¹ በንጉስ ሔሮድስ ዘቨር፡ በይኹዳ ገኘ ባነደ በቤተልኼም ከተማ ኢየሱስ በቴኤፐወ ግዝየ ኧኾኸቫአር ኢኺርታ ሰቭ ኢየሩሳሌም ሞኦም፤ ² ‹‹ኧቴኤኘ አአይኹድ ንኩስ ኧቲ አነ? ኾኾ ኹዳ በራአፕንየ አሸነታ ኧኹዳ ንሰግድኔኔ ማአነ›› ቧረም ተሳአሪ፡፡ ³ ን ጉስ ኼሮድስ ዋዳ ቢሰቭአ ግዝየ ደነኧን፡፡ ኧእየሩሳሌም ከተማ ሰቭ እንእ ተኽም ደነኧኖም፡፡ ⁴ ንጉስ ኼሮድስ ኧካኽን አላቃቪ ኧይኹዳ ቂጫቭ ኢኺርታ ሰቭ እንእ ‹‹ዋ ንኩስ ኢኺርኬ ኧዋሪ ክርስቶስ ኢቴኤንካ በኧትኔ? ›› ባረ ተሳአረኖም፡፡ ^{5 6} ኹኖም ‹‹ድረ በነቢ ‹አኸ በይኹዳ ገኘ አነኸዳ ቤተልኼም ከተማ ተይኹዳ መሪ ስርም አታአንስካ፤ እእስራኤል ገኘ ሰቭኛ ዘማቸ ኺንተ ይእየካር አትቭ ንኩስ ታኸ ኢዋአኬ› ቧርም ጣፊም ባነደ፤ ብእም ኧቫአ ኹዳቭ በይኹዳ ገኘ በቤተልኼም ከተማ ኢቴኤኝኬ› ቧሪ፡፡ ⁷ ኽም ግዝየ ንኩስ ኼሮድስ ኾኾቭ ኢሙረሙርታ ሰቭ በዱኡራቸ ኸናኖምታ፤ ኾኾቭ አሾኰ ቀረሞኻዪ ዘቨርሞኻ አጬገ ተሳአረኖም፤ ኹኖም ⁸ ኧኽኖም ቤተልኼም ኬሸኖምታነ ‹‹ኾሮዋ ኧትከ ኹዳአር ጐኩርም አጪጉዋ፤ ትትረኹዊዳ ኢያቭ ኾይተኹ ኧሰግድነኸ የኹም ኧቲ አነኸ አውጅኝ›› ባረኖም፡፡ ⁹ ኽኖም ንጉስ ኹዳ ኧቫረኗአር በሰምኦዋ ቀጥወ ምርም፤ ቲያርዋታቭ ኽ አሸዊ ኾኾ ኢኢፍትኹኗይ ገፓታ ትከ ኹዳ አኖዳ ቢድ ስን ወሰደኖም፡፡ ¹⁰ ኾኾቭ ኹዳ ቢያዡዋ ኖኦራአር ሳረኖም ተውራነኡምቭ፡፡ ¹¹ ቢድ ጐፖምታ ትከ ኢየሱስ ተአዶድኋ ተማሪያም እማቲ አሸዊ፤ ኢፍት ቲኢፍት ዎቶኡም ሰጐጅነ፤ ሳጥንሞኹኗ ኮፎጁም፤ ወርቅ፤ እጣን ከርቤ አዊ፡፡ ¹² ኧሰብ ሁኗ ጐይታ በቨርዛዝ ‹‹ትከ አኖደ ኤኤዲ ተኢጂ ኧርኩስ ኼሮድሲ አትኾሩዋ›› ባረ ኤዘዘኖም ባነደ፡፡ ብእም ኧቫአ በኧኛ መያ ገኘኹኗይ ተዠፖርም፡፡ ¹³ ኦኾኾቫአር ኢኺርረታ ሰቭ ገኘኹኗይ ዎሩም፤ ተኽም ቀጥወ ኧጐይታ መላአይከ ኧዮሴፍ በቨርዛዝ ተረከቨንታ ‹‹በዋግብት ንኩስ ኼሮድስ ኧትከ ኢየሱስ የኧትርኵ ኧሴኤ ኧኸሬ ትከ ኹዳ ተአዶድኋ እማቲ ጥጥ ተሳ ግብጽ ገኘ ሲኽ፤ ትንኤድኸ ስን ኽሜ ቸራ›› ባረንም፡፡ ¹⁴ ትከ ኹዳ ታአዶድኋ ተማርያም እማቲ ጠበጠታ በኽሜ ምሳአረ ሰከ ግብጽ ገኘ ወረ፡፡ ¹⁵ ኢፍቲ ጐይታ በነቢ ‹‹ትከኛ ተግብጽ ገኘ ኸናኹን›› ባረ ባነደ፤ እመዳ ኢኺሪ ዮሴፍ ታአበሩስሞኻ ግብጽ ገኘ ወረ፤ ንኩስ ኼሮድስ ቲዎድ ዳር በኽሜ ቸና፡፡ ¹⁶ ተኽ ቀጥወ ንጉስ ኼሪድስ ኧኾኾአር ኢኺርታ ሰቭ ኧቄቀዊኸ በኻረጋ ኖኦራአር ማአቸ፡፡ በቤተልኼምቪ በገኘሞኻ አነውታ ቃያ እንድ ወታደርኋ ኬሽታ ኧኾኾቫአር ቢኺርታ ሰቭ ባጬገን አይነት እድሜኹና ወርኤት ዘቨር ኧቤንአኖም ዴንጋቪ ኧኽም በገዳ ኧኾሩዋ ኧኧች ወልድ እንእ አቴኤተረ፡፡ ¹⁷ በኽ ግዝየ በነቢ ኤርሚያስ ኧድዝሬከዊ ¹⁸ ኧቢኧቪ ኧሩእ ምጥጥአር በራማ ተሳምአ፤ እራኼል ኧዴጋሻ ቤከች፡፡ ዴንጋመሻ ኧዎችኳይ ኧኸሬ ሰብር በከረች፤ ይካ ትንቢት ኸረ፤ ¹⁹ ንኩስ ኼሮድስ በዎደ ቀጥወ ኧጐይታ መላአይካ እዮሴፍ በበርዛዝ ተረከቨንታ ²⁰ ኢየሱስ ዮኦትሪ ኢሱእታ ሰቭ ኧዎጁዋይ ኧኸሬ እስራኤል ገኘ ተዣቨር›› ባረን፡፡ ²¹ ዮሴፍ ትከ ኹዳ ተአዶድዋ እማቲ ጠበጠታ እስራኤል ገኘ ተረሳ ወረ፡፡ ²² አርኬላዎስ ኧንጉስ ኼሮድስ ኧች ባነደ፡፡ ኹድቭ ባአባኋ ኤኤዲ ተረገሰ፤ ዮሴፍ ዋ አርኬላዎስ በይኹዳ ገኘ ኧትረገሰኸ ቢሰቭአ ይኹዳ ገኘ ያሬ ፈኘ፤ ዋአካ አትቭ በቨርዛዝ ‹‹ገሊላ ገኘ ኾር›› ቢዮክ ተረሳ ወረ፡፡ ²³ ዩሪዳ›› ቧርም በነቢ ኧትዝሬከ ኧትንቢት ቃር ኢኸሬ ናዝሬት ዩሪዳ ከተማ ወረ ነፐረ፡፡