¹ Takamitenu asi mwa sa neyeda viruwana vyenu vyo uhungami wa Karunga kumeho yo vantu va vimone, mbyovo Kapi muwana ndjapo kwa Senu wo mu liwiru. ² Mpo ngoli si opo una horo kutapa sitapa, wasa si yiyauka, yira moomu varuwananga va vikupaki kumeho yoye mu Sinagoge no mundjira asi vawane likuto ku vantu. Ame usili nakumutantera nwe asi, va wana kare ndjapo davo do kuyulira. ³ Enne ngoli ove nangesi kuna kutapa sitapa, liwoko lyoye lyarumontjo kapishi liyive evi linakuruwana liwoko lyoye lyo rulyo, ⁴ sitapa soye sikare mukahore-hore. Ngoli vaso ava vamonango mulihoramo nga vhura kupa ndjapo ve.

⁵ "Nangesi kuna kuraperera, kapisi mukare yira vakuvikutura, ovo vahoro kuraperera mumapongero, namumahanga ndjira muyimandjindji asi vamoneke kuvantu. Usili nakumutantera ai vantu vaweno kare vawana mfuto yavo. ⁶ Enne ngoli ave nagesi kunakuraperera, yenda ukakuharere mundjugho, ukarombe vaso ovo vahoramo. Vaso, vakuvhura kumona evi vya vando, makura uye nga vikupa. ⁷ "Nangesi kuna kuraperera walye mwa vhukitanga nkango do dingi yira vanandjo, morwa vavo kuhayara asi kuvayuvira morwa ungi wo nkango davo. ⁸ Walye mw avatemwinenanga mbyo vyosi Senu ayiva ovyo munahepa, anwe kumeho mwa hana kuvimuromba. ⁹ Nangesi kuna kuraperera mwa kona ngoli kuraperera weno asi, "Setu wo muliwiru. Lidina lyoye lifumane. ¹⁴ Nangesi mudongwenenepo vantu maundjoni havo, Senu wo mu liwiru naye nga mudongwenena po undjoni wenu. ¹⁵ Enne ngoli ntjenesi kapi wa vadongwenena po vantu maundjoni havo, Senu wo mu liwiru naye kapi ngamu dongwenena po maundjoni henu.

¹⁶ "Nangesi mulidiliro muna kara, walye mwa karanga yira vantu va likupaki, muguve, mbye visi vavo sintunukita vipara vyo mposi vantu va vamone asi mulidiliro vana kara. Usili nakumutantera vavo vawana kare ndjapo yavo yo kuyulira. ¹⁷ Enne ngoli anwe, opo ngo mudilira, waveka mutwe woye no ku kusa sipara soye ¹⁸ mposi kapisi umoneke ku vantu asi ove mulidiliro una kara, enne ngoli ku vaso vo mulihoramo; ntani vaso ovo vamonango mulihoramo ngava kupa ndjapo yoye.

¹⁹ Mwa sa ku tulikira Maungawo wo pantunda yo livhu, wo kuvhura kudjonauka ku vimbumburu no ku nkarawe no ku vanawidi vakuvhura kubukura mundjuwo vaya kuvake. ²⁰ Nani ngoli kupongayikirenu ungawo wo mu liwiru, owu nga vadira kudjonaura va vimbumburu no nkarawe, ntani oku vadira kuvhura kungena va widi va ka vake. ²¹ Oku lya kara limona lyoye, no mutjima woye nawo nkoko wakara.

²² Ramba yo rutu roye lintjo. Mpo ngoli si, mantjo woye ha mawa, no rutu naruntje naro muukenu runa kara. ²³ Enne ngoli ntjene si mantjo woye kuna yura mundema, rutu roye naruntje naro mu mundema runa kara. Mpo ngoli si, ntjene ukenu wo mu moye ngo mundema wen-wene, pani watika wo mundema.

²⁴ Kwato umwe wo kuvhura ku karera vahona vavili, mpo ngoli si kuvhura a nyenge po umwe ntani a hore po umweya, ndi po asi kuvhura akorere kwa umwe makura anute po umweya. Kapi uvhura ku karera Karunga no Ungawo.

²⁵ Mpo ngoli nakumutantera asi, walye mwa sa kara nga no mahayadaromu maparu henu, vinke mu lya ndi vinke munwa; ndi po asi marutu henu vinke muhadwateka. Nani liparu kapi lya pitakana ndya, ndi po asi rutu rwa pitakana vyuma? ²⁶ Kengenu vidira vyo muwiru. Vya vyo kapi vya kunanga ndi asi viyangure, ngoli Senu wo mu liwiru kuvirera. Nani anwe kapisi mulyo ku pitakana mbyo ndi? ²⁷ Are po umwe pakatji kenu wo kuvhura ku kara no sinka makura awederereko liyuva limwe ku liparu lyendi?

²⁸ Vinke muna karere sinka no vyuma? hayarenu kumusoni wo mu lifuva, omu wakuranga. Kapi wa ruwananga, ndi asi hondje vyuma. ²⁹ Ngoli ame kuna kumutantera asi, nampili Salomoni ndje wu kapi avhulire kudwata mu untungi wendi nauntje afane yira simwe vyo mbyo vino. ³⁰ Ano Karunga owu adwatekango musoni, owu una karo po namuntji ntani no yona ngoli ngava uvhukumina mu lidiko, weni ngoli omu adira kuvhura ku mudwateka, anwe valipuro lyo lididi? ³¹ Nani ngoli mwa sa kara no shinka no kughamba asi, 'Vinke tuvhura kulya?' ndi po asi, 'Vinke tu nwa?' ndi po asi, 'Vidwata munke tudwata?' ³² Vininke navintje evi vahedana mbo va vipaparango, ntani Senu wo mu liwiru ayiva si vinke muna hepa. ³³ Enne ngoli muhove tanko paparenu Untungi wendi no uhungami wendi, ntani vininke navintje nga va vimupa nwe. ³⁴ Mpo ngoli mwa sa kara no sinka ko vi vyo yona, morwa lyo yona nga likara no sinka sa lyo lyene. Kehe liyuva kwa kara no udona wa lyene.