¹ La galo bafalisai labogolo beende go yelusaleme gopelo yesu, ko bebea: ² Mpo yegi angae baetani bago moetisa olaisama gwangae bogolo? Injembo batshimosogola baago babo, Gee gengae bo mola bia biliolo.

³ Geoho aabea abo gombo: Laa enu, Mpo ye gi angaenu mbobela bebeko be Iongia ongia se goete baogi baino? ⁴ Injembo Iongiaongia ebeende mbo: Paa luuma gwangae Ise la inango ago; La boto ogayoowa ise ande obe too inango ande obe enyande getumba ge lingbaa.

⁵ lambo enu, Enu bwabei: Boto ogaa yobea a ise aande to inangoande: Mwangaenu mosila gonya gwangaemi mongae loongene gopaa lokuku gwangae iseago laa inango ango. ⁶ Enu boatooli liogi l'Iongia ongia boasegilio goete olaisama bwino. ⁷ Baito babwela, yisaya ebeende lolo po yino gombo, ⁸ Baito obayowa liogi liai mo benywa, Injembo goete botema bengae gola laemi. ⁹ Bendepei luuma mwete bwas, bende laisa mwangae goete bebeko be baito.

¹⁰ Gee geetege limba li baito gwangae ge, Geoho aabea abo: Oami yei, La golotanyei. ¹¹ Motshimbo mwangae mogota goete bonywa ndangae mopipola boto to osega boto, inyembo mwangae monena goete bnywa, Momo angae mosegesa boto.

¹² La galo baetani bande bo baaseganase gombale yande, labobo baabegisasia ge: Bwendeluba gombo bafalisai besundjende gwaowe bo bo baogi? ¹³ Geoho aa eselabo mbisa: Ikoko yitshubu oyitshiana. ¹⁴ Siyaabo: bengae baito obinyame baiso bengae moendisa obaidjame baiso, begwande bo batshabu baele goete lishaa.

¹⁵ Petelo, gose ge baogi, Abea laande: begeseesu lio liila.

¹⁶ Yesu abea: laa enu ambale, Boti la beli? ¹⁷ Boti molubi mbo gea getubu gea gota go bonywa gendeagonda, Gombisa moendea gogesee geti boto moena? ¹⁸ Kasi mwanena gobonya moende dja go liofi, La mo nangae mosela boto la lilo. ¹⁹ Po go liofi goadja bealangano bebe, oloa baito, Oenda la bagali ba baito, bokalamusi, bwba, baogi babe, otubana la boela. ²⁰ Leta mbeo isela boto lilo; kasi ola bia ngosogola bago, mo mofaasele boto lilo lalilo.

²¹ Yesu, ootogago, geo aanena go iula djo dji Tyr la dji SIDONI. ²² La ono, Bogali ga kanan ogage goiyula djo, geo ata biima: Oelei ngandi, Ngene, bona ga dawidi! Bona gai engaa pendja baenda babee.

²³ Atshi limbolele ge loo ata lomoa, la baetani bande baasugana gombale djande, la baabea ande pendja: Bitshei ge aho, poombo ende taa biima gombise djiso.

²⁴ Geo alimbola: Betome ndei poae basali ba isalaele obaalimega ndole.

²⁵ Kasi geoho adja goatoba balui se gopelo djande, abea: Ngene, sungei!

²⁶ Geo alimbola: Motshi golo goosa ikuma ibana, la opaa gongae bana ba mbwaa.

²⁷ Eee, Ngene, Abeaa, kasi bana ba mbwa bende mola obikebike biaumase go mesa me boekesi bwabo.

²⁸ Ogalo Yesu abea: Ogali, oimiya bwago bongae bolene, moelele age galo aembeage. la gee gio bona gande geoho auha.

²⁹ Yesu geoho aanena isee djo, la ataa gombale badje balene ba Galilaya. Geoho aalila gotshe ngolo, angaase. ³⁰ Ogalo baito baasugana gombale djande baiye, bembeende aba bunegelo, la obatsha beenase, obatsha beowa la baito baiye ba male. boobadjase gobaolo bande la bobo bauha. ³¹ ogalo eenebo mbo baito batubu bauha, bobo baa mengia IONGIAONGIA dji isalaele.

³² Yesu, geoho ata baetani bande, abea: Djaa djala la osagela po dje baito bee, Poombo letaa bekolo beseso bee angaebo gombale djaai baalite gea. Djaembite otomalebo goanda mabondeli laa bato laa biaa, a gelenge gembo ohia boto silela bo mo ndole.

³³ Baetani ba bea: Gelenge inandji adjuugiae tokuma tuwe goeta gesobe giee po djo leisa baito bee baiye? ³⁴ Yesu aalengela bo: Bongai la tokuma gani? sambo, elimbole bo, la poe djike.

³⁵ Ogalo aangaisase baito bo batubu mo nele. ³⁶ Aosa tokuma sambo la poe, la gombisa dje omengia djo gongae IONGIAONGIA, geo apadjo gongae baetani pombo bapee bobaito. ³⁷ Boba tshubu boo baala la bauwo, la baatola bitunga bio la bisege bi tshiale lo. ³⁸ Obelee lo bembende Koto inei obolome, atshi otanga bogali la bana.

³⁹ Gombisa, geo abea la baito bo baembisa, bobo baagota go gebea la baa mbisa go iula djabo dji Magadana.