¹ ቀጥወ ኢየሱስ በሴጣን ይትፈተኒ መንፈስ ቅዱስ በበረኻኒየ ወሰደን፡፡ ² በኽሜ አርቫ ቀረይ ኧዳር ሽረድ ታይቨራ በፆም ዋኦረ በኔኧ ቀጥወ ጋደን፤ ³ ኢኢሱስ ማአታ ‹‹ውረ አኧ ኧጐይታ ትከ በኸርኸ ዋ እቨር ሸረድ ኽር ባኩ›› ባረን፡፡ ⁴ ‹‹ሰቭ ይረቭር ኹዳ ገታይ ዝሬከ ባቨን ቃር እንእ ባንኸሬ እማት በሸረድ አንኸረዳ ቧርሙ ጣፊይ›› ባረን፡፡ ⁵ ተኽም ቀጥወ ሲጣን ኢኢየሱስ ኧትቀደሰ ከተማ ኢየሩሳሌም ወሰደንታ ኧቤተመቅደስ ቁኒት ኦዋአ ሸከቨንታ፤ ⁶ እምር ባይሰቮርኸ በኧጅኹነዋ ይቴኤፓርኬ መላአካ የኤዝዝንኸሴ ቧርም ኧጣፊይ ኧኸሬ አኸ ኧጐይታ ትከ በኸርኸ ተዋዳ ገዳኒነ ዝገርታ ውረድ›› ባረን፡፡ ⁷ ዠፐረታ ኧሴጣን ኧጐይታ አምላካኧ አትፈታተንኩ ቧርሙ ጣፊይ›› ባረን፡፡ ⁸ ኢኢየሱስ በኑኡየ ቆቶ አዋአንታ ኧዋ አለም መንግስት አነነዳ ኑኡነድኋ አቴሸንታ ⁹ ውደኢትኸ ብሰግድኒ ዋዳ እንደም አኸሴ›› በረን፡፡ ¹⁰ ግዝየ ኢየሱስ ኧሼጣን ኩርሽ አኸ ሴጣን ኧሰኸ ኧጐይታ አምላካኸ ስግድ እማት ኧኹዳ አገክር ባርም ጣፊይ›› ባረን፤ ¹¹ ቀጥወ ሴጣን ኢኢየሱስ ቸኸንታ ወረ መላአይካ ሞኦምታ ኢኢየሱስ አጌኬሪ፡፡ ¹² ዮኻንስ ጠቦጭሙታ አአኮጂኧ በሰማ ግዚየ ገሊላ ገኝ ወረ፡፡ ¹³ ከተማ ቸኧታ በዛብሎን በንፍታሊምቨ አውራጃ በባር ምሬ አንዳ ቅፍርናኾም ዮረዳ ከተማ ኧቦርት ቀነሰ፤ ¹⁴ ኧኸረ ነቢይ ኢሳያስ ¹⁵ ኹዳይ ቢወሰድካይ ሜያይ ተዮርዳኖስ እኻ ኻአጋድ አነውታ ኧዛብሎን ገኘ ኧንፍታሌም ገኘ የአረማዊ ሰቭ ገሊላ፤ ¹⁶ ይረቭር ኧነፐረ ሰቭ ኑእየ ብርኻን አሸ ኧውደ ጠነቫ ኧወንደወ ገኘ ይረቭርዋ ኧነፖርዋ ሰቭ እዋየ ዋአኖም ቲይር ኧዝሬከን ኧትንቢት ቃር ይኸር ነኾ፡፡ ¹⁷ ተኽም ግዚየ ቀነሰታ ኧጐይታ መንግስት ቴኤነቨን, ንስኻ ግኦዋ ቲይር አትሙረት ቀነሰ፡፡ ¹⁸ ተገሊላ ባቨር ሚዬ ቲያርካ አሳ ያወኦታ ውሬት ኧሰማት ጴጥሮስ ዮሪዳ ስምኦኒ ኧሰሞኋ እንድሪያስ አሳ በቫር ከስ ያዎኦኮደዳ መረብሁኖዋ ብእሃ ቲቋሽታ አሸኖም፤ ¹⁹ ተኼተረኝ ኢያ ሰቭ ተቫጢረኹነዋ ታምኦዋሸ ኧከሽሁዋሴ›› ባረኖም፡፡ ²⁰ ኽመጋ አሳ ያወኦኮዳ መረብኹነዋ ቃሾምታ ተኼተረይ፡፡ ²¹ አታኽሪ ወረታ ኧዘብዴዎስ ዴንጋ ኧኾርዎ ኤኛአር ውሬት ኧሰማት ያእቆብኸ ዮኻንስቭ አሸኖም ኹኖም ተአባኹነዋ ተዘብዴዎስ እማትሜ በጀልባ ከስ ቾኖምታ ሽካኽኖዋ ይጌኪርዋ ባነደ ኹድቭ የኹዋ ተኼቶኝ›› ባረኖም፡፡ ²² ኽመጋ ጀልባኹኖዋ አአባኹነዋ ቼኦምታ ቴኼተሪ፡፡ ²³ አይኹድ ቦደሞችኮዳ ቤድ ቲያትመርኻ ኧሰቭ እንእ ኧጐይታ መንግስት ወኼ ዋራይ ቲይእድ ሰቭ ኹኖዋ ታነዎታ ባአሸቪ ኢማድ እንእ ቲያተርፍ በገሊላ ገኝ እንዳም ውርውር ይቨር ባንደ፡፡ ²⁴ ብእም ኦቫኦ ኢየሱስ ሹወኻ በሶሪያ ገኝ እንእ ተኼረ በኖኦራ ባእሸ ተጠቦጩምታ ይጨነቁታ ሰቭ እንእ ጠውናድ አነዎታ ሴጣን ኧጠበጠነዋ ኧዙር ባአሸ አነኖዋ ሚሲየመኹነዋ ኧሸተረእንእ ኧኹዳይ አወኦዮምተ ተቫሸኹነዋ አተነፈኖም፡፡ ²⁵ ተገሊላ ገኝ ተአሶር ከተማ ተኢየሩሳሌም ተይኹዳ ገኝ ተዮርዳኖስ እኻ ኻ ኤጋድ ኧዎኦዋ ኖኦራ ሰቭ ኧኢየሱስ ተኼተረ፡፡