¹ Mu mayuva owo Johanes mukusi aya no kuya yuvita mumburundu ya Judea mu kughamba, ² "Litezururenu, untungi wo liwiru pa pepi una kara." ³ Uno ndje a ghambire muporofete Isaya, no kughamba asi, "Liywi lyo umwe ana kukuwo mu mburundu. Wapayikenu Ndjira ya Hompa, muture Ndjira yendi yi vyukilire."

⁴ Johanes kadwatanga vyuma vya huki da ngamero ntani no ruvya rwa sipapa mu mbunda yendi. ndya dendi kwa kalire simbonde ntani no usi wo muwiya. ⁵ Makura Jerusalema, Judea nayintje, ntani no maruha mukunda a kundurukido mukuro wa Jordan ava rupuka vayende kwendi. ⁶ Vavo ava kusire mu Mukuro wa Jordan, mu kutongonona ndjo davo.

⁷ Enne ngoli apa amonine va Falisayi nava sadukayi vavangi kuna kuya kwendi aya vayoye, ghuye a ghamba kwavo asi, "Anwe vana vava mbaroka, are amurondoro mukusenduka ugara wo unene owo una kuyo? ⁸ Yimenu viyimwa vyaviwa vya likutezururo. ⁹ Kapisi mughayare kughamba mukatji kenu, 'Atwe twakara na Abraham wava setu.' Mpo ame nakughamba kwenu asi Karunga kuvivura kurambwita vana va Abraham nampili mumawe ghano. ¹⁰ Likuva vana litura kare ku ndandani do vitondo. Kehe sino sitondo sadirango kuyima viyimwa vyo viwa kusiteta naku sivukumina mu mundiro.

¹¹ "Ame kuna kumu yowa no mema wo likutezururo. Enne ngoli owo ngayo kunyima yande uye nkondo kupitakana me, ntani kapi nawapera ku musimbira vicapa vyendi. ngaya muyowa no Mpepo yo kupongoka ntani no mundiro. ¹² Sikenito muliwoko lyendi sa kara mukukenita rupare ntani no kupongeka rukokotwa rwendi musisete. Enne ngoli nga sora rungu namundiro wo kudira kudima."

¹³ Makura Jesus atundu ku Galileya ayende ku Mukuro wa Jordan aka muyoye Johanes. ¹⁴ Enne ngoli Johanes asetikilireko mu ku mukava, no kughamba asi, "Nasana undjoye ve, ntani ove kuna kuya kwande?" ¹⁵ Jesus a limburura no kughamba kwendi si, "vipulitire ngoli weno, vya hungama kwetu kutikitamo uhungami nauntje." Makura Johanes a mupulitire.

¹⁶ Muruku uye vana muyowo, Mpo ngoli Jesus a yaukire mo mu mema, na kumona, liwiru lina mu harukiri. Uye a monine mpepo ya Karunga kuna kuseumukira pendi yira liputukuwa no kuya pwiyumukira pa pendi. ¹⁷ Yimanenu, liywi ali tundu mu liwiru no kughamba asi, "Uno ndje monande wo kuhora. Uye ndje ahafito me.