¹ In ya Yesu sulu fi bakan ai pengele kede Shayitan aburu uwo. ² Bakan okalas sayim yom al baini filel me minarhar jyan abidu giso. ³ Shayitan dukur ja okelem gali kan ita nyereku ta Rabbana kalam na lagera doole kede kun mukati. ⁴ lakin Yesu kalam akil bara lakin kira kalama algi taala min kasma ta Rabbana. ⁵ In Shayitansulu uwo fi Madina al nedif okutuwo foo te munaara tekanisa. ⁶ Okelem gal nutu kede ita waga falata kalam kan ja katif gali Rabbana bija rasul min idda to mon bija awn ita kede itama waga kura taki fi laageri. ⁷ Yesu kelem nowo gal ta katifugal mata aburu Rabbana to'o.

⁸ Shaytani suluwo fi gaala al to wil zaidi oweri no'wo sultan al fi fi belena me hishma toomon. ⁹ Okelem nowo gal dolde kulu ana bi wedi neita kan ita bi sujudu ana. ¹⁰ Ina ya Yesu tala jambu ana ruwa kalam kan ja katuf kede ita gi abudu Rabbana wayi w kaman kede ita gosono bara. ¹¹ Ina ya Shaytani sibu uwo Malaika dukur ja umon abidu sayi diya.

¹² Yesu in ya uwo ja asma Yokana gali kutu uwo fi mabusu uwo alja fi Galilaya. ¹³ Ligo olasa min Nazareti ojja ogeni fi Zebron me Naftaari. ¹⁴ Kalam kede rasul Nebbi Issaya gi wonusu ligo. ¹⁷ Yesu abidu fi bakan de naba me kelem naanas kede, umon so touba mesani mamlaka te Rabbana gelu kede rasul.

¹⁸ Bakan okan gi masi fi torofu ta bahari ta Galilya uwo ayin akwana tinin Simoni ginadi uwo Petero Maakuto Andeleya ligo mon gi jada neti ta amsuku samaga fi bahari kalam umon kan anas ta amsuku samaga. ¹⁹ Okelem now mon gali taal kum kede ita kum massi ma ana kaman bigeeru anas. ²⁰ Ya fi gwamu mon seebu net toomon mon abidu massi ma Yesu Kristo.

²¹ i Yesu massi gidam wayinu akwana tinini Yakobo nyeeku ta Zabidayo me Yokana aku'to ligo umon fi fifuluka me baba to'mon Zabidayo. ²² Fi gwom de umon sibu fuluka me baba tomon, umon fatiya uwo.

²³ Yesu dukur massi fi Galilaya kulu ogi alim fi bakana almo gilim fogo ligo ogi naba njili al te mamlaka ligo uwo kaman gi ponesha ayan kulu mekisilan kulu al fi fugu anas. ²⁴ Kalama to dukur setetu suuli kulu jibu nowo anas kulu alkan ayaanin, alkan ayan amsuku umo barabaraw ma azaab ma anas al endis roho betal, nas jini manas, ab keregi oponesha umon kulu. ²⁵ Kawm milan ligo gi tala fi Galilaya me daka pooli me Jerusalem ma too ta Yordan mon massi mowo.