¹ Age gio, Elode boto gate, Boyangeli abea la basali bande: Mongae yoani mobatisi! ² Aa sekwa go goeta ebeligo, momo angale tosemo to toatongama moete ande.

³ Po djembo Elode, agate yoani go boloko eteende ge ndi a otage go boloko, po dje Elodiasi, bogali ga pilipo; bogolo la boli bwande. ⁴ Po yoani ebeende lande: boti la ndingisa djoosa ge bogali gaago. ⁵ Embende la kamo djo loage, kasi ebangende geage baito, po baito beenende Yoani ambo engae mosaoli.

⁶ Indi mb, Atonge bo lisano li obotama bo Elode, bosea ga Elodia oga bina mosisi dje abaai, laa Elode oga oa olo. ⁷ Oiga go gelenge geofaa gesemba ge ofaa ge moango lemba ge. ⁸ La simbisi dje inango ande, Ge mbo: feemi ane, Gotie lungu, Botshwe bo yaoni bolupesi. ⁹ Bokondji oende ngandi; kasi, po dje gesemba giande laa abambe, Aa faa bobeko mbo bafee ge botwe bo yoani. ¹⁰ La agaa esha baito goo tinya yoani ngingo goeta dje boloko. ¹¹ Botshwe bwande bedjeende lalo gotie lungu, Ba aba faaa la bona ga ogali, ge agaaa lalo gongae inango ande. ¹² La baetani ba yoani bedjende goaosa bindo biande, la baa goo kunda. Bo abaa go begesa yesu. ¹³ Goege mboli djao, yesu aga otoga ho goete bwato, po dje oisama go ngonga, mo gesee gemoa giangene, La geage baito go lube bo baanena go toula tolene baalingola ge la baobo. ¹⁴ Gonene ge go bwato, Aena geage bwidje bo baito, la ge aga oela bo ngandi, laaa auheha baito ba biale.

¹⁵ Gwige mo la liolo, baetani aba sega go ngongaande, bambo: Gie gesee gengae la bohoa, laa gee geaeta; Esaha baito mbisa, baemo toula, po dje osomba bia biola.

¹⁶ Yesu aga eshela bo mbisa: bati la kamo djoa mbisa: Enu fei bo bia biola.

¹⁷ Kasi ba eshela mbisa: Tongale ane ola tokuma totano a swe djele.

¹⁸ Ge mbo: Djoi la lo. ¹⁹ angaesa dja boto gotie bingi, Aosa tokuma toaho totanu laa se djele, Aesha baiso liolo go lola, Aa sembogela. Bo aba ganyela dja baito. ²⁰ Bobatubu beleee nde pe beuguto nde, La bo aba kongola bikolo liu la dje abidjale la bisege a bitiale bio. ²¹ aba lelo Bembende pene dje baito koto, Ngobala la bogali la bana.

²² Gombisa djea, Aa bea la baetani mbo baage goeta dje bwato baete goshe aloi felo djaande, Indi ge ende sambolana la dja boto. ²³ Go siese ge osambolana laabo, Geaga agagotie ngomba, Po dje osembogela go ngonga; la galo adje liolo, Embende ge laene, ogema la getombo; po dje mbo litiele liedje nde ligea. ²⁵ La nongo nongo, yesu agaa lingola bo, Ende endago liolo li badje. ²⁶ Goene baetani bena ge oenda gotie lodje loteu, bo aba egega, laa bo mbo: boonoli bwe! Goete booha bwabo, bo aba ta bima. ²⁷ yesu aga bea laabo oho: imidjei Emi ogo; ndo bangi!

²⁸ Petelo a eshela ge mbisa: Ngene, Mongala age, bea mbo idje gongale age go liolo li badje.

²⁹ laa ge mbo: Djoo! Petelo anena go liolo li badje. ³⁰ Indi mbo, goene ge mbo lifolela liengae liili, Ge aga banga; La galo abande ge o lenda, Aata biima: Ngene, Uhisemi!

³¹ Yesu aga letsha ge djoogo loongo, Abunda ge, Abea laande: Botoga oimidja boke, Gei ge te age fega? ³² Bo aba aga gotie bwato, la lifofela lia sidja.

³³ A bombe goete bwato, la bedjeende go fwa ba bongo go felo dje yesu, La ba bea mbo: bongae pendja bona ga Iongia ongia.

³⁴ Gombisa djo lea lodje lolene, Baiga go boi bo Genesaleta. ³⁵ Baito ba gesee giaho, Golube bo yesu beeshe nde baito la begendi mo bosesi bwa ho, La baa toela ge baito ba biale batubu.

³⁶ Baa sembogela ge mbo afe bo ndole dje o bunda soli dje tulu djande. La bo batubu oba bunde tulu djaande buhe nde.