¹ ተረሾም ኧዎኦዋ ኧሙሴ ቂጫ አስተማሪቪ ኧፈሪሳ ሰቭ ኧኢየሱሲ ተኤኖምታ ‹‹ተማሪያኸ አአባንራይ ቂጫ ኧቭር አይኡሮታ? ² ሸረድ ቲኢወርታ ኧጀኹና አይታኦውታ? ቧርም ተሳአሪ፡፡ ³ ኧገጋኹዋይ ቂጫ ባኹምታ ኧቭር ኧጐይታ ትዛዝ አትቀኡሮታ? ⁴ ‹‹አቭ ታአዶዳኸ አኽብድ፤ ባአቦሞኋይ ባአዶድኋ ሙጥጥአር ኧዝረከ ሰቭ አቸ ኧውድ ባረ ኤዘዘ፡፡ ⁵ ጭን ዋኸ ተሩዋ፤ አት ሰቭ ‹አባኞ አዶድኞ አአኹኋ አውት ኧረፐረቪያአር እንእ ኧጐይታ አኹን› ቢይርሁዋ ⁶ ኹዳ አቭ ታዶድኋ ባያኸብድቭ አት ኤኖዳ ቱሩዋ፤ ብእመዳ ኧቂጫኹዋ ትቱሩዋ ኧጐይታ ቃር ትሾሩዋ፤ ⁷ ኸጣ ኢሳያስ ኧኹዋ ዘንጋ ዋኸ ባረ ኧዝረከን ትንቢት ውረምን ⁸ ሰቭ ባአፉኋ ያኸብዴ ኺንኋ ጭን ቲያ ኖኦራአር አራኧዳናአር፤ ⁹ ቂጫ ያትሞርዋይ ኧኸሬ ኢያ በፍጥር ኢሰጉጅኒ›› ባረኖም፡፡ ¹⁰ ሰቭ ኧኹዳይ ኢቴኤነቨኸ ኤፔታ ‹‹ሱኦዋ፤ ቦስሩዋ፤ ¹¹ ያሰርኹኩዳ ታአንፉኋ ኢዋአካ ኹዳን ባኸሬ ባአንፉኋ ኢጋአካ ኹዳ አንኸረዳ›› ባረኖም፡፡ ¹² ቀጥወ ተማሪኋ ኧኹዳይ ቴኤኖምታ ‹‹ኧፈሪሳ ሰቭ ኧዝሬከኸን ዘንጋ ሶምኦምታ አንሳረኗኸ ኻርኸይ?›› ቧሪ፡፡ ¹³ ኻአቨታ ‹‹ኧሳቫይ አባኛ አነኧፐረን ኤኧ እንእ ይትረኧ ¹⁴ ቶኡዮዋ ኹኗ ፉርጥ ኢሾውታ ፉርጥኗ ፉርጥ ኧፉርጥ ቢሽኩ ውርኤቸሞኹኗ በጐጀ ኢወድኡዋ›› ባረኖም፡፡ ¹⁵ ኧኢየሱስ ‹‹ኧሟሟካ ኹዳ ፍችኋ አውድንረ›› ባረን፡፡ ¹⁶ አኹም ዋካ ስን ኧወስርት ኤመናኹም ኧዋርትኒ? ¹⁷ ኢጋአካ ኹዳ እንእ በከስ ወይአታ ተሰቭነድ አዎም ኢቋሺኸ አታሽታ? ¹⁸ ኢዋአካ ኹዳ ጭን ተኺን ኢዋአ፤ ኧሰቭ ያሰርኹዳ ኹዳን፡፡ ¹⁹ አሳብ ሰቭ ኡኡትረት ተረከዊያ እሽታ ኹጅር ኧዱምጁአት ኧስሩእት ኤናአር አአውጅት ኧሰቭ ሹዉ አአፎት ተሰቭ ኺን ኢዎአዋ፡፡ ²⁰ ያሰርኹኩዳ ዋዳን ባኽሬ ባንታኧዊ ኧጅ ኧውርኧት ኧሰቭ አያረክስኩዳ›› ባረኖም፡፡ ²¹ ተኻይ ተረሳ ዋአታ ኧጢሮስቪ አሲዶና ገኘ ወረ፡፡ ²² አት ኧከነአን ገኘ ምሽት ኢኢየሱሲ ማአችታ ‹‹ኧዳዊት ትከ ጐይቶ ገረድኛ ሴጣን ጠበጠናታ ቡሼኤኸ ትድዋኝ ኻበደዳሽ ናቭጥጥኸ›› ባረች ሳአረቸን፡፡ ²³ ጭን አት መልስ አዠፐረናዳ፤ ኽም ግዝየ ተማሪኋ ኧኹዳይ ቴኤኖምታ ‹‹ዋ ትሰኧርኸዳ ምሽት ቲኢንራይ ታኸራ፤ ብታስራፕትካኹ ቧሪም ተሳአሪ፡፡ ²⁴ ዠፐረታ ‹‹ኢያ ኧኬሸውኛ ተእስራኤል ቢድ ኧኧኘውዋ ጣዪ ባኸሬ ኧኛይ አንኬሽውኝዳ›› ባረኖም፡፡ ²⁵ በኧግርኋ ወተኧችታ ‹‹ጌታኞ ኻበዳሽ ንዳይ‹‹ባረች ሳአረቸን፡፡ ²⁶ ኻአቨታ ኧዴጋ ሽረድ ኧግየ ኧቋሽት ኤያትኬሸ›› ባረና፡፡ ²⁷ ባረና፡፡ ኺደ‹‹ገታኞ ውረምን ቢኸር ግየቭ ተጌታኹናይ ሽረድ ኧወተኧ ፉትፉቸ ኢወርኦዋ›› ባረችን፡፡ ²⁸ ግዝየ ኢየሱስ ኧቭሽት ኺዳ ‹‹ምሽቶ አሻ እምነታሽ ኑእየናአር ኧሴኤሺያር ኧኽነሽ›› ባረና፡፡ ገረድቭሒዳ ኽመጋ ፈዘዘች፡፡ ²⁹ ኢየሱስ ተኻይ ዋአታ ኧገሊላ ባር ሞሬ ማአታ በቆቶ ዋአ ቸና፡፡ ³⁰ ሰቭ ጅረ፣ፉርጥ፣ዲዳ፣እንዱንርቪ ኧኛቭ ኖኦራ ባአሸ ኧጠበጠኗ ሰቭ ኧኹዳይ አዎኦም፡፡ ³¹ በኢየሱስ በኧግርኋይ አዎኖዮም፤ ኧእስራኤል ጐይታ አኾቦጂ፡፡ ³² ተማሪኋ ኧኹዳይ ኸናኖምታ ‹‹ዋ ሰቭ ቲያ እማቲ ሶኦስት ቀረ ዋአርም፤ ዋአካ ጭን ኢወርኧታአር ኤነነዋይ ኧኸሬ አውጣጭኝ ዋአካ ቂጭና ጥጭተኗታ በቨያ ኢወዱዱዋይ ጌምኹኗ አስራፕትኮዋይ አንሲኢካ›› ባረኖም፡፡ ³³ ኧዋ ሰቭ እንእ ኢቨቃካ ዋጣካ ሸረድ በዋ በረኻ በኧቲ ንረኽቭነዴ? ባሪ፡፡ ³⁴ ኹድሞዃ ምር አኽር እንጀራ አነነኹዋ?›› ባረኖም፡፡ ኸኖም ሳቫአት እንጀራቪ ቀሪ እንስየ አሳ አነንረ›› ቧሪ፡፡ ³⁵ ቀጥወ ኢየሱስ ሰቭ ኹኗ ባአፈር ኢቸኗኸ ኤዘዘ፡፡ ³⁶ ሳቭአቸ እንጀራቪ አሳቭኹኗ ጠበጠታ ኧጐይታ ሽኩር ባረ፤ ፍረነቨቭ ኧተማሪኋ አቨኖም፤ ተማሪሞኋ ኧሰቭ ኋኗ ሻኮጁም፡፡ ³⁷ እንመኹኗ ቦንኦም ኦፎም፤ ተማሪሞኸ ኧተነፈኧፍረነዊ ሰቫአት ቀጫት ሙርአ እንጀራ ነሾም፡፡ ³⁸ ኧዎንምኹኗ እሽታቪ ዴንጋ አይቫር አርቭአት ኹዉ ገማ ባነወታ፡፡ ³⁹ ኢየሱስ ሰቭ ታስራፐተ ቀጥወ ብእስየ መርከብ ገፓታ መጌዶን ይውሪንዳ ገኘ ወረ፡፡