Sura 5

1 Bakan uwo koum, opanda fi gala ogen falata ma swahaba. 2 To monja nowo dukur ofata kasma to waalim umon ligo ogi kelem.

3 Umon bahati anas al miskin roho kalam anas dolde mamalaka ta Rabana al ta sumayi
4 Umon endis bahati anas al fi taab kalam bija furaisha umon.
5 Umon endisi bahati anas al baari kalam mon gija warith duniya.
6 Mon endisi bahati anas algi geeru jian me stan moyo kalam nedif kalam bija Shabanisha umon.
7 Umon endisi barak anas te rahuma, Rabbana bija amsuku ne umon rahuma.
8 Umon endisi barak anas al endisi gelba ab ne siya kalam umon bija ayinu Rabbana.
9 Mon endisi bahati anas algi lim badu anas kalam gija naduumon yala ta Rabbana.
10 Mon endi bahati anas algi wuzu kalam aldil kalam mamlaka ta Rabbana too mon.
11 Tekum endissi bahati kan bija sitim ita kum kan gusu wara itakum aw gata ware takum kila kalam al batal ligo kalam milan ana.
12 Furai to kum ata kum zaidi kalam swab takum milan fi samai kalam ya jede ja wuzu nediya alkan abidu itakum.

13 Lakin itakum fi mile ta dunia lakin mile kan tala fogo hilu bija kutu fogo mile abyatu ata gawun ma kale aju jada bara anas bija samba awdusu dusu. 14 Itakum semsi aw noor te duniya, medina kan bidugu fi gala aw kutu fi rasgala ata agder dusu uwo ma. 15 Ya fi jede ata wala taa ma dukur kati me kutaa lakin gi kutu fi seba to kede wala nanas kulu alfi fujuw. 16 Yala semsi takum kede wala jede gidam ta anas ansa kede umon gayinu kalama al kuwesin ab itakum giso dukur kede umon gayinu al fi fi samayi.

17 Matakum feker gal ana ja geer shariya aw te nas ana maja geer ana ja timiza. 18 Kalam ana gi kelem neitakum gali samayi me duniya ladi yom abbiya koma. Harfu wayi aw jina dolt wayi al te shariya bija kalas ma ladi kulu bija rasulu. 19 Yala ajol kulu al bi amsuku warja alim manas ajol wede bija nadi uwo kebir fi mamlaka ta samayi. 20 Kalam ana gi kelem neitakum adil takum kan ma sinda nedif ta anas algi katif me anas falisayo tokum ma bija dakal fi mamlaka te samayi.

21 Itakum asma gali bakan kelem noumon mata katul lakin ajol alkan bi katul obija kun ma zambi. 22 Ana kaman gi kelem neitakum kila ajol al gi zalan ne aku too ligo okalas so zambi lakin ajol al gi kerem na aku to gal Raca affaasuluwo fi kawm lakin jol al bi kelem gal ita awiri ita kede jada uwo fi jahanaam. 23 Zjol alkan bijibu sadaka te ludaya itakan kun nna dukur teruwa faham ja akutaki endisi meita kalam. 24 Seebu in sadaka taki gidamu luduya in kede ita arja wakti ma akutaki kede ita arja wedi sadaka. 25 Wafiki kum gwom ma jol al asikitade ligo itakum fi sika ajol asikita kede maja sulu ita ne mahkama kaman mahkama kaman mahkama makede wedi ita ne askari wu askeri kede masulu ota fi mobusu. 26 Tasil ana gi kelem neita ana gikelem neita ita bija tala min mobusu ladi ita lippa jina sente al fadulu.

27 Tokum ja asma je kelem neitakum mataa kum so zzina. 28 Ana kaman gi kelem neitakum zjol al bi ayinu Mariya dukur otaman uwo kalasi so zzina me uwo. 29 Kalam ena taki te yemin gi kutu te so makosa amrugu ena de jada boyiendisi faida ma kalm gisinda dulw te gildu taki kede keregi min gildu taki kulu kede jada fi Jahunaam. 30 mekn idda taki te yomin gisuli ita fimakosa gatauwo bara jada bara kalam gi sinda dula taki wayi te gildu keregi min gildu taki kul fi Jahanam.

31 Ja kelem ajol kanbi turuju Mariya to kede owedi nowo talaga. 32 Ana kaman gi kelem neitakum je kila wayi al bija wedi talaga ne Mariya uwo ya jakutu Mariya so zzina.

33 Itakum asma anas te zaman jeje kelem mata gi alif kalm al te kabas lakin kedeitagi timiza kalam ab Rabbana gi alif. 34 Lakin ana kaman gi kelem matagi alif sala siya sala kan kalam tabambara ta Rabbana.

35 Sala kan Duniya ya al uwo gi kutu fogo kurato sala kan Yerusalem kalam deya medina te sultan alkebir.

36 Yala mata gi alif marras taki kalam ita magder geeu suu rass way sala kan abiya sala kan aswee. 37 Lakin kalam takum kede kun jede kun ma ya jede lakin algi sinda dolde gitala min ajol al batal.

38 Tokum ja asma ja kelem neitakum gal ena bi gi lipa me ena me sununu bilipa me sununu. 39 Ana kaman gi kelem neitakum matakum abusu ajol al batal lakin ajol kan bidugita fi gwangiri te yemini geeru nowo mete sumal. 40 Ana kan aju asikita fi mahmakama ligo uwo aju sulu kanza taki wedi nowo ma kati kulu. 41 Ajol kan bigata wara eta guwala ligo ogi tumiya gguwa kede itakum massi massi mowo mara tinini. 42 Ajol al gi asasdu neita wedi nowo ajol kan bi aju kede ita den uwo mata dugu nowo Daar.

43 To kum ja asma ligo neitakum aju tegaju akutaki. 44 Lakin ana kaman gi kelem neitakum aju kum aduya takum womba tokum nanas al aduya takum. 45 Dukur kan kalas itakum bikun yala ta baba takum alfi fi samai kalam semsi ogi kutu giwala na anas al batal mal seme agin noumon matara anas al adil ma nas awaja. 46 Kalam kan itakum bi aju anasal ajitakum to kum endisi thawab sunu ma anas al gi lim musoro umon magi so jede? 47 Kan itakum bi selem akwana takum baraw itakum bi sinda umon mo sunu? 48 Agi itakum kun nedif je baba takun fi samayi je uwo fi nedif.