¹ mpwo Bokodji bo Liolo mongale ogianga Bolaisi ye Mbele àga toòga te lanongo, mpwoye oósa baîto babosala mpwoye Vinya yande. ² Agelana laábo la gelimba émo kila bokolo, átomabo go vinya yande. ³ Atoóga lageé ge bisaso, laá aéna basina abambe go gesée yaó batiele gea ata gemoà. ⁴ Abea labo; keéi ambale go Vinya yai, la yeféndenu mwango kanisenu ⁵ La baà. anénale mbalayasina la geé ge Liambè la gongeé ge Liboa, l'aela ogalo. ⁶ Agó atwóga go geé ge Liûla emoà, aitshale basina abambe geseé yao, abeya labo; gü gengalenu moéla àne losigo mobimba ngoélata gea gèmoá?

⁷ Bafage geyano; mpwo botó ata gemoà ati ósesu. kéei go Vinya, abeá labo.

⁸ Ogaige lioló, bo Balaisi ye Vinya abeá la boto óga letá bia bi mbelé; ta Baîto ba Bosala, laófuta bo, opanga laboto ogambisa otiotiá óga felo. ⁹ Oga mbe go geè ge Liûla gemoà geakoka, bótó la bótó àodjà Gelimba gemoà. ¹⁰ Aga felo àodjà go mbisa, atanga mbo eugia nde buwe; ndjokande baugia gelimba ge moà la boto oga mbisa. ¹¹ Aosabo, baimimia gotie Bolaisi ye mbele,

¹² babea; bo bambisa betongende gée gemoà baugia mo bwasi, kasi bagelagna esu batshubu gélénge gemoa, esu obaànde botema la bolembu la Gelungu ye bokolo.

¹³ Afa geyano la omoa gabo; tomba yai, iti mokwesaé, totiwe laino mpwoye Gelimba gie oga mbisa? ¹⁴ Osa mo gago, keà. yaso feà aoba mbisa gelenge gemoà aenu.

¹⁵ Moti peàmelei oéla loó yai mwalembei emiangene? moti moena goete baiso bwago mbo mongaye bobe? ¹⁶ Ago abambisa baiga ánde aba felo, aba felo beigande ba mbisa.

¹⁷ Geé agembe Yesu molila go Yelusaleme, aosa Baetani Liûla yele, la abea labo mo Ndole; ¹⁸ Letai, tonde lila go Yelusalame'ago bana ga boto efamande la Beumi batea la Bakomeli. be kwesandege go lingwa, ¹⁹ La befandege la bapangano, mpwo mbo beena ndege bwasi, la otobage la biambo, la otage moliala; gombise bekolo besaso étande lioló.

²⁰ Gombisa Inango ga Bana ye Zebede aya gongaé Yesu la bana bande, ba inamelage, mpwoyo ambage. ²¹ Abea labo; gigelèmbenu? bea, abeá, Bana bai baele babolome, letá bobeè galeise, go Bokondi bwago, omoà go iyógo yago ye lome yasina go iyógo ye bogali.

²² afa geyano; bonde luba mwalégelenu. bokoke omwa mokopo ayango mwelei? bokokindi, babeà galo.

²³ Afa bogeyano; mongale longene mbo bomwele mokopo yai; kasi malite ongalase goyogo yai ye bolome la goyogo ye bogali, mómóti moletei, mofamande la abatiele Ise gai.

²⁴ Liû, baowa obeá galo, bagala la ligégé gotie bo baéle. ²⁵ Yesu atabo; la abeà; bo lubimbo Bokodi bo babota ékambande la gélénge yembe, mbo la begoló belélandege bosala. ²⁶ Bafangaleále gelenge gémoá goete áïno, oga ngalée Bosali bwai. ²⁷ La agagolemba ongala boto gafelo goete aïno, angale botumbu bwaino. ²⁸ Mómó adje Bona ga botó, ati mpwombo ba élélege, kasi oéléla ouha bwande mpwoye Baîto bwiwe.

²⁹ Atótóge go Yeliko, liémba li baito ba ligola Yesu. ³⁰ Leta, baito baélé abati moénase, be ngalése go ngogée Ndole, bende gumba Yesu adje oèta, ba bela biénde; oélélesu ngandi, Ngene, Bona ga Tawidi! ³¹ Liémba ba binogéla gée, mpwoye ongaisa bo gehoïb, áogalo babéla biénde; oélésu ngandi, Ngene, Bona ga Dawidi!

³² Yesu aémala, atabo, la obeà; gigelembenu mbo ilelenu? ³³ Babea lande, “ngene, siyambo baiso baiso molifoge.” ³⁴ Aoelabo ngandi, Yesu atabago mobaiso babo, la ohago bauya ouha, la balingolage.