midianitas mahãdu wounaki, Moabe suki.
Samlá, Masreca hãwã ludu.
Saul, Reobote bero Eufratesi ludu.
Bali-Hana, Akbor riòre.
Hadade. Pau hãwã ludu (ihãwyyni Meetabel rare, Matrede riòre, kia MeZaaba riòreriòre).
40-43 Esau ribi Edomita ijoi mahãdu-dirahudenyde: Timna, Al a, Jetete, Oolibama, Ela, Pinom, Quenaz, Tema, Mibsa, Magdiel kia Iraõ. Kia bede bedemy Ka ijoi mahãdu rahãwanymy rỹiramyhỹ, ijoireny sohoji sohojilemy raninirenyre.