^{1 2} በኽም በኝ ያጠምቅ ኧነፐረ ዩኻንስ ‹‹ኧጎይታ መንግስት ቴኤነቨ ንስኻ ጉኦዋ‹‹ ባረታ በይኹዳ በረኻ ቲይኢድ ማአ፡፡ ³ ድረ በነቢዩ ኢሳያስ ‹‹ኧጐይታ መያ አጣወርዎ ዋአድሞኋ ቂጥ ኦኖዋ ቲይር አት ሰቭ በበረኻ ያኸራኬ ኧቫረን ዋትነዳ፡፡ ⁴ ዮኻንስ ተጋሜራ ድገር አረሽዊ ኹጅር ይትኸተር ባነደ፤ ናቫኋ በጠፍር ይታአከድ ባነደ፤ ሸረድሞኋ ፌንጣይ ኧቨረኻ ዊየ ባነደ፡፡ ⁵ በኽም ግዚየ በኢየሩሳሌም ከተማ በይኹዳ ገኘይ በዮርዳኖስ እኻ ሚዬይ አነውታ ሰቭ እንዳም ኧዮኻንሲ ይወኦዋ ባነደ፡፡ ⁶ ኽኖም ንስኻ ቲገኦዋ በዮርዳኖስ እኻ ዮኻንስ ያጠምቆዋ ባነደ፡፡ ⁷ ኧኻይማኖት መሪ ኧረፖርዋ ኧፈርሳዊ ኧሰዶቃዊ ኖኦራ ሰቭ ይጠመቆዋይ ኧኹዳይ ኤፖም ቲዎኦታ ዮኻንስ አሸኖምታ ‹‹አኹዋ ኧሳኦር ጭረ ዴንጋ ቲቫአካ ተጐይታ ማአት ትሴሁዋኧ ማን ኤኤደናኹም፡፡ ⁸ ኧወረ ንስኻ ኧገፓኹ ዋኻ ያትሽርካ ወኼ ሜና በኦኖታ አተሹዋ፡፡ ⁹ ኢና ኧአብራሃም ዴንጋንረ ባተሁዋ አትጋጌዠዋ ጎይታ ተዋ እምር ኧአብራኻም ዴንጋ ይረሳኔ ይኧነ ኢኢድኹዋ፡፡ ¹⁰ ዋአካ ጭን ጊንዞኦ ቤኧ ሚዬይ አዎኖይ ኧኸሬ ወኼ ወማ አያፎይ ኤኧ እንእ እጭተዋ ብእሳድ ኢዌኪሪዴ፡፡ ¹¹ ዮኻንስ ኧንሳኻ ጥምቀት በእኻ አጠምቅኹዋ ፡፡ ቲያ ቀጥወ ይቫአካ ኹዳ ጭን በመንፈስ ቅዱስቨ በእሳድ ያጠምቅኹዋቴ ፡፡ ¹² ቲያ ይረእ ኑአ ደረግ እንን ኧኹዳሜ ጫማምኋ ዳር ኤፌኒጊሜ አንሰናይ፡፡ ገኪተ ያጠርርኬ ሰኔኤዳ በገየ ይኸራኬ ጋቫሞኋ ባየኸፋ እሳድ ይሜኪርሁዴ›› ባረኖም፡፡ ¹³ ኽመጋ ኢየሱስ በዩሐንስ ይጠመቂ ተገሊላ ገኘ ኧዮርዳኖስ እኻ ማአ፡፡ ¹⁴ ንስ ኢኢየሱስ ‹‹ኧሸኸኚ አይኸርካ ኢያ ባኸ ኧጅ ኧጠመቂ ባሃሬ ኧተኸ አኸ ቢያ ኧጅ ትጠመቂ ትቫአ ባረታ፡፡ ኢጠመቂ ይኸራኩ ባነደ ፡፡ ¹⁵ ጭን ‹‹ጽድቅ ኧኸረ ዘንጋ እዳም ኦኖት አንቨንሬ ኧኸሬ አካ ቴኢ እሸኸሽ አይኸርካ››ቲይር ዠፐረነ ዮሐንስ በዘንጋኋ ተስማማታ ኢኢየሱስ አጠመቀን፡፡ ¹⁶ ኢየሱስ ተጠመቀታ ትእኻ ተዋአመኸ ኽምተኽም ሰማይ ተከፈደ፤ ኧጐይታ መንፈስ በቡናር መሰረ ወንደ፤ በኢየሱስ ፎር ቲቸናወዳ አሸ፡፡ ¹⁷ ግዚየ በኹዳ ይሽሬዳ ኧረምድኩዳ ትከኛ ዋትነዳ›› ይካ ቃር ተሰማይ ተሰሟአ፡፡