¹ Lagalo Bokondi bo liolo bongaee gelenge gemoa ambo bana ba bogali obatshia baatonga gea, la obaosee ba tambeyabo, kobea goo songana la balome. ² Tano mwete yabo bembende la igeta, la tano oyei bembende la bweli. ³ oba igeta, gooseboo ba tambe, batshose la baina Babo; ⁴ oba bweli beosende ba tambe yabo, la baina goete getelo. ⁵ Ogithiale Balome babo mbisa, bobatshubu bo baapota.

⁶ Mwete bwina lotigo, baata biima: Letei Bolomee, baaya mpo ye ouyana labo! ⁷ Ogalo bagali ba bweli batshubu baumoga, la balonganya tambee yabo.

⁸ Obatsha bweli baa Bea la Ogangae la bweli: Pei Yesu baina baino mpo yembo tambe yaiso yende limega. ⁹ Obangae la bweli baabea: Toapea mpo yembo totshabo baina mpo yiso la mpo yino; Teei gwangae obaenjalo, la sombei mpo yino. ¹⁰ Gee geelo goo somba, golome ga libala oho aiga, obambe la bweli bo baagota laande gesee gemoa goete mbele ye lipati la boome boaindjama.

¹¹ Gombise gee goeta, bagali baasina bo baaya, la ko bebea: Ngene, Ngene libweleesu. ¹² La geoho aaesambisa gobeambo: yeendebegisienu mo loongene, emi itshi molubenu.

¹³ Ngalei la liangee, mpo yembo botshi molubi bokolo, laa gee.

¹⁴ Mongande ambo boto omoa ogangae moete loendo, etande baito bande baligwa, la ogapa epabo biima biya biyabo. ¹⁵ La geoho aapaa boto omoa talata tano, la gasina yele, la ogabasaso geoho apaage momoa, la bee baasina boto la boto la geoho aaa. ¹⁶ Kola ho ono auye talata tano geoho aaa goendja geoho auya matabisi goliolo ba talata tano. ¹⁷ Gelenge gemoa, la ogauye talata yele geoho aa goendja auya matai goliolo talata yele. ¹⁸ Ono ohoi auye momoa geoho aa goobusia nele aamama bioto biyande monele.

¹⁹ Gombise gee gesa oeta, Mokondi mo baito ba ligwa geoo aaya goenabo. Boto oyauye bioto bi talata tano geoho aasegase, gohaa la bioto biyasina talata tano, la ko ebea: Ngene boesendeimbisa bioto bi talata tano, letaa yauya bitano biasina goliolo.

²¹ Boekesi bwande oho aabeaaande mbo: Mongae golo, olobo loongene la boombo bo ligwa ogangae la oimiliya; bombende la oimiliya moete mbeo yike, yepandae biya biye, moete ooisiama olo gwangae Boekesi bwago.

²² La ogauye bioto bi talata biyele geoho aaseganase gombale yande, la ko bea: Ngene, bopeendei bioto bi talata biyele, letaa yauya goliolo biyele biasina.

²³ “Boekesi bwande ko ebea nde,' mongae golo, age boto ga ligwa la botema bo loongene; age bombende la oimilya goete mbeo yike, yepandeae biya biye, go gota goeta olo bo boekesi.'

²⁴ Botoogauye geoto gemoa ge talata aasegase ambwale, la ko ebea'Ngene yelubendembo bongae boto bo pia, bongae mobuna mogesee ogetshia bologe, la bongae mosela gesee gemoa ogetshia bobelese. ²⁵ Yembende la booha, la yeende goisama gomama bioto biyago bi talata monele, letaa, osaa mwangae mwago.'

²⁶ Boekesi bwande oho aabea andee: Boto ga ligwa ga Botema bobee la olembu, bwende luba mbo yeende buna mo gesee ogeetshia ye loge yes, la yeendesela gesee gemoa ogetshi geami; ²⁷ Mogelanende aago goesia Bioto biami mbisa go gemamelo, la, gwayo yei mbisa yeosa ndee mo gaami laa mwayongaa goliolo. ²⁸ La galo peei mo la boto ogangae la bioto bi talata liu. ²⁹ Mpo yembo bepande la boto ogangae alo, la engaande moete biya biye la gwangae boto ogatshagea, betololande obingae ande bitshubu. ³⁰ La boto ga ligwa ga bwasi, teige galo goete gesee ge liima golusa, gwayongaege mo bileli la ngeletee yotshwa baino.

³¹ Gee geayoyaa bona ga boto goete gesagela, la beanjelu bande batshubu, engaandese mo kiti yande ye bokondi. ³² Baito ba toula totshubu besenganande gopelo yande, gelenge gemoa ambo boekesi bo ogakabola Mpunda yi bogali laa oyi bolome. ³³ La eselande punda go yogo yi bolome, la taba yi bolome go yoogo yi ibuse.

³⁴ La galo Bokondi ebeyande la obangae go yogo yi bolome yande; yooi, enu obapambolamelo a IONGIAONGIA, osei liangee li bokondi obolonganyamelo mpo yino opanga go gepangeli ge huma. ³⁵ Mpo yembo yembende la isige, la enu bopiindi yei biya biola, yembende la kamo ye baye, la enu bo baapei baye bomoa; yembende bogenda, la enu bo baayambei la opei gesee ge opota; ³⁶ Yembende bopona, la enu bobatisindi yei tshulu; yembende mobwale, la boyindi gooletei, yembende go boloko, la boyiindi goenei.'

³⁷ La galo kanga yi IONGIAONGIA bo baaesia mbisa mbo,' Ngene, gee inandji geene twenae moete isige, la es bo baapage biya biola; too gombo ongaa la kamo ye baye, esu bo baapae baye boomwa?' ³⁸ Gee inandji geene twenae bogenda, la esubo baayambae, too oenae bopona esu bo baapage tshulu yobata?' ³⁹ Gee inandji geene twenae la bwale, to go boloko, la esu bo baayaa goo letae?

⁴⁰ La bokondi oho aabea laabo; yeendebegisienu moete loongene, mbala yitshub yitongenu yeembeo yitshubu la boto omoa mwete baoli bambisa ye basego baai, goete yai gwambenu motonga yo mbeo yitshubu.

⁴¹ la galo ko ebea la obambe go yogo yande yi bogali totogelei yei aho enu baito babe, teei goete yiimbe yi IONGIAONGIA oyi longamelo mpo yeba djabulu laa bandjelu bande. ⁴² Mpo yembo yembende la isige, la enu botshipii yei biya biola, yembende la kamo ye baye botshipii yei baye bomoa; ⁴³ yembende bogenda, la botshilubi opei gesee geopota; la yembende bopona la botshipii yei gea geobata; yembende mo bwale la goboloko, la botshiyei gooletei.

⁴⁴ Bobo baaesielagembisa; Ngene, gee inandji geene twenae la isige, to la kamo y'omwa baye, toombo ongaa bogenda, too bopona, too ongaa la bwale, too go boloko, la totshiyee goo letage.

⁴⁵ La geoho abinoela bo ko bea; yende begisienu mo loongene, gee getshubu ogetshia bombi motonga yee mbeo yee gwngaei omoa moete baoli obangae bake, la gwangaai gwambenu motonga galo.

⁴⁶ La bo betotogande la owa, ogalo aayo uyabo getumbo ge looongo la loongo, la obaimiliye liogi li loongene beenande geuhelo ge IONGIAONGIA ge loongo la loongo.