¹ ኧሶዱቃቪ ሰቭ ኢኢየሱሴ ቴኤኖምታ ይፎትሪዬ ሴኤውምታ ‹‹ተሳቫይ መርኸት አተሽንረ ባሪ፡፡ ² ዠፐረታ ዋኸ ባረኖም‹‹ቲመሽካ ሻቫይ ብሻ ኸረ‹አፈር ቃውነ ይኸርኬ ቱርዋ፡፡ ³ ጋእ ቲይካ ሳቫይ ዳቨራ ኸረ ‹ኦኳ ድየ ያድኬ ቱርዋ፡፡ ኧሳቫይ መርኸ ኧዋትርት ቲኺርዋ፤ ዘንጋ ጭን ኧዘቨርኋ መርኸት ኧዋትርት አይኸነኹዋታ፡፡ ⁴ በጐይታ ኦይታአመር ኧዋ ዘቨር ሙጥጥ ሰቨ መርኸት ያዢ ይሲእ፤ ዘንጋ ጭን ተነቢ ዮናስ መርኸት ኢኛ መርኸት አይዊዳ›› ባረኖም፡፡ ተኽም ቀጥወ ኢየሱስ ቸኧኖምታ ኤኛ ኤዲ ወረ፤ ⁵ ተማሪ ተቫር ኻአጋዳ በወኧዋ ቀጥወ ሸረድ ኧጡት ተረሳኖም ባነደ፤ ⁶ ሰቭ ተሶዶቃቭ ሰቭ እርሾ ገኩርም ተጦፓዋ›› ባረኖም፤ ⁷ ገግተግኹነዋ ሸረድ አንጠበጥኔ ይእሴ ተቨቨርሙ፡፡ ⁸ ጭን አሳብኹነዋ ኻረታ ‹‹አኹዋ እምነት አአነሰናኹዋ ሰቭ ‹ሸረድ አንጠበጥነዴ ባኹዋ ኧቭር አኹም ታኹም ትዝሬኩዋ? ⁹ አትቬስታ አምስት እንጀራ አምስት ኹቭ ሰቭ በኖምታ አምስት ኸብ በቃታ ምራካ ቀርጫት እንጀራ አነሳኹዋካ አዘከትኹዋታ? ኸረሳኹዋኸ አይዘገድኹዋታ? ¹⁰ ሰአት እንጀራ አርቫትኹቭ ሰቭ በቃታ ምራኽር ቀርጫት ኧተነፈ እንጀራ ኧረሳኹዋኸ አዘገድኹታ? ¹¹ ተሶዱቃቨ ሰቦ እርሾ ተጦፓዋ፤ ባኹም ባኸሬ አሽረዳአር አንዝሬከኹከኸ አትዌስርታ? ባረኖም፡፡ ¹² ግዚየ አጬፐነዋ ተእንጀራ እርሾ ታይኸር ተፈሪሳቢ ተሰዱቃቪ ሰብ ትምርት ይጨፐዋኸ ቲቨር ኧቫረኖምኸ ኽመጋ ገፓኖም፡፡ ¹³ v ኢየሱስ ፊሊጶስ ቄሳሪያ ዮሪዳ ገኘ በሰና ግዚየ ኧተማሪኋ ‹‹ሰቭ ኧሰቭ ትከ ማተን ዮሪዋ?›› ባረታ ተሳአረኖም፡፡ ¹⁴ ‹ያጠምቅካ ዩኻንስን› ኤኛምኹኖዋ ‹ተነቢ ኤሲያስን› ኤኛምኽኖዋ ‹ተነቢ ኤርሚያስኒ›ወይ ‹ነቢ ተኾርዋ ሰቭ አትኹዳን ይርዋ›› ባረ፡፡ ¹⁵ ‹‹አኹኹ እያ ማንቱኝ?›› ባረኖም፡፡ ¹⁶ ጴጥሮስ ዠፐረታ ‹‹አኸ ክርስቶስንኸ እንግዚየ ይረቨርካ ጔይታ ትከንኸ›› ባረን፤ ¹⁷ ዠፐረታ የዮና ትከ ስምኦኖ ኧዳርኸዳንኋአር፤ እኮዳ አትኼረናኸ በሰባይ አነዳ አባነኛ ባኸሬ አትም ሰቨ አንኸረዳ፡፡ ¹⁸ አኸ ጴጥሮስንኸ ብእም እቨር ፎር ቤተክርስቲያኛ አረሽኬ፤ እም ቤተክርስቲያን ኧወንድ ደረግ አይኢምኩዳ፡፡ ¹⁹ መንግስት ይኮፍችኮዳ ቁልፍ ኢቨኾዴ በአፈር ኧፈታከን እንእ በሳቫይ ይትፈዳኬ›› ባረን፡፡ ²⁰ ኹዳቭ ክርስቶስ ኧኸረኸ ፡፡ ²¹ ቀረ ቀነሰ ኢየሱስ ኧተማሪኋ ‹‹ኢየሩሳሌም ከተማ ኾይ በገኝ ባሪቅ በካኽን አለቃቭ በቂጫ አስተማሪም ኖኦራ መከራ ኧተአወርት፤ ኧዊት በሶኦስ ቀረኋ ተወንደ ኧቶሸት አኖኸ አጬገ ኤኤዶኖም፤ ²² ኢየሱስ ኦጣሞኋይ ሞቀ ወሰደንታ ኸኸ ጌታኞ ኧዋኸአር ስርም አይስራቭኸ›› ባረን፡፡ ማአቸወ፡፡ ²³ ጭን ተዥባፐረታ ኧጴጥሮስ ‹‹ኧሰኸኒ አኸ ሴጣን ኧሰቫአር ባኸሬ ኧጐይታ አር አታአሰቢ ኧኸሬ እንቁርፊድ ትኸርቪ›› ባረን፡፡ ²⁴ ተኽም ቀጥወ ኢየሱስ ኧተማሪኋ ‹‹ኢያ ይትኼቲረይ ይሲኢካ እንእ ገግኋ ኧኽዳ መስቀልሞኋ ኧፈንግ ኢያ ኧትኸተሬ፡፡ ²⁵ ነፍስኋ ያአይፕኩዳ እንእ ያአይኩ ኢያ ቲይር ጭን ነብስኋ ያአይኘርኩ እንእ ያተርፊኩ፤ ²⁶ ሰቭ በአፈር አነዳ ዱኒያ እንእ ቢያተርፍ ነፍስኋ ቢያአይ ምር የናነሴ? ወይ ሰቮ ኧነፍስኋ ዋጋ ምር ይከሲ ይኸነ? ²⁷ ኧሰቭ ትከ ኧም ቀረ እንሞኋ ኤቨናሞኻመኸ ዋጋ ይኩዴ፤ ²⁸ ኧውረመኛ እርኩዋ ኧሰቭ ትከ በመንግስትሞኋ ክብር ቲቫአካ ቲያዝዋስን ተዋ ተሾከዋ ሰቭ ግት አይወጅዋ ሰቭ አነዋ›› ባረኖም፡፡