¹ Yesu kudogome nabo iyaka wa mlingilisho, ugana. ² Buolo bwa hekulu buli hulengeleshwa na limwe Olo kuitele mwanage sumbilo lya buya bwa ugonda. ³ Kutumine bacha bake babakita bene bakishilwe uchwa usumbilo lya ukonda, bahaninye uchwa. ⁴ Olo kutumine bange bacha, kukanine basambilwe baya bene bahuile ukiswa, lolwe na huhwa ulongia biliwa byanyi, ngombe chanyi, na biya binonyu biahuhwa ushinjiwa, na byose bya huhua uhiwa na ubiwa ubulilochuwe tuye. ⁵ Baya bashihodile, bakile, kumwechi ulubala lwake, kunge ukucha byake. ⁶ Beene bashikele, babawatile baya bacha bake babakilile bya buhulihuli na ubahaka. ⁷ Bibyo liyo olo lichikililwe; kuhilile basolokoto bake, babahakile baya bahaganyi na uchikia mbuka kiabo. ⁸ Hanyuma kusambele bacha bake, buya bwa huhiya, baya bene bakishilwe bashilingye. ⁹ Bino kiwe umasango nandila, bose bamwimona mubagingiche m'buya. ¹⁰ Baya bacha bose babomonine, babii na babenju, buya bukilule bagenyi. ¹¹ Hakingile olo ukia ubatanya bagenyi bake, kumonine mtu gumwechi kushimchwale bisanjwa bya buya! ¹² Olo ku m'budiche, genda, wagingila mno na gogwe ushi mchale bya buya? kushamine pii kushikaile. ¹³ Olo lisambile bacha bage, mmambwe u maboo na umagulu, mswalwe na ugya umtela uu mdo kwa hambuga; ubo uli lilo na ulitauna meno. ¹⁴ Bululi bakishilwe ii engi, basobolwa ii bacho.

¹⁵ Haho Bafalisayo bkile, baishile mmungo kwa umpuata u binywa byage. ¹⁶ Bammilile bakikiwa babo hamwechi na mahelode bakanine, mkigia, tugidi ukana gogue wii mtu gwa kiine, na ndila kya Abetcha ulihukikicha wa kiine, na gogue ulihulola ichuli ya mtu gegese na ushihulola yenyi ya mtu. ¹⁷ Utusambile wamona wii? ii bibenju ulipa mlambu ao nangu?

¹⁸ Yesu kumanine bubi bwabo, nukana yulu ya ii mwachua uutonda, benywe ba lububa umeso? ¹⁹ mbonywe bumona bwa m'lambu, bammele dinari. ²⁰ Kubasambile, ino ii yenyi ya nanyi na china lya nanyi?

²¹ Bamsambile, ii yenyi lya Kaisali. Kukanine, mndi hewe Kaisali bya Kaisali na Abetcha Pungu bya Abetcha Pungu. ²² Habahuliche, bagagilwe, bamleile, bakile lwabo.

²³ Liya chuba bamwe Basadukayo bachuile wa Yesu, baya bene balihugana hashi uchuwa wa babu. Bambudiche. ²⁴ Boo nukana, Mkikia Musa guganine, nambo mtu kuahuwa, kusashiga baana, mshiwabo kahiane gugo mmachana, yulu gabutile guya mshiwabo mwana. ²⁵ Haho habele batu babushilwe njwi, kwa mtangi gugondile nage nuuwa nangu ushika mwana, gumshigile mnunake kuya mmachake. ²⁶ Byoka biya guya kuabubili, na kwa butatu, ndaa na gwa njwi. ²⁷ Hii isula ya bose, mmchana guwile nage. ²⁸ Ha uchuwa wa babu kubi mmachi gwa nanyi m'babo njwii? Yulu bose babele balume bake.

²⁹ Yesu kubagaile, na udogoma, mwachimina, bululi mushikidi mikilo na uoma wa Abetcha Pungu. ³⁰ Yulu mmuchuwa wa babu, mushi ugonda na ugonjwa, batu bose babi nahi malaika hekulu. ³¹ Iyaka yulu ya uchuwa wa babu, mushi namona inywa idogominywe na Abetcha Pungu, kuganine. ³² Nene ni Abetcha Pungu a Ibulahimu, Abetcha Pungu a Isaki, Abetcha Pungu a Yakobo? Abetcha Pungu ashi Abetcha Pungu a babu ii Abetcha Pungu a bali umwego.

³³ Na ihichi haihuliche lugigio lwage bagagilwe.

³⁴ Bafalisayo habahuliche kuahambia Basadukayo tunywa, bahungile hamwechi. ³⁵ Gumwe gwa mwana - m'bindo kumpudiche, umtonda. ³⁶ Mgigya mibingo nammihano yata iyii?

³⁷ Kubasambile, m'benje Mlume Abetcha Pungu gobe wa mtima gobe gose, wa uhemena obe ose na lwenyi lobe lose. ³⁸ Ao noo alaga a aata na kwa kutangi. ³⁹ Naya bubili kulingilishiwe na gugo m'benje m'binji nobe nahi ichulichuli ya mwego yobe. ⁴⁰ Hawingi ha bino bibile bile hugegamina mibindo kiose na bambua.

⁴¹ Bafalisayo habasumbile, Yesu kubabudiche, naukana mulihumona wii uu mwano Keleshitu? ⁴² Ii mwana gwa nanyi? Bamsambile, Ii mwana kwa Daudi?

⁴³ Kubabudiche, bisibele wi Daudi ii mtima kugitile Kilishitu Mlume, gukanine, ⁴⁴ Mlume kumsambile Mlume kwanyi, ushame uboo wanyi wa ulume, na byelibiya babii bobe uba hasi ha magulu mobe? ⁴⁵ Haho, Daudi kumshile mlume kunaba wii iyaka mwanage? ⁴⁶ Hashioshiche mtu gegese ugaa inywa, iyaka utula lilio chuba hashimoneye mtu kwa umpucha inywa yoyose iyaka.