¹ Gee giige bo bagu la Yelusaleme, la Bobo baiga go Betefage go ngolo ye Bilaya, Yesu oho aatoma Baetani Baele, ² Ko ebegisa bo: Teei go Boi obongae gopelo yino; Boitshindi Punda eandane mobolii, Laa Bona gande; libolei ge mo booli yelei laandee. ³ Mongaambo Boto etshunjenu loo, Begisieige gombo: Ngene engae la kamo yande. la ogiogi geoho aatoma Baee ande.

⁴ Injembo mwingende galo mpo yembo Liogi olibeamelo likokisamee la Ngene. ⁵ Begisiei Bona Ogali ga SIONA: Leta, Bokondi bwago, endeya gwangae age, ogayale la gehoi, la owaga gotshee Punda, lagotshee Bona ga Punda ga Ogali.

⁶ Baetani bo baa, la baatonga moabegisie Yesu ebea ago. ⁷ Bobo baayaa la Punda ye Ogali laa Bona ga Punda, Laa baata tshulu mpo yabo gombo bangaele go Liolo li tshulu. ⁸ Gagee Liemba li Baito bo baatandela bo Tshulu mo Ndole la Baasina otshiana beti be Tokoko la Bobo baatanda moo mondole. ⁹ Obaendele go Pelo yande la Baasina obambe molingola Yesu behamogende: osanu gwangae Bona ga Dawiti! Lokuku longaee gwangae ogaayoya la Lina li Ngene! osanu goete bisee bi goliolo!

¹⁰ Gee gegote bo goete Yelusaleme Iyula yitshubu yooyangaa la lomoto, la baa beambo ono endendi?

¹¹ La Liemba bo baabea: Ono ende Yesu Ogangae Ngene ye Nasalete go galilai

¹² Yesu oho aagota goete gehumbelo ge Mungu. Geoho aabitsha Baito batshubu obambe moenja bia la go somba bia goete gehumbelo; geoho aabeela meesa see oyimbebo motongela okokolia bioto, la gesee geoenjela ba Noli, ¹³ La geoho abegisiabo: Mosiginyamegi: Mbele yai etamande Mbele ye Lisomboli la Enu, boaseli mo lihia li Baito ba bwiba.

¹⁴ Obatshia Beenasee la bitshumbe bo baaseganase gongonge yande go gehumbelo, la geoho auhisiabo.

¹⁵ La Bekondi be Bekumi Belene la ba sikilibe bangaa la ligegee, goete mbeo yilo oyitonge ge, la Bana abahamogelo goete gehumbelo, Osana gwangae Bona ga Dawiti!

¹⁶ Bobo baabea andee: Gwaowa mwabeabo ago? EE, ogi abee Yesu ebea laabo. botshibali losigo laa lomoa bee baogi: bouyendee basomboli be mobonywa bo Bana ba Bogali oba lomisialo?

¹⁷ La geoho aatshiabo, ko enena goete Iyula yaaho geoho aalingola go Betania, gwaege goolalasee lotigo.

¹⁸ La Nongo, gwaege mbisa goete Iyula, Isige yo yaabundage. ¹⁹ Geoho aena ikoko yimoa mondole; la aasegase gombale; la geoho aaitsha gage Kasi, la koebea laande: Yuma laayimoa yitoobota goete yago! la ko ikoko yoyaagasa.

²⁰ Baetani, gwenebo galo, Bobo baakamwa, la mo bebea: gelenge inanji ikokoyee yaagasa mo gee geke?

²¹ Yesu oho aabea abo: yeende begisienu mo loongene, mongaambo bambindi la oimiliya la lootshomba peegee, bopatongeli mwakoke gotongama goete yee ikoko, la gee geayobeenu la ene ngolo: totogaa who la teaa yoobkase goete loye lolene, la mo motongamee galo.

²³ Yesu go gehumbelo, lagombegemo edja, kanga djilene d'Iongia ongia la baumu ba baito be djeende ge bea laande: La bokondji bondi boelage dje mbeo, la nde afee age bokondji bwa ho?

²⁴ Yesu a eshela bo mbisa: djee nde tundja mbwalenu bo tundja; Bo esheli ambo djei mbisa, dje begese ndenu la bokondi bondi botongeli dje mbeo dje. ²⁵ olufiama bo yoani, Goni adjee bo? Go lola to go baito? kasi bo aba geligia mosise djabo; to esha mbo mbisa: Go lola, ebea nde laiso: Po dje ati ndiimenu ge? ²⁶ To eshambo mbisa mbo: Go baito, Toende banga dja bot, po boto botubu endesa yoani ambo basaoli. ²⁷ la galo bo aba eshela yesu mbisa: Toti moluba ge aga bea ambele laabo: Laa emi ambale, Ifa begeshhe enu la bokondi botongei mbeo djee.

²⁸ Gani a gelengienu, Boto omoa embende la bana ba bolome baele, abea oga felo, Ge mbo: bona gai, tea kasale la bwina go gelanga giai.

²⁹ Aesha mbisa: Ifa lembe. Gombisa, A kokodja liofi, Ge aga.

³⁰ Gobee ge la agoi, aba ogelenge gemoa. La bon ogo asha mbisa: dje lembe lolo, Ngene. Kasi ati e. ³¹ Indi goete abo baele diatonge molembaise? ba eshela gembisa mbo: aga felo. Yesu abea laabo: Dje nde bea laino mo soolo, obafutesa pako laa ba loteli begotande go bokondji bo Iongiaongia felo laino. ³² Po dje mbo yoani edjende gongaelenu mondole dje loongene, Boti ndjimei nde ge: Enu, o baene mo, boti kokkodjei maofi po dje oimidjela ge.

³³ Oamidjei liila liasina. Mombende la golome omoa, ngnea mbele, Elogende miwiti. Ata lo goete lopango, abusha mble, laa apwa mbele se; Aaatiela baito bande ba mosala, ge agaa se dja sina. ³⁴ Gwige mo gee geo tshwa tum, aesha basali bande gongae baito bande ba bosala, po djoosa monene go gelanga ge miwiti. ³⁵ Basaliba gelanga, babunda basal bande, Baa koka, omoa, baaloa odjo moi, la oula oga baseso totale. ³⁶ Aesha ale basali basina, badje oeta oba felo; Basali ba gelanga baela bo ogelenge gemoo. ³⁷ Golio, aehela bo bona gaande, ge mbo: Bengalande la botosi gotie bona gai.

³⁸ Kasi, Goene basali ba gelanga bona, baa beana goete abo: Letei mokombose; djoi, Toloige, la galo totiale la lifeta liande. ³⁹ Bo ababunda ge, Batage gato golusa lo gelanga, la baa loa ge. ⁴⁰ Ogiogi, go angodjangene a gelanga ge miwiti, gei gea ngo elage a basali bo ba gelanga.

⁴¹ Ba eshela gembisa: Eloande bo, ge ko faa gelanga gemiwiti la basali basina ba gelanga, obango faa ge tumaa geege otshwa.

⁴² Yesu abeya laa bo: Boti motangi mo basigi, Litale a litaame gato laaba fwa mbele liangala go botshwe b mbele: mo modje gongae ngene, la mongae tosemo mo baiso baiso.

⁴³ Momo, dje nde begesenu, bokondji bo IOngiaongia boende otogelenu, la mofama nde la lisago liasina a liango nenesa tuma. ⁴⁴ Agaa ngo kbase gotie lio litale e bendegande, la litale lio lie kbela gaho ebendegande.

⁴⁵ Gombisa djoa baila bande, kanga djilene dji Iongiaongia laa bafalisai baa sosolambo yesu embende mobea laabo. La bo sila go bunda e; kasi bebangndedjaboto, po djaboto beosende ge bosale.