¹ Gasilise Yesu goffà lisukulu, tòtòga go Galilaya, go bai ye Yudeya, go liolo Yaladene. ² Geà ge baito ba lingolagè, la aûgicha la Bwale.

³ Bafalisai ba bóndelá gé, ba beá, mpwoye ótagé; mo faèmende ndole la Balome abitsha Bogali gande mpwè litina limoà?

⁴ Afa géyano; boti mbale mbo Iyongiayongia, go gébandeli, élénde Bolome la Bogali. ⁵ La àbeà; mómó Bolome étiànde Ise ànde la Inango ànde, ge kondana la Bogali gande, bo baéle bengande bindo bimóá? ⁶ Agó batshale baéle, kasi bangala bindo bimóá. Boto la ómoá àpà kokè ôngagna mwatogé Mungu.

⁷ mòngito, àbeàle, Mose ékomende mbo bokoke go faà Bogali bokanda ye òloà libala la óbitsha ge?

⁸ Abeyela bo; pwéye tina ye Botema bwaino oiá Mòmo afeé Mose efenu ndole ye obitsha Bagali baino, go gebandeli, motimbe galo. ⁹ Aó galo yemobea laino agango bitsha Bogali gande, nde àtièle gekabo, mpe kosonga gasina, bo aèla gekobo.

¹⁰ Baetani bande babeà lande; mòngaé mbo gongaé bobeko ye Bolome galo mpwe Bogali, motsha tina y'osonga.

¹¹ Abèyela bo; boto botwubu afa sósóle lio liogilio, kasi pwe galo ohó la bepàndege ¹² Mpwo mbo mongale la Beumi teà goetenda ye bainango babo; basina bèyende mondole ye Baito; la basina befende mpwo yabo laéne, mpwoye Bokondji ye Liolo. ohó àgangoluba alubeè.

¹³ Ago bayelage Bana, mbo àtèla bo baâgo la àbondela mpwo yabo. kasi Bayetani baétecha bo gombisa. ¹⁴ Ago Yesu abeá; sidjéi Bana beke, la bwango feindja bo bandja gongalei, mpwo Bokodji bo liolo mongale mpwo obangale lokola bo. ¹⁵ Atela bo baógo, la geé atótógago.

¹⁶ Leta, Golome omoà àya, abeá la Yesu; Bolaisi, iyéle gani mpwo yeugé oûhaye longo?

¹⁷ Geé gabeà; mpwoyegi otudjei moloò ôló? oómoá nde engale ôló. boléemba ogota goge üma tosaà bebéko. inandi? àbeà.

¹⁸ Yesu afa geyano; ingo beà loò; ingo éla gekobo; bwango ïba; ingo beà bwela; fa Ise gago la Inago gago lokumo; ¹⁹ La; olemba linga yago ogiálembeé bindo biàngo.

²⁰ Bona golome àbeà lande; yasóela yo mbéo itwubu; mwatiàlale gi?

²¹ Yesu àbeà lande; bolemba go ngala Bwelu, keà, ugia mongale mwago, faá la babola, la bougià nde libonza bwango go lola. go mbisa yaô, la lingolei. ²² Gombisa yeoà bo baogi gio, bona golome àbisa la ngandi; mpwombo émbende la bimabià bué.

²³ Yesu abeá la Bayetani bande; ya beá laino molongene, bougi egotande la ofia go bokodji bo liolo. ²⁴ Ya beale laino, mongale olembu mpwoye Kamela oèta mo lifóló li Sindani mbo bougi ogota go bokodji bo Mungu.

²⁵ Baetani, baoà galo, bo batolima, ba bea; ndiàgo uha?

²⁶ Yesu aleta bo, abeá labo; mpwoye baîto mogaé lósó, kasi mpwoye Mungu mobotubu moti lalosó.

²⁷ Petelo, aosa baogi, abeálande; letá, toatià bitubu, toá ligolaé; mongandé gani mpwo yaiso?

²⁸ Yesu abinogela bo; yende bea laino longene, geè ge bona go botó, go gebandeli ye mbéo bitubu, engala ndese gotie gengaelo giande ge kembo, enu abaligolei, bongalande ambalese gotie bingaelo liûla baele, la bosabisande baele ye Isalaele. ²⁹ Agongota gotià, mpwoye lina liai; Baelo bande ye Bolome, to Baelo bande ba Bogali, to Ise ande, to Inago yande, to Mbele yande, éûyande óûhaye longo.

³⁰ Bué aba felo begande aba mbisa, la bué abambisa bengalande aba felo.