¹ Fi yom doole Yokana al kan gi batiza ligo ogi naaba fi bakan al ma fi fogo ana fi bakan te bele te Yudaya. ² Ligo ogi kelem ya jama tayakum kalam mamlaka ta samayi gi ruwa rassul. ³ Kalam Nabbi Isaaya oja wonus fogo ogi kelem sauti ta ajol algi wonus fi bakan al pengele gaali adul tookum sika ta Rabbana kede kun adil.

⁴ Lakin Yokana wede okan gi lebis gumasi al te suu te ngamiya ligo ogi robutu uwo gil te me labil gil fi suluba ma akil to kan ya zaraf me laasen ab to duban laasen al te gaba. ⁵ In ya umo ja wassa min Jerusalem ma bele ta Yudaya me bele kulu al jiran ta Yordan uwon ja no uwo. ⁶ Dukur Okubaatiza umon fi bahari ta Yodan ligo umon gi nakit zambi.

⁷ Lakin bakan uwo ayinu anas Falisayo ligo umon milan me anas Sadokayo, ligo umon milan gija kede batiza. Okelem no'mon gaal; itakum yala te debiba, mun ya onya itakum fi gelba hari te Rabbana ab gura ja? ⁸ Weledu kum fawak al gi fa so touba. ⁹ Mata kum fekeri fi jo geliba takum je gal inna endi jidi teena Ibrahim. Kalam ana gi kelem ne itakum je Rabbana agidari geru lagera dole kun yaali te Ibrahim. ¹⁰ Lakin saade lufaasi kalas kutu fi laata al ma gi weledu fawakih al seme bija gata falata bijaada finaari.

¹¹ Ana gi batiza itakum me moyo kalam te touba lakin ajol agija baada ana uwo ya gishinda ona ma gudra ana magderi amsuku ladi gezma to uwo bija batizza itakum me roho ab nedif me naari. ¹² Tabaga fi fi ida to'o me uwo bija adulu zaid obija liim ngano to fi gugu, dukuruwasikan obija oragu me naari.

¹³ Ya in Yesu wasa min Galilaya orasul fi Yodan ne Yokana kede uwo batiza uwo. ¹⁴ Lakin Yokana akan aju abba uwo ligo ogi kelem gali anna ajuita kede Batiza lakin kaman te gija naana? ¹⁵ Layin Yesu ja kalem nowo gal rudu saa de kalam gi fa neena timiza nedifu kulu. Inn ya uwo rudu uwo.

¹⁶ Ya inn bakan Yesu kalasubitiza uwo. Fi guwa mu zaid otala fi moyo samai fata uwo wayinu Roho ta Rabbana ligo ogi nenzil je jeda ligo uwo gi nenzil fugo uwo. ¹⁷ Asma sauti gi tala fi samai ligo kelem gali wede ya nyereku tayi wayi barraw al ana aju, al ana gi furai no zaid.