¹ Makura Jesus ayi mupititili mpepo mu mburundu mu ku museteka mudjonauli. ² Apa adililire mayuva dimurongo nee namatiku dimurongo nee, uye ya mu kwatire ndjara. ³ Museteki aya no kughamba ku kwendi asi, "Ntjene ve mona Karunga, rawira ano mawe a kare mboroto." ⁴ Enne ngoli Jesus a limburura no kughamba ku kwendi, "Vavi tjanga, 'Murwana no kuvhurasi kuparuka ku mboroto pantjayo enne ngoli no ku kehe nkango yo kutunda mukanwa ka Karunga.'" ⁵ Makura satana a mutwara mu nkurumbara yo kupongoka no kukamutura pawiru-wiru yo ntembeli, no kughamba ku kwendi, ⁶ "ntjene ve mona Karunga, ku vhukumene umoye palivu, vavi tjanga, 'Uye nga nangwira vaEngeli vendi ngava kupakere mbili; ntani' Vavo ngava kudamuna mumawoko havo, mpo ngoli asi ove kapisi ngo punduke mpadi yoye muliwe." ⁷ Jesus aghamba ku kwendi, "Ntani nka vavi tjanga, 'Wasa seteka Hompa Karunga woye.'"

⁸ Ntani nka satana amutwara ku ndundu yo yire unene no ku muneyeda mauntungi nahantje ha mu udjuni rambangako no mauyerere hamo. ⁹ Uye aghamba ku kwendi, "Navintje vino vininke ngani vikupa, ntjene uwana ku ndaperera me." ¹⁰ Makura Jesus aghamba ku kwendi, "Yenda tunda pano, Satana! vavi tjanga, 'Karera Hompa Karunga woye ntani nka mukarere pantjendi.'" ¹¹ Makura Satana amusuvu, makura vaEngeli ava ya nakuya mukarera uye.

¹² Weno apa Jesus ayuvire asi Johanes vana mutapa uye atunde ku Galilea. ¹³ Uye kwa suvire Nazaretha ntani ayendi no ku katunga mu Capernaum, kunya kuviha vyo lifuta lya Galilea mu mukunda wa Seburoni na Nafitali. ¹⁴ Vino kwa sorokilire mu kutikitamo evi aghambire Jesaya wo muporofete, ¹⁷ Kutunda paruvede ndoro Jesus atameke kuyuvita no kughamba, "Kutezururenu, untungi wo liwiru unaya pa pepi."

¹⁸ Apa uye ayendire kuntere yo lifuta lya Galilea, a mono vaunyendi vavili, Simoni owo kava twenyanga Peter, ntani Andreasi mu unyendi, kuna kuteya likwe mu lifuta, vavo kwa kalire va sakangcongco. ¹⁹ Jesus aghamba ku kwavo, "Yenu, nkwamenu, ntani ame ngani murenka vakwati vo vantu." ²⁰ Mpopo ngoli ava suvu makwe no ku mukwama.

²¹ Apa Jesus ayendire kutunda panya a mono nka vaunyendi vaviri, Jakob mona Zebedeus, ntani Johanes muunyendi. Vavo kwakalire muwato naZebede savo kuna kuwapayika makwe. Ava kuwu, ²² makura vavo mpopo ava suvu wato ntani savo no ku mukwama.

²³ Jesus ayendi muGalilea nayintje, kuronga musingnona davo, ku yuvita mbudi yayiwa yaghuntungi nakuverura maghuvera ghakukushuva-shuva mukatji kavantu. ²⁴ Mbudi yakuhamena Jesus ayi kuhanene mu Siriya mudima, ntani vantu ava yita ku kwendi navantje ava kava hepango kumauvera ha ku kusuva-suva ntani ku kora, ovo vakaliro no mpepodona, vingondwe ntani virema. Jesus ava verura. ²⁵ Mbunga yo yinene ayi mukwama kutunda kuGalilea, Dekapolisisi, Jerusalema, ntani Judeya, ntani kutunda museli munya ya Jorodani.