¹ Go sidje Yesu go bea, Aa bea la baetani bande, ² “Bolubi mbo Pasika ende gelana go mbisa ye bekolo bele, la mbo bwengaa boto e faama nde mpo djo taa ge go gekulusu.”

³ La galo kanga djilene dji IOngiaongia aga tange bo kaifa. ⁴ La bo aba gota Iyongi osela gelenge ge o bunda yesu la Boitane, laa o loa ge. ⁵ Kasi bo mbo: Motsho ngala mogee ge lisano, Po dje mbo motshongala la geola moete baito.

⁶ Galo ambe yesu go betania, Go mbele dje simona boto ga singa. ⁷ Gogali omoo a sega go ngonga nde, Ebunde bokebe, abo mbe la malasi ba loeti; La, Go mbege mola bia, Aa belage malasi go botahwe. ⁸ Baetani, Goene bo galo, Bo aba oa obe, La bombo: Gei ge ngae o segesa galo? ⁹ Mogelane nde oendja malasi bo la botuya la ofaa falanga djao gongae behoni.

¹⁰ Yesu, go ene ge, A bea laabo: Gei geoenu looso po dje gogali ono? Aa tonga loo lolo gongalei; ¹¹ Po enu bongai la behoni bie bitubu, kasi boti lai bu bitubu. ¹² La obela bwande malasi mo bindo biai etonge mo po dje okundama bwai. ¹³ dje nde bea laino mo loongene, Bisee bitubu biango tedja bo mbote djilo djee, Goete huma tubu, be bea nde amwale o alangana goali ono moelege.

¹⁴ La galo omoo moete liu la baele, Aga tange bo yuda mokeliota eende gongae kanga djilene dji IOngia ongia. ¹⁵ Ge mbo: Gei ge lembenu go fee emi, La emi kofee enu ge? Bo aba futa ge falanga betuu besaso. ¹⁶ Oo ho, Esile nde gee gelo po dje ofaa bo yesu.

¹⁷ Bokolo abo felo abo tokuma tosha getoa, Baetani baa bea la yesu, bo mbo: Goni alemba e mbo tolonganye bia bi pasika?

¹⁸ Aesha mbisa: kei goeta djiula djilene go ngae songolo, la bo bei ndi laande: boekesi ge mbo: gee giai gia gelana; dje tonga nde go gago pasika la baetani bai. ¹⁹ Baetani betonge nde mobee yesu. La be longaye nde Pasika.

²⁰ Gwige mo liolo, Ge aga la bia bo laba liu a baele. ²¹ Gombe bo mola, Ge mbo: Dje nde bea laino loongene, omoo moete aino e ndje ndei.

²² Bembee nde la ngandi, la boto la boto embe nde mo bea laande: Moende mi, Ngene?

²³ A esha mbisa: Aga lee lai bia gesee gemoo, ge na ngo endjei. ²⁴ Bwengaa boto endea, oegelana la mosiginyame po djaande. Kasi ngandi po dje boto aga andje ge! Mogelane nde podje boto gaho mbo atsho botama. ²⁵ Yuda, oga endje ge, Aosa liogi ge mbo: Moendemi, La boni? Yesu a shela ge mbisa: boa bea.

²⁶ gombe bo mola, yesu aosa ikuma; la gombisa dje osembogela, A buna, la ge aga faa la baetani, ge mbo: osei, Moe mongae bindo biai. ²⁷ Ge aga osa ale ikombele; La, Gombisa djosembogela, A faabo, Ge mbo: Mwei enu batubu; ²⁸ Po dje mbo moe mongae liila lyai, liila li li ngela, a lia eesama se po dje baito baidje, po dje ofifola obe. ²⁹ Dje nde bea laino, Ifa mweale tuma twe to miwiti, tee losigo longo mwe alei mbala djasina esu la baino go bokondji.

³⁰ Gombisa dje otsha begele, beende gongola baongo.

³¹ La galo yesu abea laa bo: Djengale nde po djaino batubu, lotigo lo bwina, Ibau djuma se; po mo siginyame: Dje toba ne oga leesa nama, la nama dji litonga be fandoga nde. ³² Indi mbo, Goango sekwei, Djeande felo laino go galilaya.

³³ Petelo, Go sege liogi, Abea laande: Goango ngaa age ibau dji umase po dje boto botubu, bofangale mo po djai.

³⁴ bea lande: Dje nde bea la go mo loongene, lotigo loe loa bwina, Felodje mbo koko ate bolele, boangine ndei mbala esaso.

³⁵ Petelo aesha ge mbisa: Mogelana ambo mbo ingbe laa go gesee gemoa, Ifa angine age. La baetani batubu be beende o gelenge ge moaa.

³⁶ La galo, yesu ee nde laa bo gesee gemoa gia tanga bo Getesemani, la abea la baetani: Ngalei se ane, Ane angalei moa gola po dje osembogela. ³⁷ A osa Petelo la bana bael ba yebedai, la mbende goa ngandi la bomusi. ³⁸ Aa bea labo: Boenda bwai bongale la ngandi tee go logwo; Tialei ane, la ngalei la bokengi ambo emi. ³⁹ Gombisa, go ende ge djea go felo, Aa tulamase, A sembogela gai! Ise ai, mogelana ambo, Ikombele djee djie gola lai! Aogalo, ati moa lembei, kasi moalembage motongame. ⁴⁰ La edjee nde mbisa gongale baetani, A itsha bo befote, la ge aga bea la petelo: Boti ngali la bokengi ngonga emoo ambo emi! ⁴¹ Lifolei baiso la sembogelei, po dje mbo botshogoti moeta dje otufma; boenda bongae bofia kasi bindo bingale bilembu.

⁴² Aa ale gola mbala djele, la asembogela gai: Ise ai, motigelane ambo mbo ikombele djee gola mbo ito mwa bo, bageligia bago batongame!

⁴³ Edjende mbisa, la aitsha ale bo be fote; po baiso babo bembende la ilo. ⁴⁴ Aa tia bo, la Aa gola, a sembogela mbala dje isao, oelela mbisa omo a bee ge felo. ⁴⁵ Gombisa agaa gongaee baetani, Abaea laabo: Fotei sika gi, la ogomei! Letei, Gee gea nfaa bagu, la bwenga boto a endjama mo baago babaito babe. ⁴⁶ Emalei toi; letei, aga endei a iga bagu.

⁴⁷ Galo ambe folo ge mobea, Letaa, yuda, omoa ga liu la baele, Eigende, laa geage bwindje bo baito la tolonde la tobolo, Aba tomame la kanga dilene dji Iongia ongia la baumu babaito: aga kabe ge efee nde bo ilembegidjo: aga ango sosomiei, ge ogo, Bundei! ⁴⁹ Oho, Asugana gngonga e yesu, Gembo: Bwimdja, la boni! la ge agaa sosomia ge.

⁵⁰ Yesu abea laande: Mbogo ai, modje ae goo ala, Ela. La galo baito bo baaa segana, baata yesu baago, la baa bunda ge. ⁵¹ Letaaa, omoo moete abambe la yesu atadjoogo, Aa nenesa ilonde djande; Aafwa bosali bo bokondji bo kanga, la ge agaa tinya ge litoi. ⁵² La galo yesu abea laande: esha ilonde. ⁵³ Boende gelegia mbo iti mota ise ai, agango feee mi ogi gembili ge ba andjelu oeta liu la baele? ⁵⁴ Gani ango gelana ale basigi, aba bee mbo mongala nde gai.

⁵⁵ Mogee geaho, yesu abea la bwidje bo baito: Bwadjei, ambo go mbisa dje gelemba, la tolonde la tobolo, po dje o bundei. dje mbende sigo itubu mosisis djaino, oekesa goete mbele dje Iongiaongia, la boti bundi djei. ⁵⁶ Kasi mwe motubu mwa iga podje mbo masigi ma basaoli magelana. la galo baetani betiende ge, boa baa kima.

⁵⁷ aba bunde yesu baa lande gongale bokondji bo ba kanga kaifa, go songanele ndombe la baumu babaito. ⁵⁸ Petelo aa lingola ge tee go geamba gebokondji bo kanga, Aa gota go, la ge agaa ngala la basali gesee gemoa, po aene gani ango suka mo.

⁵⁹ Bakanga djilene dji Iongia ongia laa bai linginda basilende moene ba la bwela gotie yesu, djikoke po djo loage. ⁶⁰ kasi batshu dje gea ao golo ambe abambe ho la bwidje. Go suka, baele baadje, Ababee mbo. ⁶¹ Ono ebee nde mbo; dje gelane o buka mbele dje Iongia ongia la Opwa ale lo mo bekolo besaso.

⁶² Bokondji bo bakanga djilene dje IOngiaongia ge aga emala, la abea baito laande: boti mo esha mbisa? Gei getubu bee baito betuba ge? ⁶³ Yesu auma gehoi bokondji bo kanga djilene dji Iongia ongia gose de baogi, Abea laande: dje nde tundja la lina li Iongia ongia ga ouha, bo bee laiso soki bongale kilisito, bona ga Iongia ongia.

⁶⁴ Yesu aeshela ge mbisa: Boa so bea gotiemo, djende bea laago, boena nde bwenga a boto ngaa se go djoogo i bolome dji ofia bo Iongia ongia, laa odjaa gotie biogi be lola.

⁶⁵ la galo bokondji bo kanga djilene dji Iongia ongia endende tulu djande, ge mbo: Aa lefola ani ango ngalesu la kamo dje obembe ho? letei, bwa oi galo a lefola ge. Gani a alangane enu? ⁶⁶ Baesha mbisa: “E gelana la lingba.” ⁶⁷ Oomo, baatshwela ge soi go osho, la baa tula ge bakofi la eenya bo mbo, ⁶⁸ Kilisito, saola; bengaesenu ndi atobae.

⁶⁹ Indi ago, Petelo embende golusa mo ngbanda. Bosali bomoa bo gogali boasega se go mbale djande, ge mbo: age ambale, bombende la yesu boto ga Galilai.

⁷⁰ Kasi ge aga angina gofelo dje baito batubu, ge mbo: Iti moluba mosila age go bea.

⁷¹ Galo ambe ge moa go bime, bosai bwasina bo gogali bwa enage aabea la abambe ho; ono embende ambwale mo bolongobo baito bo, po boselengeli bwago bwende taese.

⁷³ gombisa djea, abambe ho go sugane bo, baa bea la Petelo: loongene bongae ambwale mobolongo bo baito bo, po boselengeli bwago bwende tae se.

⁷⁴ la galo anga mo samba la olapa: Iti moluba ogo boto oho koko ota bolele.

⁷⁵ La petelo a alangana liogi ali bee yesu: Felo dje mbo koko ate bolele, bo angine ndei mbala isaso. Gonene ge, A tondoga la geleli.