¹ Mo losigo lwaho, yesu enenende goete mbele, la geoho aangaase gotshe loye lolene. ² Gage liemba li baito ba linginda baangase gombele yande, geoho aaga goete gebei la geoho aangaase. liemba litshubu li baito lio liemala go gesemelo. ³ Geoho aabegisia bo moete baila goete mbeo yiee, la ko ebea; ⁴ Bologi oho aanena mpo yoyaa goologa. ogalo aloge ge, ligima li bologo bo bwaumase moete ndole; Gage noli obambe mwetandole bo baale. ⁵ Ndambo yasina ye bologo mwaumase moete gesee ge totale geseee ogetshimbe la mpo yembo motshimbe gesee ge nele yilunju, ⁶ La galo, gee genene loha, mogotshubu moahia laa ogasa, mpo yembo motshimbe la beta go litshiina. ⁷ Bokolo bwasina bo bwaumase mwete bekeke: bekeke bio bia lilana amo, la opeiya mo gogologa. ⁸ Mwasina mwaumase moete nele yilo; momo moabota tuma, yuma imoa bokama, oyiiibetu liambe, oyi betuku beseso. ⁹ Siya ogangae la batui boowa aowe.

¹⁰ Baetani bo baaseganase, la bobo baabeaande mpo ye gi abegisiaebo moete baila?

¹¹ Yesu oho aaeselabo mbisa; Mpo yembo mopa melendenu ndole goluba mbeo oyisamelo yi bokondi bo liolo, la galo motshi pamelobo. ¹² Mpo yembo mopamande gwangae ogangaealo, la engaande alo geagiye mwangae ande. ¹³ Momo angae mobegisiabo la baila, mpo yembo goena batshimwena gea, la goowa batshimoluba. ¹⁴ La mpo yabo alaisama bo yisama boagelana: Enu bbbwindi moete batwi baino, la bopalubi gea loongene enu boletindi la baiso baino, la bopeeni gea laa gemoa.

¹⁵ Poyembo botema bo baito bo boangaa bopia; baasela batwi babo ba olito, la basila goinja baiso babo, la bogagasa bombo batwena la baiso babo, baowe la batwi babo bangene, la batooluba goete betema beabo, batookokoga, la emi itouhisiabo.

¹⁶ La olo baiso baino bauhisiama, mpo yembo baena, la batwibabo mpo yembo baowa! ¹⁷ Emi yeende begisienu moloongene, baiye ba kanga yi IONGIAONGIA la batsha bwela besilende mbo baenee mwaenenu, la batshenemo, oowamwaoenu, la batshowe.

¹⁸ Enu ambwale, owei lila li ogalogalo. ¹⁹ Mongaambo boto omoa endoowa logi li bokondi la atshi molembegilia, ogabobe ogayage gooto tola mwa logamelo goete botema bwande; Boto oho engae ogaa longisa bologo moete babanga. ²⁰ Ogalongisie gonyeya bologo moete babanga mongae ogaowa liogi lilo la oosalio la gemengi getshubu; ²¹ La galo atsha litshina li beta goete yande, la atshimoligela, la gee geayoya looso anganju la obe mpo ye tina ye liogi lilo, ayuyage ndole yobka. ²² Boto ogaowa liogi, la galo boto ono angae goete huma la kamo ye bioto mwendnja liogi, la mwendeselamo moete ikoko oyitshia yayota tuma. ²³ Boto ogauye bologo moete nele yilo, mongae ogangae moowa liogi la oluba, endetola tumala yuma yimoa mwendeepa tuma bokama yaasina betuku liambe, yaasina betuku beseso.

²⁴ Geoho aagelegielaba lila liasina, la ko ebea; bokondi bo liolo bongae gelenge gemoa la boto omoa ogaloge bologo goete gelanga giande. ²⁵ La galo, gee gembe baito mopota, bonguna bwande oho aiga, ko eloga bingi mwete basangu la geoho aaaa. ²⁶ Gee genene bingi la ogologa la momo aabota tuma, la bingi bibe tuma, la bingi bibe bio biaenegela. ²⁷ Bekolo be Ngene ambele biaenegela baayaa goobeaande gombo: Ngene, age botshiloge bologo bolo moete gelanga giago? Goni gwatotoga bie bingi bibe?

²⁸ Geoho aabea abo gombo; mongae ogatshia elembei geoho atonga galo. La bekobe baabea ande gombo: Booloemba ndembo toee goopinola ge?

²⁹ Atshi galo, geoho aabea galo, la bogasa bombo batootola bingi bibe, mpo yembo bayaa gosega tuma to basangu. ³⁰ Siyaa mogotshubu mogologee gesee gemoa ogalo agotshwama tototshubu, la mogee geotshwa yendebeande la batshwi gombo: Totolei pui bingi bibe, la andeimo gesee gemoa mpo yohumba mo, songanyei tuma to basangu totshubu goete boluma.

³¹ Etelendebo lila liasina gombo, bokondi bo liolo bwende ambo gelogio ge sinapi ogeose boto mpo yologa goete gelenga geande. ³² Mo mongae goke oeta bilogo bitshubu injembo, gwayo gologa mo, mongae gelogo ogeete olene la mwigande ikoko yilene; noli yi liolo beyande goo pwa baobo moete beti bemo.

³³ Etelendebo liila liasina gombo bokondi bo liolo bongae ambo fulo oyaose ogali la geoho aamama goete bipimeli biseso bi fulo ogalo asilemo gotshubu osusa.

³⁴ Yesu ebeeende mbeo yee goete liemba la baila. Atshibee abo bwasi lootshombabaila. ³⁵ La galo loo olobee bwekesi mogelanende mboo, yelibolande bonya bwai mete baila, yendebeande mbeo oyisamelo opanga go gepangelo ge huma.

³⁶ Eselende liemba ho la geoho aa go mbele yande. Baetani bande bo baayaa gwanae ge, la baabea mbo, begisiesu litina li lila bingi bibe goete gelenga.

³⁷ Aaesielabo mbisa gombo, bologi bo bilogo bilo ende bona ga boto. ³⁸ Gelanga geende huma. bilogo bio biende bana ba bokondi. bingi bibe biende bana ba boto bobe. ³⁹ Boto ogaloge mo ende Djabulu. Gee geotshwa tuma geende golioli huma; obatshwalo beende baanjelu. ⁴⁰ Ogi alokotebo bingi bibe laa oletsha mo mongaande galo goliolo ligehuma. ⁴¹ Bona ga boto etomanxde baanjelu bande la belokotande goete bokondi bwande mbeo yitshubu oyayoisia soni la yitshubu oyayotongabo li yibe. QAko mongaande bi leli la otshwa baino. ⁴³ Baito baelu beelande ambo loha goete bokondi bwiseabo. Boto ogangae la batwi, aowe.

⁴⁴ “Bokondi bo liolo bwende ambo gea ogeangae la botuya ogiisame goetegelanga ogiaye botogeoho oinyamo galo, la olo bwande, geoho aaagoenya bia biande bitshubu bimbe ande la geohoaasomba gelanga geaho.

⁴⁵ La galo bokondi boliolo bwende ambo boenji bo biya biloongene bilo. ⁴⁶ Gwauye ge biya bilo bisenja la botuyabolene, geoho aaa la aaenja bia bitshubu obi mbeande la baasomba mo.

⁴⁷ La galo bokondi bo liolo bwende ambo sale oyaatioma o a bilenge bitshubu. ⁴⁸ Gwayalemo, baito bo baaluta sale yaho go libongo la bobo baangaase, baaganya oyendo goete peli, bobo baata oyibe gato. ⁴⁹ Mongaande galo go lio li huma; baanjelu benenande la betotolande obe goete olo, ⁵⁰ La betandebo gato goete gehummbelo ge yimbelo ge yimbe. pileli biengaande la otshwatshwa baino.

⁵¹ Boaiye goluba litina li mbeo yee yitubu? baa bea ande mbo, ee.

⁵² Geoho aabea abo gombo, la galo ndombe la ndombe oga laisamelo mpo yolingola bokondi bo liolo engae ambo ngene ambele ogaayo nyenya ototoga go gemamelogemoo mwangae mosika la mwangae mokala.

⁵³ Gwasiye yesubee baila, geoho aatotogaho. ⁵⁴ La gwage ge go gehuma geande geangene, geoho aalaisabo go binganelo biabo la ogi akamwebo la ko bebea gombo, ono auya bweli bwande la bagwa bande la opia goni? ⁵⁵ Ono atshi bona ga botongi bo babaya? lina linangoande atshi Malia? Bagolo la baoli bande yakobo la Yosefu la simona la yuda? ⁵⁶ Baelo bande ba boigali, batshubu goni?

⁵⁷ La bobo baowa looso mpo yande. la yesu oho aabea abo gombo, boekesi atshidjanje luuma ogohuma yande geangene la goete mbele yande. ⁵⁸ atshitonge bagwa bande baiye la opia mpo yodjanga oimilya bwabo.