¹ ኖራ ሰቭ ቲትኼተሪዳ አሸታ በቆቶ ፎር ዋአ ቸና፡፡ ተማሪሞኻ ኧኹዳይ ቴኤነውም፡፡ ² ቲይር አትመሮት ቀነሰ፤ ³ ጐይታ ተስፋ ኤፐውዋ ኹኗ ኧዳርታኗአር፤ ኧጐይታ መንግስት ኧኹኖትንአር፤ ⁴ ኹኗ ኧዳርታኗአር ጐይታ ያቁዋሙርኳ፤ ⁵ ኹኗ አፈር እንእ ኢወርሹዋይ ኧኸሬ ኧዳርታኗአር፤ ⁶ ኢቴኤዦዡዋይ በኺንኹኗ ኢትሜኝታ ኹኗ አዳርታኗአር፤ ⁷ ዩርረታ ኹኗ ኧዳርታኗአር፡፡ ጐይታ አፉ ዮኮዋ ተመኛትኹኗ ይሩኹዋ፤ ⁸ ንጡኽ ኧኸረ ኹኗ ኧዳታኗአር፤ ጐይታ ያዢዴ፤ ⁹ ኹኗ ኧዳርተንኗአር፤ ኧጐይታ ዴንጋ ቧርም ኢኾሬየዋ፤ ¹⁰ አቴኤዘዡዋይ/ኧጽድቅ ቧርመታ/ጅጓረ ኢሰርአዎታ ኹኗ ኧዳርታኗአር፤ኧጐይታ መንግስት ኧኹኖትን፡፡ ¹¹ ቢያ ኧባአ ቲቀርቭኹዋታ ቲያትሳትቱዋታቪ ኤናአር እንእ ፎጠርም ቲኢጅኮኩዋታ አኹዋ ኧዳርኹዋታናአር፤ ¹² በጎይታ ኢፍቲ ኑኣአር ኧኸሬ ኧሳርኹዋ፤ ተውራረኡዋቭ ታኹዋ ኢፍቲ ኧረፖሩዋ ኧጐይታ ቃር ኢዝረኩታ ነቢ ኽመኽ ጅጓረ ሰንአዎም›› ባረኖም፡፡ ¹³ ቀጥወ ኢየሱስ፡-አኹ ኧዋ አለም ሰቭ በኧድንኹዋ፤ በኧድ ጭን በኧድነድኋ በቨከረ በቭር የእቭ ይህሴ፤ተዋ ቀጥወ አአታአር ኤያጌክርካ፤ ወረጀ አዎም ኢቋሺታ በእግር ኢኺንጂ ባሀሬ፤ ¹⁴ ኧዋ አለም ሰቭ እዋየንኹዋ፤ በቆቶ ፎር አንዳ ከተማ ኢደኧሪ አይኸነዳ፡፡ ¹⁵ በቢድ አነዳ ሰቭ እንእ ኢትረከኰኸ በሱኡር ኢሰኡሪ ባኸሬ ገባ ዲፈቶኰዳ አያወሬዳ፡፡ ¹⁶ ሰቭ እንእ ወኼ ሜናኹዋ ኧዥታ ኧሰቫይ አባኹዋ ያኸብዶኸ ወኼ ሜናኹዋ ኧሰቭ ኧትረኸቭ›› ባረኖም፡፡ ¹⁷ ኻአቨታ፤‹‹ኢያ ኧሙሴ ቂጫቪ ኧነቢቭ ትምርት ኧሸሬ ኧቫአኋአር አይቭሰርኹዋ፤ቂጫ እንም በቬና አወኧሬ ማአኹ ባኸሬ ኧሸሬ አማአኋ፤ ¹⁸ እኹዋ አፈር ተሳቫይ ቲያልፍ ስን ቂጫ እንእ በቬና ታይወኧር ተዋ ተቂጫ እማትኹዳ አይሾሪዳ፡፡ ¹⁹ ሰቭ ተዋ እንእ ኧጐይታ ትዛዝ እስየ ኹዳ ስን ቢሸር ዋ ቢችእ ኽመኸ ኧሰቭ ቢያትመርኹዳ በጐይታይ መንግስት እንዎኋ እስ ይኸርኬ ቂጫ እንእ ዬቭካቪ ያትመርካቭ ወይ ኢኢድካ ማንየ ሰቭ ቢኸር ኹድቭ በጐይታ መንግስት ኑእ ኢኸርኬ፡፡ ²⁰ ጽድቅ ተሙሴ ቂጫ አስተማሪቪ ተፈሪሳ ሰቭ ጽድቅ ባፈዘ የጐይታ መንግስት ስርም አትጐአታ እኹዋ፡፡ ²¹ ግዝየ ኧረፖረዋ ሰቭ ኧዋርዮዋር ሰምአኹሚ ኹድቭ ‹አትእትር፤ ሰቭ ኧኧተረ ኹዳ ፍርድ ኢትፈንድወ› ይካናአር፡፡ ²² ጭን ዋኻ እኹዋ፤ በኧሰምኋ ባኸራአር ኢቨኧችካ ሰቭ እንእ ፍርድ ኢትፈንድወ፤ ኧኧሰምኋ ‹ፍድየ አይቫር› ባረቭ ይቅችርቭካ እንእ በአደባባይ ይትፈድወ፤ ኧሰሞኋ <ጋዋ> ባረ ይቀርቭካ ሁዳ እንእ ኧአዛብ እሳድ ፍርድ ኢትፈንድዎዴ ። ²³ ቲቪ አቫአኸን ኹዳ ኽትቭ ቢያቲኢኑኰዳ ኤኤዲ ኧጐይታ ኢፍቲ ብታቲ እንወዳ ግዝየ ተኧሰማኸ አነቨኸዳ መራክስ ቢትዘከትኸ ²⁴ ኧጐይታ ቲቪ አቴኤነኸን ንቭረድ አውራኩታ ብደር ኾር ተኧሰማኸ ተቃቨጥ፤ ተኽም ቀጥወ ተዣቨር የኸታ ኧጐይታ ቢቪ አቫአኽን ንቭረድ ኧጐይታ አተኧንቭ፡፡ ²⁵ ከሰሰናኸታ ተኹዳ እማቲ ኧፍርድ ትታርካ ካች ባር በቨያ ተቃቨጥ፤ ባትቓመጥኸ ባላጋራኸ ኧዳኘ ዳኘቭ ኧፎሊስ ያአይፕርኸ፤ አኸቭ ዎኽኔ አጐፖም ያአጉጅከ፡፡ ²⁶ አኸ አት ሜዞ ታይተርፍ ካሽተኸ ትጀፕር ስን ተኽም ተወኽኔ ቢድ ስርም አትዋአካ›› ባረ፡፡ ²⁷ ‹‹ድረ ኧረከዋኸ ትእሽቻ ኹጅር አድሙጅዋ ኧዋሪኸ ሰምአኹም፤ ²⁸ ኢያ ጭን እሁዋታ ሁዳቭ ኧቪሽት ሂዳይ ኤፐ አሽታ ኧትሜኝና ህም ግዚየ ሁድቭ በሂንኋ ቴቬሽት ሂዳ ሁጅር ደመደ ። ²⁹ ቀነ ኤራኸ ባጢር ባቴፐናኸ አአ ቃሽኩ ፤አካላታኸ እንእ በአዛብ እሳድ ቢቋሺዳ ሁዳ ። ተአካላኸ አት ሁዳ ቢቀቭር ይፈዝ ። ³⁰ ቀነ ኧጃኸ ባጢር ያቲብኸ በኸረ ኧጥ ቃሽኩ ፤አካላታኸ እንእ በአዛብ እሳድ ቡቋሺዳ ሁዳ ፥ተአካላኸ አት ሁዳ ቢቀቭር ኢፈዝኸ »ባረ ። ³¹ ኢየሱስ « ድረ ምሽትኋ ኢገፍሪ ኧሴኧ ሰቭ ኧገፈረወ ኧፊርማ ወረቀት አካ ቧሪ ባንደ ፤ ³² ኢያ ጭን ዋኸ እሁዋ ማኒየ ሰቨ ሚሽትኋ ተኤኛ ምስ ውጅር ትደምድካ በረከቨናይ ባሀሬ አይግፍርካ ፤ተውችር ሰቨ ውጅር ታደምድ ቢገፍርካ ተቫኒም ሰቨ ውጅር ትደምደኸ ይናአካ ኧጎፎሪያቭ ሚሽት አገፓ ገማ እንእ ተቫኒየ እሽቻ ሁጅር ደመደ »ባረ ። ³³ ኧድረ ሰቨ <በቲየ ኧጎይታ ቃር ኧገፓነ ሁዳ ኧና ባሀሬ በክዝብ አትይ ኧዋሪኸ ሰማሁሚ ። ³⁴ ኢያ ጭን ዋኸ እሁዋ ስርም እንተኝሁዋ ፤ በሳቫይ እንተኝሁዋ ፤ ሰቫይ ኧጎይታ ዙፋን ። ³⁵ በአፈር እንተኝሁዋ ጎይታ ኧግርኋ ያትሸኩወዳናአር ፤ በኢየሩሳሌም እንተኝሁዋ ፤ ኧሩእ ኑጉስ ከተማን ። ³⁶ እማት ኧጉረራኸ ድገር ጓድ ወይ ገበና ኦንኧት ፥አይኸነሄ ኧኸሬ በገግማኸ እንተኝኸ ። ³⁷ ትዝራኩዋታ ቃራሁዋ ውረ በኸረ<እከ ፥አኸራአ በኸረ<አኸረዳ>ቧርዋ ተሀ ኤኛአር አኸረሁዳ እንእ ተስጣንን »ባረ ። ³⁸ ኢየሱስ ዠፐረታ ድረ ኤር አፈንጠ ኤር አፉርጪ ፤ ሽን ኧሰፐረ ሽን ኧስውሪ ኧዋሪኸ ሰማሁሚ ። ³⁹ ኢያ ጭን ዋኸ እሁዋ ሙጥጥ ዬቭዎሁዋታ ሰቨ አጅግ አዣውነ ቢኸር ቀነወኸዳከ ኧኧፋናኸ በኸረ ዣቭርታ ጉራ ወኸዳኸ አኩ ። ⁴⁰ አት ሰቨ ሽሚዛኸ ይወስዲ ቢከስስኸ ፥ኮትማኸ ድቭነ ፤ ⁴¹ አት ሰቭ ቲያ እማቲ ቀሪ መያ ሆር ባይተ ቢጠጥኸ ግት መያ ድቭር ሆርነ ። ⁴² ይሰኧርኸዳ ሰቭ እንእ አቭ ታኸ አጅግ ኢወስዲ ኢሲካ ሰቨ ቢረቨር አትህራኩ »ባረ ። ⁴³ . « ድረ አቦገዳኸ ንቨድ ፤ጠራታኸ ጥራ ፤ ኧዋሪኸ ሰማሁም ⁴⁴ ኢያ ጭን ጠራታሁዋ ንዎጅዋ ፤ያሳድጅኩዋታ ሁኖዋ ዳርዋ ፤ ይጠሮኩዋታ ሁኖዋ ወሄአር ኦኖዋ ፤ ሙጥጣአር እንእ ዬቭኮኩዋትቪ ያሳድጅኩዋታቭ ሁኖዋ ጠሎት ኦኖዋ ። ⁴⁵ ዋኸ ቤፐሁዋ ኧሳቫይ አነዳ አባሁዋ ዴንጋ ትሁርዋሴ ፤ ሁዳ አኸይ ኧውጥጥ ሰቨ እዋየኋ ያዋአ ፤ ህመኸ ኧጻድቃንቪ ኧባጢረተኝቭ ሰቨ ዲየኋ ይቭ ። ⁴⁶ እማት ኢረጅኩዋታ ሁኖዋ ብትረንጁዋ ተጎይታ ትረሁዊዳ ወሄ አጅግ ምራፈድን? ባጢርተሽ ሰቨ እሽኸ ኢነዋ አሀራ? ⁴⁷ እማት ዶባሁዋ ወጌም ብቱሩዋ ምር ይፈዝካአር ኤፐሁም? ጎይታ አይሂርዋ አረማዊሰቭ ዳር ኧደቦሁኖዋ ወሄ ወጌምት ኢዋሽ አሀራ? ⁴⁸ አካ አሁዋ ኧሳቫይ አባሁዋ ጎይታ ጥርር ኧኸረመኸ አሁም በቬናሁዋ ጥርር ሁርም ንወሩዋ።