¹ Aho adjee nongo, kanga itubu ilene laa besmekele betubu be baito bangaaisee imoa pwa dje Yesu poembo ba loege. ² Gombisa dje oandage, la bapaage mo baago ba pose pilato, oga ngae guvelenele.

³ Yudasi, oga kabege, aenambo ba kweisage mpe agota goete boloko, akikodja botema, la abinogisa bioto bi Palata betubu beseso gaangae kanga ilene iboi laa besenekele be boi,

⁴ Abeambo, yaa tonga obe, djaa endja liiila li boto ogatiambo etonge obe. ba eselage mbisa" Momo letesu aloo inandi? Momo lete age. ⁵ Yudasi abela bioto gato goete tepelo, geo anena, laaa goo anda lisisi mongingo.

⁶ ba kanga IONGIAONGIA ba moma bio, la babea, “moti gelanambo toesebiombisa goete gemamelo gesatu, poaembo mongae loeti lo liiila.” ⁷ La, gombise oangaa go iyumbe besombende adjo gelanga ge botangi bo peli ambo" basele baili ba begenda.” ⁸ Pwayemo gelanga geaho betende ge liila, tee bwaina.

⁹ Agalo, mbeo ai beame pelo abasakoli yilimiya ya Gelana, “Baosa kosi betuku beseso be bakuta, luuma lo boto ogagelegiebo mbo bemo gelegia go mbale ye bana ba isalaele, ¹⁰ La bepende bo poye gelanga ge ogatula peli, Galo ape Ngene epei ndole”

¹¹ Yesu samba go pelo Guvelenele, la Guvelenele atunda ge,” abee baogi; “Bongae bokondji bo bayuda?” Yesu aeselega mbisa; “Bwabea mo.”

¹² Kasi atibee gea gotiee mwatube kanga ilene betuba ge la besenekele.

¹³ Momo pilato abea ande, “Botu mo owa mbeo yanga ya tubama ago?” ¹⁴ La Yesu atipee ge geyano gotie liogi laa limoa, Ba Guvelenele baiye bekamwe a gelenge geoho.

¹⁵ Go Lipati litubu, Guvernere embende abokoko bwabo bo nyenya bobinami bo moa goete boloko. ogango lengela Baito. ¹⁶ Mombende abobundami bomoa ambe Alina Balaba.

¹⁷ Galo ambebo isee imoa, Pilato abea abo,' Indi aembenu mbo totegese go boloko? Balabasi, too Yesu agatangabo kilisito?” ¹⁸ Po embo belube nde mbo mombende a kamo djabo nda abame Yesu.

¹⁹ Ageleko ogengaegese go gesambiseli, Bogali gande ebende ande,” ingo gota goete loo lo ogo boto ga sembo. Poembo bwaina djaena looso lue goete liloo pwa yande.”

²⁰ Kanga ilene la besenekele be kamwende abaito oba lengele mbo baloe Yesu kasi bate Balabasi. ²¹ Guvelenele aosa liogi, abea abo “ndi mwete djino baele aembambo itegese?” baeselega mbisa, “Balabasi.”

²² pilato abea abo, “Gii ge kokei otonga a Yesu, ogangae bo mota kilisito? Bobatubu baesa mbisa?” Baloe ge.” ²³ Guvelenele abea, “Kasi obe inandi bwatonga ge? la babea a ohia,” Abatshame mo gekulusu.”

²⁴ Pilate, aena mbo ati udje gea, kasi olomoto longoe mogologa, aa osa badje a sogola baago go pelo ye baito batubu, la abea; Emi iti la loo gotie liila li ono boto bolo. Momolete nu.”

²⁵ la baito batubu baesambisa, “Liiila liande libelegese gotie yiso la gotie bana baiso.” ²⁶ Momo pilato ata balabasi se, La atobisa Yesu, boabapage po babatshege go gekulusu.

²⁷ Ba soda ba Guvernere batola Yesu gombele ye Guvernere, bosela gae Baito baiye gopelo djande. ²⁸ Ba nye nyama tulu djande, la baba batesage bookoto bo djele. ²⁹ Ba tshwelage ngundu ye bekeke, ba gotshage logo botshwe bwande, la babunde sage Lianga mo djoogo djande ibolome; go mbisa, bapoa ba laise go pelo djande, bende seage, obea mbo: Bwimilia, Bokondi bo Bayuda! ³⁰ Bebelendege soi, baosa baangaa ba panga otobage go botshwe. ³¹ Gombise ose sea ge, bo nyenya ge koti, baba tisa ge tulu djande, la baa ande goo batsha ge gogekulusu.

³² Gaenege, auyana la golome omoa ye Cyrene, linaliande Simona, batomage la looso atolee lieka li Yesu. ³³ Baiga gesika getanga bo Gologota, alimbola mbo Fongo, ³⁴ Bafage amwa Basanga batelabo bosandu, kasi, giégo aota, atilembe ale amwa Basanga. ³⁵ Gombisa y'otage go Lieka, ba ganyana tulu yande, l'otoba ló mbese, go mbisa mbo balube mwabeàmemo a Kanga é MUngu: benganyana nde tulu yai, la otobelamo mbese ye kandjo yai. ³⁶ Bombisa bà ngalase, Indi be mokengela. ³⁷ Mpwoyo lubesa litina ye bobundami bwande, ba Sina gotie botwé bwande: óno engaénde Yesu, Bokodji boba Yuda. ³⁸ Ba bándi baéle beteàmende lage mo ikoko Iligeá, omoà go gobo yi Bolome, la óhoi go yogo yi Bogali. ³⁹ Abaéta mo Ndole mobona bo, Indi bénde Fugunya bo botwé, ⁴⁰ Bemoselenga: age agasege mbele hi Mungu, la oswa la bekolo Biseso, ûgisa mpwo bindo Bwago, imbai mbo bongale bona ga MUngu, Iyogia, sulunga mo lieka.

⁴¹ La bakanga yi Mungu, la bakomeli ba gológoló, bembénde ámbale moseá ge, la óselenga: ⁴² Eûgesende baito basina, àpa ûgise bindo biande gelangene! imbai mbo engale Bokodji bo Isalaele, asuluge go ikoko Iligeá, esu ko imidja ge. ⁴³ Embende ga Mungu; Sika gai Mungu ápa ûhesege sikagï, imbai mbo élembe ge. ébende mbo yengale Bona ga Iyogia yogia. ⁴⁴ La baïto bà bwiba, batama lande mo ikoko mo Iligeá, bémbende ugia ge gélénge ge moà la bwiba.

⁴⁵ Obanda mo gée ge Liambe tée ye Libwa, Lima ligotende mo nélé bo tubu. ⁴⁶ Gongonga ye gée ge Libwa, Yesu abéla biende ofia: Eli, Eli, Labasabachthani? Tina mboó: Mungu yai, Mungu yai, mpwoye gi bwaátiei gai? ⁴⁷ Ndambo ye baito abambe äho, baowa ball àbège, abeá: áta Eli. ⁴⁸ Omoa moete yabo aha mago go osa matela, litege goete mbase, la, átaánya mo isandu, afage amweé.

⁴⁹ Kasi abaï babeá: sidjà, toleteé imbai mbo Eli eyande go ûhesege. ⁵⁰ Yesu ahamoga àle ofià, la gombisa kata botoma. ⁵¹ Letaá, tulu ayeindje mbele ye Mungu moà ndega yélé, obanda go liólo teé go seé, nélé mwa bilima, bábánga ba ndega, ⁵² Baili ba lifoga, buwe bo bindo ba baîto bwelu Obasige lóo ba ûmoga. ⁵³ Go mbisa ye onéna go baili, go mbisa ye Yesu otaá lioló, agota go Boi bwelu, la aenegela goete gae baîto bwiye.

⁵⁴ Singili la abambe lande mpwoye okengela Yesu, baena nélé omota la abago ndja, bangala gage boá oteû, la babeá: mogaé longene, ónó botó embende Bona ga Iyogia yogia.

⁵⁵ Ago Mombénde la Bogali bwiye abambe moleta go gola, abadje la Yesu tée go Galilaya, mpwoy 'osalela ge. ⁵⁶ Goete yabo Mombénde Malia ga Magandala, la Malia, Inago ye Yakobo la Yosefu, la Inago ye Bana ba Yebede.

⁵⁷ Lioló mwa koka, Bolome omoà boungi ye Alimate aiga, linaliande Yosefu, embende ambale Boetani bo Yesu. ⁵⁸ Aha gongale Pilato, auge Ndole mbo bafe ge. ⁵⁹ Yosefu aòsa bindo, aindja la bolikani ye bwelu, ⁶⁰ Asela mo goete Kunda ye Sika, aélebo goete bábánga. go mbisa áta Itale iléné mogegotelo ye Kunda, go mbisa. ⁶¹ Malia Magandala la óhoi Malia bémbende äho, bengalendese oletana la Kunda.

⁶² Gombisa ye bokolo, abombebo molonganya bakombo, ba Kanga ye Mungu bateu la baFalisai baà bobatshubu go gangale Pilato, ⁶³ La abeá: Ngene, toákanisa ogiambe ohó botó ga bwela moselenga, goámbe ge bóme: gombisa békolo besaso ye umogande. (ataá lioló). ⁶⁴ Faá ndole mbo elóo Kunda mokengelame teé gombisa ye békolo besaso, mpwombo Bayetani bande bapa ndjeé goyo Iba bindo, la babéisa baîto galo: mbo aumoga goete aba Sigelo. ohó botó ga bwela mwetande ogiambege felo.

⁶⁵ Pilato abeá labo: bongale la singili; keéi, leteige ogiángo lembenu. ⁶⁶ Baá, la basingilia Kunda la singili gombisa y'oindja Kunda la Itale.